Открытие летнего сезона в Пицундском храме. Фото с места события

"Пицунда ауарӷантә хәылԥазқәа" аатит

11
(ирҿыцуп 18:15 13.09.2017)
V аиубилеитә жәларбжьаратә фестиваль "Пицунда ауарӷантә хәылԥазқәа" аатит Пицундатәи аныхабааҿ, цәыббра 12 асааҭ 20.00 рзы. Иара азыӡырыҩцәа ирнаҭоит алшара мчыбжьык аҩныҵҟа иреиӷьу арҿиамҭақәа иреиӷьу ауарӷанарҳәаҩцәа рҟынтәи рзыӡырыҩрра.

АҞӘА, цәыббра 13– Sputnik, Анжелика Бениаԥҳа. V аиубилеитә жәларбжьаратә фестиваль "Пицунда ауарӷантә хәылԥазқәа" аатит Пицундатәи аныхабааҿ, цәыббра 12 асааҭ 20.00 рзы.

Иара азыӡырыҩцәа ирнаҭоит алшара мчыбжьык аҩныҵҟа Бах, Франк, Санс, Лист уҳәа егьырҭ аклассикатә музыка ахаҭарнакцәа рырҿиамҭақәа иреиӷьу иреиӷьу ауарӷанарҳәаҩцәа рҟынтәи рзыӡырыҩрра.

Афестиваль актәи амш аҟны ицәырган еиуеиԥшым амузыкатә стильқәеи ахырхарҭақәеи. Афестиваль апрограмма иалоуп ауарӷан азы ҷыдала иҩу амузыкеиԥш ауарӷан ахь иигоу амузыктә рҿиамҭақәагьы.

Афестиваль аҟны раԥхьаӡа акәны иадырҳәеит уаанӡа Аԥсны иадмырҳәацыз "Пицундатәи ауарӷан азы агимн". Амузыка иҩит Аԥсны аҳәынҭқарратә хортә копелла адиректор Нодар Ҷанба. Агимн налыгӡон Аԥсны жәлар рартистка, ауарӷанарҳәаҩ Марина Шамԥҳа.

Москватәи ауарӷанарҳәаҩ, Москватәи аконсерваториа апрофессор Алексеи Семеновизныкымкәа афестиваль ихы алаирхәхьеит. Афестиваль актәи амш азы инеигӡеит Иоганн Лиудвиг Кребс ихоралтә прелиудиеи а и интродукцию анемец романтик Макс Регер и-пассакаль ре минори. Афестиваль аҩбатәи амш азы ихатә программа азыӡырыҩцәа ирыдигалоит.

"Афестиваль иалахәхар зҭаху маҷым. Иара уажәшьҭа ихҭыс дуны иҟало иалагеит. Адунеи аҟны иҟам бжьыла еиԥшу ауарӷанқәа ҩба. Иарбанызаалак ауарӷан уникалуп", — иҳәеит Семенов.

Тверь ақалақь аҟынтәи аԥсшьаҩцәа Лиудмила Андреевеи Наталиа Жуковеи иаҳзеиҭарҳәеит ауарӷантә хәылԥазқәа зегь иреиӷьу ԥсшьараамҭан изырбо атәы.

"Насыԥк еиԥш иҳаԥхьаӡоит аинструмент иахьатәи ҳаамҭаҟынӡа еиқәханы иахьыҟоу. Амузыка аҽа дунеик ахь ҳагеит", — лҳәеит Андреева.

Наталиа Жукова иазгәалҭеит Тверь ақалақь аҟны ауарӷантә концертқәа дшырҭаало, аха 13 шықәса раԥхьа Пицунда дыззыӡырҩыз ауарӷани иареи шылзеидымкыло.

Афестиваль аҳәаақәа Аԥсны аҵакыра иҭыҵижьҭеи акрааҵуеит ҳәа азгәалҭеит ахәылԥаз амҩаԥгаҩ Есма Џьениаԥҳа.

"Афестиваль амузыка адунеи аҳәаақәа арҭбаауеит. Иреиӷьу амузыкантцәа аднаԥхьалоит. Уи адагьы афестиваль аҟны иуаҳар улшоит иреиӷьӡоу арҿиамҭақәа, уаанӡа иумаҳацыз мамзаргьы Аԥсныдгьыл уаанӡа иқәымҩыцыз", — лҳәеит лара.

