Ашәҟәыҩҩы, ажурналист Шьалуа Константин-иԥа Басариа

Шьалуа Басариа илитературеи ижурналистикеи

22
(ирҿыцуп 16:53 05.05.2017)
Асовет аамҭазтәи аԥсуа литераторцәа алитературатә рҿиамҭақәа рыҩра инаваргыланы ажурналистикагьы рнапы алакын. Шьалуа Басариагьы еиуеиԥшым аамҭақәа рзы аус иуан агазеҭ "Аԥсны ҟаԥшь" аҟни алитературатә журнал "Алашара" аҟни.

Бадраҟ Аҩӡба, Sputnik

Ашәҟәыҩҩы, ажурналист Шьалуа Константин-иԥа Басариа диит 95 шықәса раԥхьа, лаҵарамза 5 1922 шықәса рзы, Очамчыра араион Кәтол ақыҭан. Даныхәыҷыз инаркны ақыҭа ԥсҭазаара иалагылаз аҷкәын аџьабаа абзиабара адагьы адырра ҭбаа аиура игәаҳәон.

"Аиҳабыратә классқәа рҟны дзыԥхьоз, иибоз, иаҳауаз ақьаад ахь риагара иҭаххо далагеит. Ажәеиҭаҳәарахь иоуз агәаҳәара ихаҭа акарҿиарахь ихо далагеит. Ауаа ирыдигалар иҭаххеит икалам иҵихуаз", ҳәа аҳәоит Шьалуа Басариа 90-шықәса ихыҵра иазкны агазеҭ "Республика Абхазиа" ианыз астатиаҿы.

Ажурнал "Алашара" аредактор хада Анатоли Лагәлаа игәаанагарала Шьалуа Басариа аԥсуа литератураҿ илагала акыр ишьарданы дахәаԥшуеит.

"Шьалуа Басариа аԥсуа литературазы иҟаиҵаз маҷӡам. Иажәабжьқәеи иповестқәеи аҵак ду рыманы иҟоуп", — иҳәоит Лагәлаа.

Шьалуа Басариа ирҿиамҭақәа "Имӷьаӡо ахәра", "Аиашьа иԥшаара", "Ан лахь ашәҟәы" уҳәа рҟны ишьҭыху атемақәа акыр рыҵаркуа иҟоуп аԥхьаҩ изы. Самсон Ҷанба ихьӡ зху Аԥсуа драматә театр аҟны иқәыргылан иакымкәа иҩбамкәа ипиесақәа.

Абжьаратә ҵара даналга ашьҭахь Шьалуа Басариа аусура далагоит алагарҭатә школ аҟны аҵараҟәша аиҳабыс. 1941 – 1951шш. рзы агазеҭ "Аԥсны ҟаԥшь" аҟны литературатә усзуҩыс дыҟан, нас аҟәша аиҳабыс.

Апартиатә школ ажурналистика афакультет даналга ашьҭахь агазеҭ аҿы иусура иациҵоит аҭакзыԥхықәу амаӡаныҟәгаҩыси аредактор хада ихаҭыԥуаҩыси. Еиуеиԥшым аамҭақәа рзы напхгара аиҭон Аԥснытәи ашәҟәҭыжьырҭа.

"Шьалуа Басариа абиԥара ҿа алитература ралагаларазы аџьабаа ду ибон. Имҩаԥигон асеминарқәа амилаҭ литература иазкны. Ихаҭа иакәзар аԥсуа литература бзиаӡаны идыруан", — иҳәоит Лагәлаа.

1959 шықәса рзы Шьалуа Басариа СССР ашәҟәыҩҩцәа Реидгыла далахәылахеит.

22

COVID-19 рзықәыргылоуп даҽа 26-ҩык Аԥсны ауааԥсыра

7
(ирҿыцуп 19:06 14.08.2020)
Апандемиа ҟалеижьҭеи Аԥсны акоронавирус здырбалахьоу рхыԥхьаӡара 182-ҩык ыҟоуп. Урҭ рахьтә 66-ҩык ргәы бзиахеит, хҩык рыԥсҭазаара иалҵит.

