Администрация г.Сухум.

Аҟәа аинвистициатә паспорт аиуит

0
(ирҿыцуп 11:13 19.10.2017)
Аҟәа аинвистициатә паспорт азырхиара шықәсык инарзынаԥшуа иаҿын иҳәеит Аҧснытәи аҳәынҭқарратә телерадио Еилахәыра апресс-центр аҿы имҩаҧигаз апресс-конференциаҟны Аҟәа ақалақь ахада ихаҭыҧуаҩ Леон Кәарҷиа.

АҞӘА, жьҭаара 19– Sputnik, Бадри Есиава. Аҧснытәи аҳәынҭқарратә телерадиоеилахәыра апресс-центр аҿы имҩаҧигаз апресс-конференциа аҿы аҳҭнықалақь ақалақь ахада ихаҭыҧуаҩ Леон Кәарҷиа Аҟәа ақалақь раҧхьаӡатәи аинвестициатә паспорт аиуит ҳәа иҳәеит.

Леон Кәарҷия иажәақәа рыла, ақалақь аинвестициатә паспорт – ари ҳаҧхьаҟа аинвенстр ҳасабла ицәырҵраны иҟоу рзы адыррарбагатә биуллетеньнны иҟалароуп. Уи еиуиеҧшым атәылақәа рнаҧхгараҭаратә усбарҭақәа инарыгӡо аинвестициатә политика аелементқәа ируакуп.

"Ари ақалақь аинвестициатә политика амҩаҧгара азы хадара злоу инструментны иҟоуп. Зхаҭабзиара ҳараку аинвестициатә паспорт – ари ҳаҧхьаҟа аинвенстр ҳасабла ицәырҵраны иҟоу абизнес-еилазаара ахаҭарнакцәа радыҧхьалара азы акырӡа зҵазкуа акакәны иҟоуп. Ас еиҧш апаспорт Урыстәылатәи Афедерациа астратегиатә аҧшьгарақәа Рмаҵзура еиқәнаршәаз ақалақь аҿиара иадҳәалоу аинвестициатә стандарт ихадоу жәохә елемент ируакуп", — иҳәеит аинвестициатә паспорт ахықәкы хада далацәажәо, Леон Кәарҷиа.

Кәарҷиа аинвестициатә паспорт зеиԥшроу атәы далацәажәеит:

"Леон Кәарҷиа иажәақәа рыла, апаспорт 11-хы рыла ишьақәгылоуп. Актәи ахы ақалақь азеиҧш хҳәаа анаҭоит. Аҩбатәи – ақалақь асоциалтәии акоммуналтәии аинфраструктура рзы адыррақәа анылоит. Анаҩс, ақалақьтә економика еиуеиҧшым егьырҭ аусхкқәа, ашәахтә климат аҭагылазаашьа, анорматә-зинтә шәҟәынҵақәа, акоммуналтә маҵзурақәа рыхәҧса, еиҭамҵуа амал қьырала агареи аҭиреи ирыдҳәаланы ишьақәгылоу ахәҧсатә политика, уҳәа азҵаарақәа жәпакы ирзааҭгылахоит", — иҳәеит иара.

Иара убас, апаспорт ианыҧшуеит ақалақь аҿы қәҿиарала инагӡоу абизнес-проектқәа рзы адыррақәа. Убасҵәҟьа ақалақь Ахадара агәаанагарала аҳҭнықалақь азы хра злоу, иазҧхьагәаҭоу аинвестициатә проектқәа рзы ажәалагалақәагьы аныҧшуеит.

"Апаспорт Урыстәылатәи Афедерациа астратегиатә аҧшьгарақәа Рмаҵзура еиқәнаршәаз ақалақь аҿиара иадҳәалоу аинвестициатә стандарт ихадоу жәохә елемент ируакуп", — иҳәеит Кәарҷиа.

Аинвестициатә паспорт аҵыхәтәантәи аҟәшаҟны иарбоуп уажәазы аус здыруло, аперспективтә проектқәа рзы аинформациа. Урҭ рхыҧхьаӡараҿы иҟоуп: Шәачеи Аҟәеи еимыздо амшынтә еимадара, ақалақьтә ӡҭарчи агәамсам аусадуларатә зауади рыргылара.

Аҟәа аинвестициатә паспорт аздырхион шықәсык иназынаԥшуа.

Аҳҭнықалақь аинвестициатә паспорт азы инарҭбаау аинформациа аиура алшоит Аҟәа ақалақь аофициалтә саит аҿы. Апаспорт аҿы аинвестр иаҳасабла аусура иазхиоу, ззанааҭдырра аҩаӡара ҳараку аспециалистцәа рҟынтәи хәыда-ҧсада адыррақәа раиуразы дызладҵаалаша аҭелқәа рномерқәа арбоуп.

 

0