Папасқьыр имҩаҿ инхо ауаа рынхарҭа ҭыԥқәа аҳәазара иаҿуп

Папасқьыр имҩаҿ инхо ауаа рынхарҭа ҭыԥқәа аҳәазара иаҿуп

10
(ирҿыцуп 12:52 07.06.2017)
Аҟәа ақалақь ауааԥсыра рпроблемақәа еиуеиԥшым. Папасқьыр имҩаҿ инхо рпроблемақәа акыр ишәарҭаны иҟоуп. Урҭ ахьынхо аҭыԥқәа аҳәазара иаҿуп.

Бадраҟ Аҩӡба, Sputnik

Папасқьыр имҩа Аҟәатәи ашьха иаԥнуп. Ара инхо проблемак акәым ирымоу. Аха зегь раасҭа уацәшәартә иҟоуп аӡеизакырҭа иацәцо аӡы рынхарҭа ҭыԥқәа иахьрыҵало. Ицәааку адгьылқәа маҷ-маҷ иҳәазоит. Мшаԥымзазы амҩа иаваҵан инашьҭыз аҭӡы каҳаит.

"Иаарласны џьара ак ҟаҵамзар арыцҳара ҟалоит. Адгьыл ааҳәазар, ҳаҩнқәа аманы ицоит", — лҳәоит уи амҩаҿы инхо Ирина Минчец.

Уи адагьы ари аҭыԥ аҿы аӡылбаашьҭырҭақәа аус руам. Урҭ зегьы алыкь рҭоуп.

Водокачка
© Sputnik Авидзба Бадрак
Водокачка

"Аӡылбаашьҭырҭақәа лыкьла ишәаҳауп. Аӡымҩангага акәзар, ишьоуп, аӡы адгьыл ҵнаӡәӡәаауеит", — лҳәоит Ирина.

Ара инхо ауааԥсыра аизара мҩаԥыргеит.

"Сышҭаҿ игылоу агараж ҩынтәуп ишьоижьҭеи", — лҳәоит урҭ руаӡәк.

Дара ишырҳәо ала 2016 шықәсазы рпроблема Аминистрцәа Реилазаара азхьаԥшра анаҭеит, аха нас зегьы еиԥхьбеит.

Щель на резервуаре, откуда при заполнении вода хлещет
© Sputnik Авидзба Бадрак
Щель на резервуаре, откуда при заполнении вода хлещет

Аԥсны Акапиталтә ргылара аусбарҭа аиҳабы ихаҭыԥуаҩ Асҭамыр Џьыкырба Sputnik иазеиҭеиҳәеит агәаҭаратә усурақәа шымҩаԥгатәу.

"Нас ауп иҟаҵатәу анаадыруа. Ҳәарада аӡымҩангагақәа еиҭашьақәыргылатәуп. Уи адагьы адгьылрӷәӷәага ҭӡы еиҭашьақәыргылатәуп. Уи акыр иуашәшәыроуп", — иҳәоит иара.

Иара убасгьы имҩаԥгатәуп анџьныр-геологтә гәаҭарақәа.

Обвал земли по улице Папаскир
© Sputnik Бадрак Авидзба
Обвал земли по улице Папаскир

Аҭӡы еиҭашьақәмыргылахар, адгьыл зегьы ҳәазар ауеит, ҳәа иазиԥхьаӡоит Џьыкырба. Аҭыԥантәи ауаа ракәзар азхьаԥшра рмоур амашәыр ҟалоит ҳәа ирыԥхьаӡоит.

10