Ельвира Арсалиаԥҳа длыдылкылеит Урыстәылатәи Афедерациа жәлар рартист, актиор Авангард Леонтиев

Арсалиаԥҳа: аԥсуа хәаԥшҩы Леонтиев дизыԥшуп

9
Аԥсны Акультуреи аҭоурых-культуратә ҭынха ахьчареи рминистр Ельвира Арсалиаԥҳа длыдылкылеит Урыстәылатәи Афедерациа жәлар рартист, актиор Авангард Леонтиев.

АҞӘА, ԥхынҷкәын 9 – Sputnik, Амра Амҷԥҳа. Аԥсуа хәаԥшҩы Леонтиев дизыԥшуп лҳәеит Аԥсны Акультуреи аҭоурых-культуратә ҭынха ахьчареи рминистр Ельвира Арсалиаԥҳа.

"Ҳара гәахәара дула Аԥсны шәҳадаҳкылоит. Раԥхьа иргыланы аԥснытәи ауаажәларра рыԥсҭазаараҿы атеатр аҵак ду аманы ишьоуп, уи адагьы РУСДРАМ 36-тәи асезон еиуеиԥшым ахҭысқәа рыла акыр ибеиоуп", — лҳәеит Арсалиаԥҳа.

Ельвира Арсалиаԥҳаи Авангарда Леонтиеви реиԥылараан иалацәажәон Фазиль Искандер ирҿиамҭақәа, иԥсҭазаара. Аминистр Леонтиев изеиҭалҳәеит акыршықәса искандер иԥсадгьыл аҟны ишымҩаԥырго афестиваль.

"Искандер ифестиваль аҳәаақәа ирҭагӡаны имҩаԥысуеит асахьаҭыхыҩцәа рцәыргақәҵақәа, еицырдыруа арежиссиорцәа рспектакльқәа рпримиерақәа. Аԥсны имҩаԥысуан афильм "Софичка" аҭыхрақәа", — лҳәеит аминистр.

Авангард Леонтиев иажәақәа рыла Искандер ирҿиамҭақәа рҟны еилаӡҩоуп еиуеиԥшым аҭагылазаашьақәа.

"Иара иман аҟыбаҩ ҷыда – аԥсҭазаара аччаԥшь иҿықәыхх алацәажәара. Илшон ауаа агәыӷра рыҭара", — иҳәоит актиор.

Авангард Леонтиев иазгәеиҭеит Искандер иҳәамҭақәа зегьы афоризмқәа рылухыр шауаз.

"Угәы еизымҳарц ҟалом абарҭ рҩызцәа ажәақәа ануаҳауа. Фазиль ҳара даҳџьынџьуаҩуп. Бзиа даабоит. Аха иара ихьӡ абриаҟара иҳаракны ауаа дуқәа аналацәажәо, угәеизҳара иацлоит", — лҳәеит Арсалиаԥҳа.

Авангард Леонтиев имоноспектакль "Наше все…Фазиль Искандер" мҩаԥысуеит ахәаша, ԥхынҷкәын 9 рзы Аҟәатәи аурыс драматә театр асценаҟны.

9