АҞӘА, лаҵарамза 27 – Sputnik, Бадраҟ Аҩӡба. Абызшәадырыҩ, афилологиатә наукақәа рдоктор, 60 инареиҳаны астатиақәа равтор, аорден "Ахьӡ-аԥша" III аҩаӡара занашьоу Лили Риза-иԥҳа Ҳагԥҳа 65 шықәса лхыҵит.
"Лили Риза-иԥҳа аԥсуа бызшәа аизырҳараҿы ллагала дууп. Ибзиаӡаны Қарҭтәи ауниверситет далганы Аԥсныҟа дхынҳәит лдырра лыжәлар идлырхәарц", — иҳәоит аҵарауаҩ Оҭар Ӡиӡариа.
Лили Ҳагԥҳа аԥсуа бызшәа азҵаарақәа ирызкны аусумҭақәа рацәаны илымоуп.
"Аиҳарак лара аус адылулоит абызшәа аорфографиа", — иҳәеит иара.
Уи адагьы Лили Ҳагԥҳа аус рыдылулоит аҿар.
1969 шықәса рзы Лили Ҳагԥҳа дҭалеит А. Горьки ихьӡ зху Аҟәатәи арҵаҩратә институт, афилологиатә факультет аԥсуа-анемец бызшәа аҟәша.
1988 шықәса рзы Лили Ҳагԥҳа акандидаттә диссертациа лыхьчеит. Ԥхынҷкәын 21 2006 шықәса рзы Ҟабарда-Балкариатәи аҳәынҭқарратә университет аҟны адиссертациа лыхьчоит.
Лили Ҳагԥҳа 60 инареиҳаны аԥсуа бызшәа алексикатә еилазаареи аграмматикатә шьақәгылашьеи рызҵаарақәа ирызкны статиа дравторуп.
Лили Ҳагԥҳа лассы-лассы аԥсуа-адыга бызшәақәа рыпроблемақәа ирызкны ажәахәқәа ҟалҵалоит еиуеиԥшым жәларбжьаратәи аконференциақәа рҟны.