Аԥснытәи аҳәынҭқарратә филармониа асолистка Кристина Ешԥҳа (сопрано) Гендель иопера "Юлий Цезарь в Египте" аҟынтәи Клеопатра лариа налыгӡеит. Ашәаҳәаҩ илҳәеит ес-мҽыша имҩаԥысуа аконцертқәа рҟны аасҭа афестиваль аҟны агәыхыҭхыҭра шлызцәырҵыз.

"Афестиваль аҟны урыцықәгылоит авиртуозцәа. Уаргьы урҭ рыҩаӡараҟынӡа аҩеира уҽазушәоит. Ухазын алкаақәа ҟауҵоит", — лҳәоит Ешԥҳа.

Урыстәылатәи Афедерациа аҟазара зҽаҧсазтәыз аусзуҩ Сергеи Будкеев афестиваль иамоу афилософиатә ган азгәеиҭеит:

"Есышықәса афестиваль ахь иаауа амузыкантцәа рхыҧхьаӡара еизҳауеит. Абри ауп ажәлар рдипломатиа ҳәа изышьҭоу, уи аҩаӡара апрофессионалтә дипломатиа аасҭа акыр еиҳауп. Сара сгәаанагарала, Пицундатәи ауарҕан иреиҕьӡоу европатәи ауарҕанқәа ҩажәа рхыҧхьаӡараҿы иҟоуп. Уи ахьышьақәгылоу аныхабаа аҩныҵҟа иҟоу акустика Рига иҟоу Домтәи Аныхабаа иадукылартә иҟоуп. Сара ари аныхабааҟны аҽакалаӡа сыхәмаруеит. Аныхабаа ахаҭа 1000 шықәса иреиҳауп, ацәанырра ҷыда амоуп", — ҳәа.

Аԥсны Акультура аминистр Ельвира Арсалиаԥҳа илҳәеит 2017 шықәсатәи ҭагалан амузыкатә хҭысқәа рыла ишбеиоу.

"Цәыббра музыкатә мзахеит. Ааигәа ихыркәшахеит ҳкопелла агострольқәа. Пицунда акәзар амузыкатә қалақь ҳәа азырҳәо иҟалеит. Аброуп рхы ахьыркыз "Хьыбла Герзмаа шәаалыԥхьоит…" захьӡу афестивальқәа. Уажәы даар Вена, Ниу-Иорк уҳәа ақалақьқәа рҟынгьы имҩаԥысуеит. Агәра ганы сыҟоуп ҳуарӷан ҳмузыкатә культура зегьы аныра шанаҭо", — лҳәеит аминистр.

Раԥхьаӡа акәны Пицунда ауарӷантә фестиваль мҩаԥигеит иара аԥшьгаҩ, Петр Чаиковски ихьӡ зху Москватәи аконсерваториа апрофессор, ауарӷанарҳәаҩ Леонид Роизман, 1976 шықәса рзы.

2012 шықәса рзы урҭ атрадициақәа ирыцылҵеит Аԥсны жәлар рартистка Марина Шамԥҳа.

1975 шықәса абҵарамза акы азы Пицундатәи аныхабааҿы аконцерттә зал аартхеит. Раԥхьаӡа акәны Пицундатәи ауахәама иҩныҩит ауарӷан абжьы ссир. Ари аконцерт иаанартит атәыла амузыкатә ԥсҭазаараҿ иҿыцыз адаҟьа.

11
Алхас Аргун

Аҭоурых иагәылаҵәаху: Аргәын Аԥсны аҳра амузеи аекспонат ҿыцқәа ирызкны

4
(ирҿыцуп 18:19 12.07.2020)
Афонҿыцтәи аҭоурых-культуратә ҳәырԥсарра "Анаҟәаԥиа" аиҳабы Алхас Аргәын арадио Sputnik Аԥсны аефир аҿы аҳәырԥсарра иаҵанакуа Аԥсны аҳра амузеи аекспонат ҿыцқәа ртәы еиҭеиҳәеит.
Аҭоурых иагәылаҵәаху: Аргәын Аԥсны аҳра амузеи аекспонат ҿыцқәа ирызкны

Шәазыӡырҩла арубрика "Аҭоурых иагәылаҵәаху" арадио Sputnik Аԥсны аефир аҿы есмҽыша.

Иара убас шәаԥхьар ҟалоит:

4

Аԥсны АКХ: алхратә ҭыԥ хадақәа хԥа рҟны алхрақәа шьақәгылеит

10
(ирҿыцуп 17:34 12.07.2020)
Аԥсны Апарламент ахь алхрақәа рзы абжьыҭара алхратә ҭыԥ хадақәа ԥшьба рҟны ихыркәшахоит ԥхынгәы 12, асааҭ 20:00 рзы. Раԥхьатәи алҵшәақәа еилкаахоит алхратә ҭыԥқәа ркомиссиақәа АКХ ахь аԥкаанҵақәа аннаргалак ашьҭахь.

