Архивтә фото

Абџьар аҩысҭаа дҭатәоуп

149
(ирҿыцуп 10:20 24.05.2017)
Аҵыхәтәантәи аамҭазы иаҳбо ҳалагеит, ахалахьырхәра, ашьоура уҳәа, аԥсҭазааратә ӷыӷеибагара иахҟьаны ауаҩшьрақәа шцәырҵыз, абри аҭагылазаашьа дазааҭгылоит ажурналист Елеонора Коӷониаԥҳа.

Sputnik, Елеонора Коӷониаԥҳа

Аибашьра анеилгаз ашьҭахь, акыраамҭа аҭыԥ рыман урҭ рҩызцәа ахҭысқәа. Аамҭак азы еиҳа ҭынчран.

Архивтә фото
© Fotolia / Dianaduda

Хымԥада, ацәгьоурақәа есқьынагьы имҩаԥысуан, аха, ашьоуреи ахалахьырхәреи рышьҭыбжь уамак иҳаҳауамызт. Мчыбжьык аԥхьа, "Ахалахьырхәра" захьӡыз санҵамҭа Sputnik адаҟьаҿы икьыԥхьын. Уи азкын, аҳҭнықалақь Аҳабла ҿыц ҳәа иахьашьҭоу иҟалаз ауаҩшьра.

Аиашьа иаҳәшьа дишьит, "лхымҩаԥгашьа" мзызс инаҭаны. Ашьра ҟазҵаз, абџьар аныҟәгара азин имамызт, аофициалтә информациа ишҳанаҳәаз ала. Дҭархоуп 33 шықәса зхыҵуаз аҭыԥҳа. Дыршьит, избанзар, ахацәа ирыӡбеит абас "рыхьымӡӷ" рхырхырц.

Ари ажәлар рыбжьы ныҵак излацәажәо ауп, аха бжьыҭгала уамак аӡбахә рҳәом. Ирҳәом, избанзар, ус иақәнагоуп ҳәа изшьогьы маҷҩым, насгьы, ҭаацәаратә драмоуп, алацәажәарагьы уамак иаԥсам ҳәа ргәы иаанагозар ҟалоит. 

Арҭ амшқәа ирылагӡаны иҟалеит дырҩагьых ауаҩшьрақәа, актәи аигәылацәа рӷыӷеибагара иахҟьеит, аҩбатәи, лаҵарамза 6 2017 шықәсазы автомат ҭырҟьаны иршьыз Мадина Занҭариаԥҳа илыдҳәалоуп рҳәоит. Лаҵарамза 18 2017 шықәсазы абџьар ҭырҟьаны дшьуп, 1992 шықәсазы ииз Арнольд Акаба.

Аԥсны Аҩныҵҟатәи аусқәа рминистрра ишаанацҳауа ала, уи ишьразы "гәҩарас дҟаҵаны даанкылоуп, Тамшь ақыҭан ииз, Аҟәа инхо атәылауаҩ". Аацҳамҭаҿы иарбаӡам, гәҩарас ирымоу ихьӡи ижәлеи, аха, Аԥсны атәыла хәыҷуп, убри аҟынтә, ауаажәларара ирдыруеит, иршьыз аҷкәын, зашьа иишьыаз аҭыԥҳа дышлыхдырҟьаз. Дырҩагьых ахалахьыхәра.  

Абарҭқәа зегьы уанрызхәыцуа, акыр шәышықәса раԥхьа иҟалақәоз ахҭысқәа реиҳа еицәоу авариантқәа рыла ишымҩаԥсуа убоит. Ари аанкылашьак амоур, ҳмилаҭ ҭибархар алшоит. 

Ҳазҭагыло аамҭазы, абџьар ишакәым ахархәара аиуны иҟоуп, ихысуеит ақалақь агәҭа, ачарақәа рҿы, аимак змоу еибашьуеит амаҷ азы. Ас иҟоуп, избанзар, абџьар ахархәараазы аԥҟарақәеи, уи аҵәахышьеи аӡәгьы инеигӡар иҭахӡам. Атрадициақәа ртәы ҳҳәозар, анкьатәиқәеи уажәтәиқәеи хәыки шьхаки рыбжьоуп. Уаанӡатәи Апарламент адепутатцәа актәи аԥхьара иахрыжьхьеит "Абџьар азы азакәан".

Уаҟа иануп, ахыхьчаразы ауаҩы ихы иаирхәо арбану, насгьы, абџьар ауаҩы инеигар ахьыҟалои иахьыҟамлои уҳәа, абџьар ахархәаразы еиуиеԥшым аԥҟарақәа. Абарҭ зегь ҳара изаҳҭахыу, ауаҩы ишьра, иҭархара аҽацәыхьчаразоуп.

