Аҵх амузеи аҟны мҩаԥысит Омар Беигәаа ихьӡ зху амузеи аҟны

Акциа "Аҵх амузеи аҟны" Омар Беигәаа ихьӡ зху амузеи аҿы

27
(ирҿыцуп 14:38 19.05.2017)
Жәларбжьаратәи амузеиқәа рымш аҳәаақәа ирҭагӡаны Омар Беигәаа ихьӡ зху аҳәаанырцәтәи аԥсуаа рҭоурых амузеи аҟны раԥхьаӡа акәны имҩаԥысит "Аҵх амузеи аҟны" захьӡу акциа. Араҟа еиҿкаан амҳаџьырра иазкыз астол гьежь, иара убасгьы иӡырган аҭоурыхҭҵааҩ Руслан Гәажәба ишәҟәы.

Бадраҟ Аҩӡба, Sputnik

Жәларбжьаратәи амузеиқәа рымш аҳәаақәа ирҭагӡаны имҩаԥысуа акциа "Аҵх амузеи аҟны" хынтәуп Аԥсны имҩаԥысуеижьҭеи, аха раԥхьаӡа акәны имҩаԥган Омар Беигәаа ихьӡ зху аҳәаанырцәтәи аԥсуаа рҭоурых амузеи аҟны.

Амузеи аҩналарҭаҿы улаԥш нараахон Аҟәатәи алицеи-интернат аҵаҩцәа рҭыхымҭақәа. Дара ирылукаауан Баграт Шьынқәба ишәҟәы "Ацынҵәарах" амотивқәа рыла иҭыхыз асахьақәа. Ахәыҷқәа иаадырԥшуан амҳаџьырра иадҳәалаз аҭоурых хҭысқәа.

"Ацәыргақәҵа атематика хада мҳаџьырроуп. Асахьақәа рыла ахәыҷқәа рҽазыршәеит арҭ ахҭысқәа раарԥшра. Акциа аҳәаақәа ирҭагӡаны ицәыргақәҵоуп жәаба рҟынӡа усумҭа", — иҳәеит амузеи адиректор Џьамбул Инџьгьиа.

Иара иажәақәа рыла, дара сынтәа ирыӡбеит адунеи зегьы аҿы имҩаԥырго акциа рҽаладырхәырц.

"Акультура аминистрра аофициалтә шәҟәы ҳзаарышьҭит, ҳаргьы уи гәахәарыла ақәҿаҳҭит", — иҳәеит Инџьгьиа.

Ахәыҷқәа ракәзар ргәырӷьара ҳәаак амамызт асеиԥш иҟоу аус иахьалахәхаз азы.

Акция Ночь в Музее в музее им. Бейгуаа
© Sputnik / Томас Тхайцук
Акция "Ночь в Музее" в музее им. Бейгуаа

Амҳаџьырқәа ргәалашәара амш аламҭалазы ауснагӡатәқәа зегьы абир ахҭыс иадҳәалан. Амҳаџьырра аԥсуа жәлар рҭоурых аҿы реиҳа ирыцҳараз хҭысын.

"XIX ашәышықәсазы аԥсуаа ррыцҳаар зыхҟьаз 1866 шықәсазтәи аԥсуаа рықәгылароуп. Александр II иашьа Михаил Николаи-иԥеи ирыӡбеит аԥсуаа ақәнага иақәдыршәарц. Аԥхьазы иазыԥхьагәаҭан ажәлар рыхәҭак Урыстәылатәи аимпериахь рахыгара", ҳәа азиԥхьаӡоит аҭоурыхдырыҩ Сослан Салаҟаиа.

Аха нас иӡбан Османтәи аимпериахь рахыгара. Иааидкыланы иахыган 500 000-ҩык аԥсуаа. Рыԥсадгьыл аҟны иаанхеит 19000-ҩык ауааԥсыра, иҳәоит аҭоурыхдырыҩ.

Абри аҽны иӡырган Руслан Гәажәба ишәҟәы "Дал-Цабал – 1967 год. Тамги абхазов, абазин и убыхов". Автор иажәақәа рыла ари ашәҟәы аҩбатәи атом ауп. Актәи атом "Из истории кавказской диаспоры абхазы — убыхи" ҭыжьын 2014 шықәса рзы.