АҞӘА, нанҳәа 14 - Sputnik. Ииасыз уахыки-ҽнаки рыла акоронавирустә чымазара амазааразы агәаҭара иахысит 235-ҩык ауааԥсыра. Урҭ рахьтә адиагноз COVID-19 рзықәыргылоуп 26-ҩык, ҳәа аанацҳауеит Ауааԥсыра акоронавирустә ҿкы рацәыхьчаразы аоперативтә штаб.

Апандемиа ҟалеижьҭеи Аԥсны акоронавирус здырбалахьоу рхыԥхьаӡара 182-ҩык ыҟоуп. Урҭ рахьтә 66-ҩык ргәы бзиахеит, хҩык рыԥсҭазаара иалҵит.

Абри аамҭазы Гәдоуҭатәи ахәышәтәырҭаҿы ишьҭоуп акоронавирус зцәа иалоу 24-ҩык апациентцәа. Уахыки-ҽнаки рыла ахәышәтәырҭаҟнытә илыҩҩауп згәабзиара ҭышәынтәалахаз ааҩык атәылауааи, урыстәылатәи ахаҿи, ԥсшьаҩык Шәачаҟа диагоуп идиагноз хада ала иҷыдоу амедицинатә цхыраара иҭаразы.

Ауааԥсыра акоронавирустә ҿкы рацәыхьчаразы аоперативтә штаб ажәлар рахь ааԥхьара ҟанаҵоит ачымазара рымкырц азы ахыхьчаратә ԥҟарақәа ирықәныҟәаларц, асоциалтә дистанциа ркызарц.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

 

7

Аԥсны АҶА аусзуҩцәа Питертәи атуристка лыԥшаара ишаҿыц иаҿуп

1
Аԥшаарақәа мҩаԥысуеит Аԥсны АҶА аминистр Лев Кәыҵниа инапхгарала, аволонтиорцәеи иӡыз лҭаацәеи алархәны.

АҞӘА, нанҳәа 14 – Sputnik. Аԥсны Аҭагылазаашьа ҷыдақәа рминистрра аҟазауаа хымш ирықәуп аквадроцикл аҟынтәи Бзыԥ аӡы иагеит ҳәа иршьо атуристка лыԥшаара иаҿуижьҭеи, абри атәы Sputnik иазеиҭеиҳәеит АҶА рминистр ихаҭыԥуаҩ Тигран Делибалтиан.

Иара иажәақәа рыла аԥшаарақәа мҩаԥыслоит аԥҳәызба дрыԥшаанӡа.

"Амшқәа цәгьаханы ақәоура ҟалар аамҭакала ҳаԥшуеит. Макьаназы аԥшаарақәа ирыцаҳҵоит", - иҳәеит иара.

Аԥшаарақәа ирылахәуп Гагреи Гәдоуҭеи араионқәа рымцарцәара-еиқәырхаратә бригадақәеи Аҳәынҭқарратә инспекциа аӡыҵалаҩцәеи. Анеира ахьыуадаҩу аҭыԥқәа рҿы авиациа ахархәара амоуп.

1998 шықәса рзы ииз арԥыси аԥҳәызбеи Аԥсныҟа ԥсшьара ҳәа иааит Санкт-Петербургнтә. Аквадроцикл қьырала иргеит.

Аӡиа Риҵахь узго амҩа ажәбатәи акилометр иахьаҵанакуа аҷкәын аԥсҟы импыҵҟьеит, аквадроцикл ааҳәын аӡиас иалаҳаит.

Аҷкәын ибыргәым аахақәа иоуит, аквадроцикл Бзыԥ аҟәараҿы ирбеит.

Аӡӷаб амҩатә машәыр ахьыҟалаз аҭыԥ аҿы дрымбеит, убри азы аӡаҿы лыԥшаара иалагеит.

1