ААК: алхрақәа рахь ауаа активла иааиуеит

© Sputnik / Томас ТхайцукАԥсны Ацентртә алхратә комиссиа ахантәаҩы Ҭамаз Гогьиа аинформациатә центр аҟны имҩаԥигаз апресс-конференциа
Аԥсны Ацентртә алхратә комиссиа ахантәаҩы Ҭамаз Гогьиа аинформациатә центр аҟны имҩаԥигаз апресс-конференциа - Sputnik Аҧсны
Анапаҵаҩра
Ацентртә алхратә комиссиаҟны иаԥҵоуп ареспубликаҟны алхрақәа рымҩаԥысшьазы аинформациатә центр.

АҞӘА, хәажәкыра 12 — Sputnik, Бадраҟ Аҩӡба. Шьыжьы инаркны алхыҩцәа рааира акыр активла имҩаԥысуеит, иҳәеи Аԥсны Ацентртә алхратә комиссиа ахантәаҩы Ҭамаз Гәагьиа аинформациатә центр аҟны имҩаԥигаз апресс-конференциаҟны.

"Уажәазы иҳамоу адыррақәа рыла ауаа бжьыҭира рнеира активла имҩаԥысуеит. Доусы ихатә ус имоуп азы урҭ шьыжьнаҵы абжьыҭираҳәа инеиуеит", — иҳәеит иара.

Гәагьиа иазгәеиҭеит ауаа рацәа бжьыҭира рнеира наҟ-наҟгьы иагхарым ҳәа. Гал араион аҟны абжьыҭиҩцәа рхыԥхьаӡара атәы далацәажәо иара иҳәеит, уа ашәҟәы ишҭагалоу 600-ҩык. Урҭ рсиа ареферендум аантәи асиақәа рҟынтәи ишьақәыргылоуп.

Аԥсны Жәлар Реизара - Апарламент ахь алхарақәа активла имҩаԥсыуеит Гагра - Sputnik Аҧсны
Аԥсны Жәлар Реизара - Апарламент ахь алхарақәа активла имҩаԥсыуеит Гагра

Ԥсҳәы алхрақәа шымҩаԥысуа азы иазгәеиҭеит абжьыҭиразы иахәҭаны иҟоу ауснагӡатәқәа зегьы шеиҿкаау.

ААК (ЦИК) апресс-маӡаныҟәгаҩ Елена Лабахәуа иазгәалҭеит, алхыҩцәа рсиа ишану 131 нызқьҩык Аԥсны ауааԥсыра.

Алхрақәа раан жәларбжьаратәи анаԥшыҩцәа ҳәа Аԥсныҟа иааит 39-ҩык. Алхрақәа инарыдҳәаланы Аԥсны жәларбжьаратәи анаԥшыҩцәа аарышьҭырц аофициалтә шәҟәқәа рзынанашьҭын: Урыстәылатәи Афедерациа Афедералтә еизара Ахеилак, Урыстәыла Аҳәынҭқарратә Дума, Приднестровиатәи Молдавиатәи ареспублика, Урыстәыла Ацентртә алхратә комиссиа.

Иара убасгьы ашәҟәқәа шьҭын Венесуела, Никарагуа, Вануату рахь. Аԥсны Жәлар Реизарахь алхрақәа мҩаԥысуеит хәажәкыра 12 рзы 35 алхратә ҭыԥқәа рҿы. Дииааит ҳәа дыԥхьаӡоуп 50% + 1 бжьы зауз акандидат. Ариаҟара бжьы иқәгылаз акандидатцәа рҟынтәи аӡәгьы имоузар, аҩбатәи атур мҩаԥгахоит. Алхрақәа шьақәгылеит ҳәа иазыԥхьаӡоуп абжьыҭиҩцәа рааира 25% артәазар.

Ажәабжьқәа зегьы
0