Ииашоуп, ауаҩы бџьардагьы дыршьыр ауеит, аха, абџьар ауаҩы ишьразы зегь реиҳа ишәарҭоу акакәны иҟоуп, убри азоуп, уи аныҟәгара азин змамкәа зхы иазырхәо рзы, азакәан аҿы иҷыдоу ахәҭаҷ зыҟоу. "Абџьар аҩысҭаа дҭатәоуп, нан", лҳәон санду, абџьар ишакәым азныҟәара ашәараҭара шацу лдыруан азы.

Иахьа, 21-тәи ашәышықәсазы, азакәанқәа маҷымкәа ианҳамоу, уи иҳаднагало аԥҟарақәа ҳрықәныҟәом, иахьаҭыԥугьы, иахьаҭыԥымгьы абџьар ҭҳарҟьо, ҳара ҳара ҳақәибахуа ҳалагеит. "Иахьарнахыс ишьызааит ашьоура", ҳәа иҩхьан ашәҟәыҩҩы Иван Папсқьыр ироман "Аԥҳәыс лыпату" аҿы.

Иҩхьан, избанзар, ауаҩшьра иарҿио аиӷара иахҟьаны ауаа ықәибахлар алшоит. Ҳара ҳмилаҭ маҷуп, убри аҟынтә, ҩынтәынгьы ҳхы ҳахьчароуп. Аха, аҳәынҭқарраҿы азакәанқәа рықәныҟәара аныџьбарам, ауаҩы ишауа анидыруа, ихала иӡбоит ахара зду ҳәа ииԥхьаӡо иҭархара, убри аан, иаҳәшьа гәакьа димшаҭо аҟынӡа дгәымбылџьбараханы дҟалахьеит. 

Мадина Занҭариаԥҳа илхыҵуан 33 шықәса Арнольд Акаба 25 шықәса, заҟа иқәыԥшқәоузеи, заҟагьы итрагедиоузеи рыгрҿы амырҳәаӡакәа автомат иҭнарҟьаз ахы рыԥсҭазаара иахьалнахыз. Изыӡбада урҭ ахалахьырхәра амотив ала рыԥсҭазаара иалхтәын ҳәа?!

149
Прокладка канализации на улице Имама Шамиля

Гәдоуҭа аканализациатә насос-станциақәа рремонт ахыркәшарахь инеиуеит

4
(ирҿыцуп 15:03 30.11.2020)
Гәдоуҭа аканализациатә насос-станциақәа рремонт иазоушьҭуп 152 миллион мааҭ Аԥсны асоциал-економикатә ҿиараз Аинвестпрограмма аҟынтә.

АҞӘА, абҵара 30 – Sputnik, Бадри Есиава. Гәдоуҭа аканализациатә насос-станциақәа ҩба рремонт ахыркәшарахь инеиуеит ҳәа Sputnik иазеиҭеиҳәеит акапиталтә ргылара Аусбарҭа аиҳабы ихаҭыԥуаҩ Демир Гамсониа.

"Ари аусура анагӡаразы иара убасгьы аремонт азуын звольт ҳараку аҳа – КНС 1, КНС 2 афымцалашара рызназго, ишьҭаҵан аколлектор ҿыц арыцқьаратә усурақәа рзы. Аусурақәа ҩымчыбжьҟа рнаҩс ихыркәшахоит", - иҳәоит иара.

© Sputnik / Бадри Есиава
Гәдоуҭа аканализациатә насос-станциақәа рремонт ахыркәшарахь инеиуеит

Гамсониа иҳәеит аканализациатә насос-станциақәа зԥыршьуа арыцқьаратә хархәагақәа Приморск ақыҭеи Гәдоуҭеи рыбжьара иҟоуп ҳәа. Дара асовет аамҭақәа раан иргылан. Урҭгьы аремонт рҭахны иҟоуп. Арҭ аусурақәа рхышәаҵышәа аплан аҿы ишарбоугьы Аинвестпрограмма иалагалам.

Аканализациатә насостә-станциақәа рремонт иалаган 2017 шықәсазы. 2017-2019 шықәсқәа рызтәи Аԥсны асоциал-економикатә ҿиараз Аинвестпрограмма иалагалан. Апроект ахәԥса 152 миллион мааҭ ыҟан. Урҭ рҟынтәи жәа-миллион мааҭ 2020-2022 шықәсқәазтәи апрограммахь ииаган.

