Автопробег - Дорогами Войны

"Афырхацәа рымҩала" алахәылацәа рымҩа хацдыркит

21
(ирҿыцуп 15:29 27.09.2017)
Автоклуб "Внедорожная Абхазия" иазнархиеит Аҟәа ақалақь ахақәиҭтәра Амш иазку акциа. Автоеиԥхынырыҩлара Аҟәа-Каман-Аҟәа иалахәхар рылшоит изҭаху зегьы.

АҞӘА, цәыббра 27 – Sputnik, Анжелика Бениаԥҳа. "Афырхацәа рымҩала" алахәылацәа рымҩа хацдыркит Аҟәа ақалақь Ахақәиҭра ашҭа аҟынтәи цәыббра 27 рзы.

Акциа хықәкны иамоуп афырхацәа рхамыршҭра, ргәалашәара иҳәеит акциа алахәыла Роланд Адлеиба.

"Ҳара ҳарҭаауеит аибашьра ахьцоз аҭыԥқәа, аманументқәа. Иахьатәи аҿар ирдыруазароуп рабацәа знысыз амҩа, аиааира аагашьас иаиуз. Ирдыруазароуп аиааира ишахҭынҵо адунеи аҟны зегь раасҭа хәызманы иҟоу аԥсҭазаара", — иҳәеит Адлеиба.

Автоклуб "Внедорожная Абхазия" ахантәаҩы Сергеи Никитченко иҳәоит рмаршрут амҩаԥысшьа атәы.

"Ҳакциа амаршрут ахәҭак Мраҭашәаратәи афронт "Афырхацәа рымҩала" Аҟәантәи Каманҟа ицоит. Абри амҩа ианысны ицон ҳакәлаӡтәы техника. Амаршрут аура 50 километра иҟоуп. Ашьхаар иаҿысны ицоит", — иҳәоит Никитченко.

Акциа алахәылацәа Афон Ҿыцҟа рхы дырхоит. Ԥсырӡха иалсны каманҟа амҩа иқәлоит. Асааҭ 17:00 рзы Аҟәаҟа ихынҳәуеит, ақалақь Ахадара аҿар рызҵаарақәа рзы аилак ирыцны Ахьӡ-аԥша ашҭахь инеиуеит афырхацәа рбаҟа амҵан ашәҭшьыҵәрақәа рышьҭаҵаразы.

21

Аԥсны даҽа 85-ҩык акоронавирус рыдырбалеит, ҩыџьа рыԥсҭазаара иалҵит

4
(ирҿыцуп 20:36 28.11.2020)
Иҳаҩсыз уахыки-ҽнаки рыла COVID-19 рылоу ирыламу аилкааразы 238-ҩык атестқәа рзыҟаҵан, урҭ рахьтә 85-ҩык акоронавирус рцәа ишалаз аадырԥшит.

АҞӘА, абҵара 28 - Sputnik. Гәдоуҭатәи араионтә хәышәтәырҭа хадаҿы аԥсҭбарақәа ҩба ҟалеит, ҳәа аанацҳауеит Аԥсны ауааԥсыра COVID-19 рацәыхьчаразы аоперативтә штаб.

Абҵара 18 рзы лыԥсҭазаара далҵит 1946 шықәсазы ииз апациент. Иара акоронавирустә инфекциеи ҩганктәи аполисегментартә гәыҵәкреи иманы ахәышәтәырҭа дҭашәеит жьҭаара 19 рзы. Иақәнагаз атерапиа шызмҩаԥыргозгьы, идунеи иԥсахит игәеисра аԥсыҽхара иахҟьаны абҵара 28 рзы, ашьыжь.

Иԥсҭазаара далҵит 74 шықәса ирҭагылаз даҽа пациентк. Иара ахәышәтәырҭа дҭашәеит жьҭаара 26 рзы акоронавирус ицәа иаланы. Изымҩаԥыргоз атерапиа иахьмырԥшкәа, апациент иԥсҭазаара далҵит абҵара 27 рзы.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 67-ҩык ауааԥсыра, урҭ рахьтә 56-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 14-ҩык, ибжьаратәуп - 7-ҩык.

Аҟәатәи аинфекциатә хәышәтәырҭаҿы ирхәышәтәуеит 34-ҩык апациентцәа, аӡәы иҭагылазаашьа уадаҩуп.

Аҟәатәи амобилтә госпиталь аҟны ишьҭоуп акоронавирус зыдбалоу 45-ҩык апациентцәа. 43-ҩык рҭагылазаашьа бжьаратәуп ҳәа иԥхьаӡоуп, ҩыџьа рҭагылазаашьа бааԥсуп.

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 5883-ҩык ыҟоуп. Урҭ рахьтә ргәы бзиахеит 3678-ҩык, рыԥсҭазаара иалҵит 81-ҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

4
Атемақәа:
Ачымазара ҿкы – акоронавирус Аԥсни адунеи аҿи: иалкаау
Даур Латария

Латариа дазааҭгылеит адинхаҵара иадҳәалоу ауаажәлар ирызцәырҵуа азҵаарақәа ртәы

4
(ирҿыцуп 18:25 28.11.2020)
Ауаажәларратә еиҿкаара "Аԥшьаҭыԥ" анапхгаҩы Даур Латариа арадио Sputnik аефир аҿы еиҭеиҳәеит адинхаҵара иадҳәалоу ауаажәлар ирызцәырҵуа азҵаарақәа ртәы.
Латариа: жәытә-натә аахыс аԥсуа ирыман дара рхатә анцәахаҵара

"Жәытә-натә аахыс аԥсуа ирыман дара рхатә анцәахаҵара. Ҳазшаз даӡәыкуп, аха адинхаҵарақәа еиуеиԥшым, доусу иара итәала дазнеиуеит. Аԥсуаа ақьырсиан атәгьы ныҟәыргоит, амсылман итәгьы ныҟәыргоит, Ажьирахьгьы инеиуеит. Зегьы мҩаԥаҳгоит Ҳазшаз игәы ҟаҳҵарц. Уажәы қьырсианла аҿбаара иҵалоит. Ԥсыуала аныҳәагатә мҩаԥызгар зҭаху изы уи акгьы амам. Ажәытә аԥсуаа ирымаз ачгара, уи ауаҩы даныԥслак акәын, ахаа ықәырҵаанӡа, ашьтәа ршьаанӡа ичгон. Анаҩсан шәарыцара ианцоз, мышкы ҩымш ианычгозгьы иҟан. Ачгарақәеи аҿбаарақәеи зегьы ныҟәаҳго ҳалагар, ҳаԥсуарагьы каҳажьыр акәхоит", - иҳәеит Латариа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

4