Лавров Аԥсны иҭахаз рбаҟа амҵан ашәҭшьыҵәрақәа шьҭеиҵеит

© Sputnik / Томас ТхайцукЛавров Аԥсны иҭахаз рбаҟа амҵан ашәҭшьыҵәрақәа шьҭеиҵеит
Лавров Аԥсны иҭахаз рбаҟа амҵан ашәҭшьыҵәрақәа шьҭеиҵеит - Sputnik Аҧсны
Анапаҵаҩра
Аԥсны усутә визитла дааны дыҟоуп Урыстәылатәи Афедерациа Адәныҟатәи аусқәа рминистр Сергеи Лавров.

АҞӘА, мшаԥымза 19 — Sputnik, Бадраҟ Аҩӡба. Аԥсны усутә визитла иааны иҟоу Урыстәылатәи Афедерациа Адәныҟатәи аусқәа рминистр Сергеи Лавров Аԥсны Аџьынџьтәылатә еибашьраан иҭахаз рбаҟа амҵан ашәҭшьыҵәрақәа шьҭеиҵеит. Ацеремониа иалахәын Аԥсны Адәныҟатәи аусқәа рминистр Даур Ақаҩба, Ацҳаражәҳәаҩцәа Игор Ахбеи Семион Григориеви, Аԥсны Аԥыза-министр Беслан Барцыци.

Мшаԥымза 19 рзы Аҟәа имҩаԥысраны иҟоуп Аԥсны Ахада Рауль Ҳаџьымбеи, Аԥсны Адәныҟатәи аусқәа рминистр Даур Ақаҩбеи Урыстәылатәи Афедерациа Адәныҟатәи аусқәа рминистр Сергеи Лаврови реиԥылара.

Иара убасгьы иазыԥхьагәаҭоуп Сергеи Лаврови Аԥсны Жәлар Реизара – Апарламент аиҳабы Валери Кәарҷиеи реиԥыларагьы.

Мшаԥымза 18 рзы иара ихы алаирхәит Урыстәылатәи Афедерациа Ацҳаражәҳәарҭа ахыбрақәа ркомплекс официалла аартра.

Сергеи Лавров Аԥсны дыҟан 2011 шықәса рзы.

Ажәабжьқәа зегьы
0