Юбилейная научно-практическая конференция 90 лет НИИЭПиТу АНА открылась в Сухуме  21 сентября

Аҟәа имҩаԥысуеит НИИЕПиТ 90-шықәса ахыҵра иазку аконференциа

9
(ирҿыцуп 10:50 26.09.2017)
Цәыббра 21 рзы Аҟәа иаатит НИИЕПиТ 90-шықәса ахыҵра иазку аконференциа.

АҞӘА, цәыббра 21– Sputnik, Амра Амҷԥҳа. Аконференциа аартраан ажәахә " НИИЕПиТ 90-шықәса ахыҵра. Ашьақәгылареи аҿиареи" ҟаиҵеит аинститут адиректор Зураб Амқәаб.

"90 шықәса раԥхьа Аҟәатәи ареид аҟны аԥырсал ланашьҭит аӷба "Пестель". Ихараз атәыла Ефиопиантәи арахь иааргеит амаамынқәа. Абри амш ԥхьаӡоуп Аҟәатәи амаамынқәа рпитомник анаадыртыз амш ҳәа", — иҳәеит Амқәаб.

Иара иажәақәа рыла апитомник анаԥырҵа ашьҭахь хышықәса ааҵуаны ирыдыркылеит аӡбра ԥхьаҟазы ара ҩ-жәлахкык амаамынқәа: апавианқәеи амакакақәеи рааӡалоит ҳәа.

"Егьырҭ амаамынжәлақәа рааӡара мап ацәкын, избанзар урҭ рбара ахәԥса ҳаракуп, иагьыуадаҩуп", — иҳәеит адиректор.

НИИЕПиТ аҟны имҩаԥысуа аҭҵаарақәа реиҳарак аинфекциатә паталогиа аҭҵаара иазкуп.

"Иҷыдоу азхьаԥшра аҭатәуп уаанӡа иаарԥшымыз ачымазара амаамынқәа ргеморрагиатә шыӡ, "Сухум-64" зыхьӡырҵаз. Иахьатәи аамҭазы америкатәи аҵарауаа нап адыркит абри ашыӡ ахархәара, ауаа рзы еиҳа ишәарҭам ҳәа азыԥхьаӡан", — иҳәоит Амқәаб.

Заур Амқәаб иазгәеиҭеит аҭыԥантәи аҵарауаа ишрылшаз ауаатәыҩса рчымазарақәа акоронартә ԥсыҽреи макарда аинфаркти амаамынқәа рыларҵәара.

"Арҭ аҭҵаарақәа аҵарауаа рыбжьара аилаҩеиласра цәырыргеит, шьаҭангьы иазыҟалеит Аҟәа иааны иҟаз Америкатәи афизиологцәеи Аԥснытәи аҵарауааи русеицура. Иҷыданы азааҭгылара ахәҭаны иҟоуп акосмостә программа. Иара аҳәаақәа ирҭагӡаны Урыстәылатәи аинститутқәа аус рыцурала имҩаԥган акосмос аҟны аҟазаара аҭагылазаашьақәа рыҭҵаара. Адгьыл аҟны разыҟаҵара ашьҭахь 1983-1996 шықәсқәа рзы акосмас ахь ирԥрын 12 маамын. Абри аусуразы Аҟәатәи аҵарауаа рколлектив ВДНХ араӡынтә медал ранашьан",- ҳәа еиҭеиҳәеит Амқәаб.

Адиректор иажәақәа рыла Аԥсны жәлар Рџьынџьтәылатә еибашьара аинститут ааха ӷәӷәа анаҭеит.

"3,5 нызқь маамын рҟынтәи аибашьра анеилгоз Аԥсны иахьаҵанакуа иаанханы иҟан 150 маамын. Аинститут аматериалтә база зегьы рхәашан. Иҟан агәаанагара аинститут аиҭашьақәыргылара залшом ҳәа, аха иара аусуҩцәа иҟалаз арыцҳара рхатәык еиԥш ибаны русура хацдыркит. Аибашьраангьы дара имшәа-имырҳа амаамынқәа рыфатә еизыргон, рҭаацәа ирыгырханы урҭ ирфаша рзааргон. Иахьа аинститут иамоу аҭагылазаашьа аиҳарак изыбзоуроу иара аусуҩцәа роуп",- иҳәеит Амқәаб.

Адиректор иажәахә ашьҭахь иқәгылеит Урыстәыла, Ермантәыла, Украина, Беларуссиа рҵарауаа.

Иааидкыланы аконференциа актәи амш азы иҟаҵан ҩеижәа инареиҳаны ажәахәқәа.

9