4

Ҭыжәԥҳа Аԥсуа театр Нальчик имҩаԥысуа афестиваль алахәхаразы: итрадициахеит

14
(ирҿыцуп 14:07 30.11.2020)
Ҟабарда-Балкариа имҩаԥысуа жәларбжьаратәи атеатртә фестиваль ахь ирго ақәыргыламҭазы аӡбамҭа шрыдыркылази, уи алахәхара аҵаки ртәы арадио Sputnik аефир аҟны еиҭалҳәеит Ауаажәларратә еимадарақәа рзы Аԥсуа ҳәынҭқарратә драматә театр аиҳабы ихаҭыԥуаҩ Шьарида Ҭыжәԥҳа.
Ҭыжәԥҳа Аԥсуа театр Нальчик имҩаԥысуа афестиваль алахәхаразы: итрадициахеит

Самсон Ҷанба ихьӡ зху Аԥсуа драматә театр Жәларбжьаратәи атеатртә фестиваль "Южная сцена-100", иалахәхараны иҟоуп. Афестиваль мҩаԥысуеит Ҟабарда-Балкариа ареспубликаҿы ԥхынҷкәын 3 инаркны 7-нӡа. Нальчиктәи афестиваль аҿы италиатәи адраматург Едуардо де Филиппо ипиеса иалху, арежиссер Бенар Ақаҩба иқәыргыламҭа аспектакль "Цилиндр" днарбоит. Ари ақәыргыламҭа аԥхьарбара мҩаԥысит ԥхынгәымзазы.

"Афестиваль ахь иаҳгар ҳҭахын "Ромеои Џьулеттеи", иара ақәыргыламҭа ҿыцуп, ахәаԥшцәа бзиа ирбоит, аха иалахәу рацәоуп, ачымазара (COVID-19- аред. ) иахҟьаны иаҳзеиқәмыршәаӡеит, ирлас иузымӡбо еиуеиԥшым азҵаарақәа цәырҵит. Акультура аминистрреи атеатр анапхгареи иазхәыцит иаҳгаша аспектакль, иалаҳхит "Цилиндр". Ақәыргыламҭа ҿыцуп, иалахәу актиорцәагьы рызхара имхәмарӡацт, избанзар акарантин иахҟьаны атеатр адыркуан, иаадыртуан, Аԥсны ҩынтә рыда иқәыргыламызт. Сынтәа афестиваль ахь ҳамцар ҟаломызт, избанзар шьҭа итрадициоуп", - лҳәеит Ҭыжәԥҳа.

2019 шықәсазы Самсон Ҷанба ихьӡ зху Аԥсуа ҳәынҭқарратә драматә театр Жәларбжьаратәи атеатртә фестиваль "Южная сцена-100" иалахәын аспектакль "Ажәҩан аҟәара" аманы. Атеатр атруппа "Иреиӷьу актиортә еилазаара" ҳәа адиплом анашьан.

Иара убас шәаԥхьар ҟалоит:

14

Ахәыҷы машәырны хнызқь шықәса зхыҵуаз иуникалу артефакт иԥшааит

3
(ирҿыцуп 15:28 30.11.2020)
Арԥшӡага ԥшь-ҿыгҳарак амоуп, дара зегь хаз-хазы ахьтәы еимхәыццырақәа рыла ишьақәгылоуп, ашәҭ асахьа амоуп.

АҞӘА, абҵара 30 — Sputnik. Жә-шықәса зхыҵуа Биниамин Милт Иерусалим, Храмоваиа гора ҳәа иахьашьҭоу аҭыԥ аҿы ахьтәы еимхәыцыра ибеит. Аимхәыццыра ақәра х-нызқьшықәса рҟынӡа ыҟоуп ҳәа аанацҳауеит РИА Новости, Temple Mount Sifting Project асаит адыррақәа шьаҭас иҟаҵаны.

Арԥшӡага ԥшь-ҿыгҳарак амоуп, дара зегь хаз-хазы ахьтәы еимхәыццырақәа рыла ишьақәгылоуп, ашәҭ асахьа амоуп. Убри аан дара рҭагылазаашьа бзианы иҟоуп. Аԥшаах здырбаз археолог аԥхьаҵәҟьа ҳаамҭазтәи рыԥшӡагаз џьишьеит.

Нас еилкаахеит аимхәыццырақәа Актәи абааш аамҭа (Соломон ибааш, ҳера ҟалаанӡа 950 - 586 шш. — аред.) иатәуп ҳәа.

Аҵарауаа ирҳәеит асеиԥш иҟоу амаҭәарқәа шамахамзар ишуԥыхьамшәо.

3