Аԥсныи Приднестровиеи рҭоурых акоуп

© Sputnik / Илона ХварцкияФлаги Абхазии и ПМР
Флаги Абхазии и ПМР - Sputnik Аҧсны
Анапаҵаҩра
Приднестровиатәи Молдавиатәи Ареспублика Адәныҟатәи аусқәа рминистр Витали Игнатьеви Приднестровиатәи Молдавиатәи Ареспублика аҟны Аԥсны Аҳәынҭқарра ахаҭарнакс иҟоу Александр Ватамани реиԥылар мҩаԥысит жьҭаара 4 рзы Приднестровиатәи Молдавиатәи Ареспублика Адәныҟатәи аусқәа рминистрраҟны.

АҞӘА, жьҭаара 5 – Sputnik. Аиԥылара мҩаԥган Приднестровиатәи Молдавиатәи Ареспублика аҟны Аԥсны Аҳәынҭқарра ахаҭарнакс иҟоу Александр Ватаман иаԥшьгарала. Аиԥылара иатема хаданы иҟан Приднестровиатәи Молдавиатәи Ареспублика аделегациа, зхадараҟны Приднестровиатәи Молдавиатәи Ареспублика Ахада Вадим Красносельски дыҟаз, Аԥсны аҟазаара аихшьаалақәа.

Приднестровиатәи Молдавиатәи Ареспублика аделегациа Аԥсны аҭаара аҽазныкгьы ишьақәнарӷәӷәеит Аԥсныи Приднестровиеи рыиашьаратә еизыҟазаашьақәа. Аиԥылараан иазгәаҭан арҭ аҩ-тәылак ҭоурыхк ишеиднаҳәало.

Подписание соглашение - Sputnik Аҧсны
Аиқәшаҳаҭра ҿыц анапы аҵаҩуп

Абри иашьаҭаны иазгәаҭан Приднестровиатәи Молдавиатәи Ареспублика Ахада Вадим Красносельски Аҟәа ақалақь аҟны имҩаԥысуаз "Ԥсра зқәым аполк" иалахәра. Акциа амҩаԥысраан Приднестровие Ахада имҩанигеит 1992-1993 шықәсқәа рзтәи Аԥсны жәлар Рџьынџьтәылатә еибашьра хатәгәаԥхарала иааны зҽалазырхәыз Роман Радковски ифотосахьа.

Роман Радковски дҭахоит 1993 шықәса мшаԥымза 17 рзы Шрома ақыҭан. Анышә дамадоуп Аԥсны.

Александр Ватаман иазгәеиҭеит цәыббра 30 Аԥсны жәлар рзы иҷыдоу рыцхәны ишыҟоу.

Аделегациа Аԥсны аҟазаараан анапы рыҵаҩын акрызҵазкуа ашәҟәқәа: Приднестровиатәи Молдавиатәи Ареспубликеи Аԥсны Аҳәынҭқарреи рыбжьара аиҩызаразы еиҭарҿыцу аиқәшаҳаҭреи аҵара аусхк аҟны аусеицуразы аиқәшаҳаҭреи.

Ажәабжьқәа зегьы
0