Ашәҟәы аҟны еизгоуп 1000 инареиҳаны аԥсуааи, абазақәеи, аубыхқәеи рдамыӷақәа.

"Ари ихарҭәаау сиаӡам", — иҳәоит автор.

"Ашәҟәы азкуп аԥсуаа ррыцҳара ду – амҳаџьырра. "Аӡы ахьышьҭрахь игьыжьуеит" ҳәа шырҳәо еиԥш иахьазы амҳаџьырқәа рыхҭылҵра ртәыла иазыхынҳәуа иалагеит. Усеиԥш аҭагылазаашьа ҟалеит. Аҳәаақәа аатит", — иҳәеит Гәажәба.

"Аҵх амузеи аҟны" жәларбжьаратә культуратә акциоуп. Ихацыркуп Франциа, 1999 шықәса рзы.

27

COVID-19 рзықәыргылоуп даҽа жәҩык Аԥсны ауааԥсыра

14
(ирҿыцуп 20:02 10.08.2020)
Апандемиа ҟалеижьҭеи Аԥсны ачымазара здырбалахьоу рхыԥхьаӡара 143-ҩык ыҟоуп. Урҭ рахьтә 45-ҩык ргәы бзиахеит, хҩык рыԥсҭазаара иалҵит.

АҞӘА, нанҳәа 10 - Sputnik. Аҵыхәтәантәи уахыки-ҽнаки рыла акоронавирустә чымазара амазааразы агәаҭара иахысит 55-ҩык ауааԥсыра, адиагноз COVID - 19 рзықәыргылоуп жәҩык ҳәа аанацҳауеит Ауааԥсыра акоронавирустә ҿкы рацәыхьчаразы аоперативтә штаб.

Абыржәтәи аамҭазы Гәдоуҭатәи ахәышәтәырҭа хадаҿы ишьҭоуп акоронавирус зцәа иалоу 36-ҩык апациентцәа. Згәабзиара ҭышәынтәалаз апациентцәа быжьҩык ахәышәтәырҭа илыҩҩауп.

Ауааԥсыра акоронавирустә ҿкы рацәыхьчаразы аоперативтә штаб ажәлар рахь ааԥхьара ҟанаҵоит ачымазара рымкырц азы ахыхьчаратә ԥҟарақәа ирықәныҟәаларц: асоциалтә дистанциа укызароуп, унапқәа сапынла лассы-лассы иӡәӡәалатәуп, еиҳаракгьы адәахьынтә аҩны уанааилак ашьҭахь.

Аԥсны агәабзиарахьчара аминистрра аҭел ҷыда:

  • Аҟәа 925 – 10 – 06; 995 – 02 – 07; 935 – 30 – 71
  • Очамчыра 925 -10 – 09
  • Тҟәарчал 925 -10 – 03
  • Гал 925 -10 – 07
  • Гагра 925 -10 – 05
  • Гудоуҭа 925 -10 – 02
  • Агуӡера 925 -10 – 04

Акоронавирус иадҳәалоу ажәабжьқәа зегьы шәрыԥхьар ҟалоит абра>>

14
Атемақәа:
Ачымазара ҿкы – акоронавирус Аԥсни адунеи аҿи: иалкаау
Руслан Хашиг

Ҳашыг Белоруссиа ажурналистцәа раанкыларазы: аҳәынҭқарра зырԥхашьо хҭысуп

9
(ирҿыцуп 19:22 10.08.2020)
Аԥсны ажурналистцәа реидгыла ахантәаҩы Руслан Ҳашыг арадио Sputnik аефир аҿы Белоруссиа ажурналистцәа раанкылара ахҭыс ахҳәаа азыҟаиҵеит.
Ҳашыг Белоруссиа ажурналистцәа раанкыларазы: аҳәынҭқарра зырԥхашьо хҭысуп