АҞӘА, ԥхынгәы 12 - Sputnik, Сариа Кәарцхьиаԥҳа. Асааҭ 14:30 рызтәи адыррақәа рыла, Апарламент ахь алхрақәа ахьымҩаԥысуаз алхратә ҭыԥ хадақәа хԥа рҟны ауаа рааишьа иаҿырԥшны ишьақәгылеит ҳәа иԥхьаӡатәуп, абри атәы Sputnik акорреспондент илзеиҭеиҳәеит Алхратә комиссиа хада ахантәаҩы Ҭамаз Гогьиа.

"Абри аамҭазы алхратә ҭыԥ хадақәа хԥа рҟны абжьыҭара шьақәгылеит ҳәа уҳәар ҟалоит ауаа рааишьа инақәыршәаны", - ҳәа азгәеиҭеит Гогьиа.

  • Бзыԥтәи алхратә ҭыԥ хадаҟны ауаа рааишьа иартәоит 26,39%;
  • Оҭҳаратәи алхратә ҭыԥ хадаҟны - 21,28%;
  • Гәдоуҭатәи алхратә ҭыԥ хадаҟны - 27,98 %;
  • Кындыӷтәи алхратә ҭыԥ хадаҟны - 33,51% %.

Абжьыҭара хыркәшахоит асааҭ 20:00 рзы. Раԥхьатәи алҵшәақәа еилкаахоит алхратә ҭыԥқәа ркомиссиақәа АКХ ахь аԥкаанҵақәа аннаргалак ашьҭахь. Гогьиа иҳәеит заанаҵтәи алҵшәақәа иахьагьы рыӡбахә рҳәар шалшо.

"Асааҭ 20:00 рышьҭахь абжьыҭара аанаҳкылоит. Алхратә ҭыԥ хадақәа адыркуеит. Алхратә ҭыԥқәа ркомиссиақәа алҵшәақәа еихыршьалалоит. Убри ашьҭахь алхратә ҭыԥқәа ркомиссиақәа аиааира згаз данеилыркаалак ашьҭахь ҳаргьы заанаҵтәи алҵшәақәа рылаҳҳәоит. Урҭ анрылаҳҳәо анакәхаҵәҟьо сызшәаҳәом, ҵхыбжьон асааҭ аказы акәхаргьы ҟалоит", - иҳәеит Гогьиа.

Азакәан ишаҳәо ала, алхратә ҭыԥқәа ркомиссиақәа алҵшәақәа ҩымш ирҭагӡаны реихшьаларазы азин рымоуп. Заанаҵтәи алҵшәақәа анрыларҳәалак ашьҭахь, абжьыҭара шымҩаԥысыз азы ашшыԥхьыӡқәа ҟалар, АКХ ҽнак ахи аҵыхәеи рыла урҭ рыднакылоит.

"Аӡәгьы дмашшыр, аҵыхәтәантәи алҵшәақәа рылаҳәара аамҭа ҳцәагаӡом", - ҳәа иажәа иациҵеит АКХ ахантәаҩы.

Бзыԥтәи алхратә ҭыԥ хада № 10 ала Жәлар Реизара адепутатрахь кандидатцәас иқәгылоуп Ҭамаз Леибеи Ҭемыр Беиеи; Оҭҳаратәи алхратә ҭыԥ хада №14 ала Жәлар Реизара адепутатрахь кандидатцәас иқәгылоуп Робесҭан Габлиеи Алмасхан Барцыци; Гәдоуҭатәи алхратә ҭыԥ хада №18 ала - Асҭамыр Ахбеи Алхас Ҳагбеи; Кындыӷтәи алхратә ҭыԥ хада №31 ала - Аидар Кәыҵниа, Гарри Кокаиа, Џьансыхә Адлеиба.

Аԥсны Жәлар Реизарахь алхрақәа мҩаԥысуеит ԥхынгәы 12 рзы иҭацәыз амандатқәа ԥшьба рахь - атәыла ахадас иалырхыз Аслан Бжьаниа, аԥыза-министрс иҟарҵаз Александр Анқәаб, Аҩнуҵҟатәи аусқәа рминистрс иҟарҵаз Дмитри Дбар, Гагра араион ахадас иҟарҵаз Иури Хагәышь рҭыԥқәа рахь.

Иара убас шәаԥхьар ҟалоит:

10