АҞӘА, рашәара 28 – Sputnik, Бадраҟ Аҩӡба. Аинвестициатә программа инақәыршәаны Џьырхәаҟа амҩа акаҭран ақәҵара иалагеит ҳәа Sputnik акорреспондент изеиҭеиҳәеит Гәдоуҭа араион Ахада Руслан Ладариа.
"Уажәы азыҟаҵаратә усурақәа ирҿуп. Сгәы иаанагоит хԥа-ԥышьба мчыбжьы рыҩныҵҟа акаҭран ықәҵан ҳалгоит ҳәа", — иҳәеит Ладариа.
Аинвестициатә программа анагӡашьа ахылаԥшразы иаԥҵан аштаб. Аинвестициатә программа инақәыршәаны аремонт рзухоит Гәдоуҭатәи ашкол №3, Лыхнытәи ашкол иҳәеит Ладариа.
"Аинвестициатә программа аус ауеит хышықәса рыҩныҵҟа. Ҳара иаҳуалны иҟоу ианаамҭоу, аҿҳәара иахмырԥакәа аусурақәа рынагӡароуп", — иҳәеит араион Ахада.
Иаԥҵоу аусутә гәыԥ жәамш рахь знык еизоит, апрограмма анагӡашьа иалацәажәалоит.