"XXI ашәышықәсазы ас еиԥш иҟоу ахҭысқәа, аҳәынҭқарра ахьӡи аҳаҭыри лазырҟәуа акакәны иҟоуп. Аинтернет аҟны иаҳбо авидеонҵамҭақәа ақәыӡбара акәым, хаҭала згәы иалсыз рацәаҩуп, уи рбеижьҭеи Аԥсны ажурналистцәа реидгылахь аҭел иасуан, еилыркааз ажәабжь ҳзеиҭарҳәон. Ҳара ари ахҭыс ҳакәыӡбеит, ааԥхьарагьы ҟаҳҵеит белоруссиатәи аҳәынҭқарра анапхгареи белоруссиатәи ажурналистцәеи рахь ауаа раужьразы. Ииҩбахаз - хаҭала издыруаз ажурналистцәа рахь аҭел ҳасны агәҭынчымра ааҳарԥшит. Алхра аламҭалази алхра ашьҭахи еснагь адунеи аҿы иаҳбац аибырххарақәа ыҟоуп, аха уи ахҭысқәа имҩаԥысуа ауаа иреилзыркаауа ажурналистцәа рахь амч ахархәара, хаҭала Семен Пегов иҭагылазаашьа, ихдырра ицәыӡыртә аҟынӡа инагара, ари аҳәынҭқарра зырԥхашьо ҳҭысуп", - азгәеиҭеит Ҳашыг.

Белоруссиатәи амчрақәа рахь ааԥхьара ҟалҵеит иара убас RT, МИА "Россия сегодня" рредактор хада Маргарита Симониан. Лара Белоруссиа аиҳабыреи ҷыдала Александр Лукашенкои рахь ааԥхьара ҟалҵеит Семион Пегов дызлоу иаанкылоу ажурналистцәа рхы иақәиҭыртәырц.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

  • Аԥсны ажурналистцәа Реидгыла иақәыӡбоит Белоруссиа ажурналистцәа раанкылара
  • Семион Пегов дахьыҟоу еилкаахеит

9
Семен Пегов

Минск иаанкылаз урыстәылатәи ажурналист Семион Пегов доушьҭуп

3
(ирҿыцуп 21:50 10.08.2020)
Ажурналист Семион Пегов Минск, нанҳәа 9 рзтәи аилаҩеиласрақәа раан дшаанкылаз атәы рылаирҵәеит "Комсомольская правда" акорреспондент Александр Коц.

АҞӘА, нанҳәа 10 - Sputnik. Минск иаанкылаз урыстәылатәи ажурналист Семион Пегов азинеилагаҩцәа ахьҭаркуа Ацентр аҟынтә доушьҭуп, абри атәы аанацҳауеит Sputnik Беларусь Telegram-канал.

Белоруссиа иҟоу Урыстәыла ацҳаражәҳәаҩ адырра ҟаиҵахьан, Семион Пегов аҩаша аҩныҟа дхынҳәырц шилшо.

Белоруссиа алхрақәа мҩаԥысит нанҳәа 9 рзы. Алхырҭатә ҭыԥқәа шадыркызҵәҟьа, Минск зиншьаҭада аҿагыларатә акциақәа ирылагеит Белоруссиа ақалақьқәак рҿы.

Ажурналист Семион Пегов Минск дааныркылеит нанҳәа 9 ауха. "Комсомольская правда" арратә корреспондент Александр Коц иӡыригеит
Пегов дшааныркылоз акадырқәа.

Белоруссиатәи амчрақәа рахь ааԥхьара ҟалҵеит RT, МИА "Россия сегодня" рредактор хада Маргарита Симониан. Лара Белоруссиа аиҳабыреи ҷыдала Александр Лукашенкои рахь ааԥхьара ҟалҵеит Семион Пегов дызлоу иаанкылоу ажурналистцәа рхы иақәиҭыртәырц.

Аԥсны ажурналистцәа Реидгыла Белоруссиа амчрақәа рахь ааԥхьара ҟанаҵеит Минск имҩаԥысуаз аҿагыларатә акциақәа раан иаанкыло ажурналистцәа рхы рақәиҭтәразы.

Семион Пегов – апоет, урыстәылатәи афедералтә телеканалқәа рырратә корреспондент, апроект WarGonzo аиҿкааҩ. Диит 1985 шықәса рзы. Иҩымҭақәа кьыԥхьын альманахқәа "Под часами", "Персона", "Современники". Пушкин ихьӡ зху афестиваль "С веком наравне-2008" алауреат, ашәҟәыҩҩцәа ҿарацәа р-Форум "Липки-2011"алахәыла. Семион Пегов 2008 - 2013 шықәсқәа рзы Аҟәа, ателекеилахәыра "Абаза-ТВ" аҟны аус иуан, "Нужная газета", "Чегемская правда", "Новый день" иҩымҭақәа ркьыԥхьуан.

Иара убас шәаԥхьар ҟалоит:

 

3