Премьер-министр РФ Д. Медведев провел заседание правительства РФ

Урыстәылеи Аԥсни рыбжьара Аиқәшаҳаҭра рыдыркылеит

9
(ирҿыцуп 17:44 17.11.2017)
Иааиԥмырҟьаӡакәа Аԥсны Аҳәынҭқарраҿы инхо Урыстәыла атәылауаа хаз игоу рыхәҭак хәшәыла реиқәыршәаразы Аԥсни Урыстәылеи рыбжьара Аиқәшаҳаҭра иалацәажәеит аратификациа азуразы Урыстәыла аиҳабыра рҟны.

АҞӘА, абҵара 17— Sputnik. Аԥшьаша, абҵара 16 рзы иааиԥмырҟьаӡакәа Аԥсны Аҳәынҭқарраҿы инхо Урыстәыла атәылауаа хаз игоу рыхәҭак хәшәылеи медицинатә хархәагалеи реиқәыршәаразы Аԥсни Урыстәылеи рыбжьара Аиқәшаҳаҭра иалацәажәеит Урыстәыла аиҳабыра рҟны. Абри атәы аанацҳауеит РИА Новости Урыстәыла аиҳабыра рсаит аҟны ицәыргоу аӡбрақәа реиқәыԥхьаӡа шьаҭас иҟаҵаны.

Аиқәшаҳаҭра анапы аҵаҩуп 2017 шықәса рашәарамза 22 рзы Москва ақалақь аҟны. Аиқәшаҳаҭра азырхоуп иааиԥмырҟьаӡакәа Аԥсны Аҳәынҭқарраҿы инхо Урыстәыла атәылауаа хаз игоу рыхәҭак арецептқәа рыла зыда ԥсыхәа рымам хәшәылеи медицинатә хархәагалеи реиқәыршәара.

Азакәан апроект иахәаԥшит, ибзиоуп ҳәагьы ахырҳәааит абҵара 7 рзы Урыстәылатәи Афедерациа аиҳабыра азакәанԥҵаратә усуразы акомиссиаҿы.

Уаанӡа, иааиԥмырҟьаӡакәа Аԥсны Аҳәынҭқарраҿы инхо Урыстәыла атәылауаа хаз игоу рыхәҭак хәшәылеи медицинатә хархәагалеи реиқәыршәаразы Аԥсни Урыстәылеи рыбжьара Аиқәшаҳаҭра инақәыршәаны Аԥсны Агәабзиарахьчара аминистрраҿы иаздырхиахьан альготақәа зҭатәу рсиеи ихымԥадатәиу ахәшәқәа рреестри.

"Афедералтә закәан апроект ибзиоуп ҳәа ахҳәаазааит, Аҳәынҭқарратә Думахь инагазааит ишьақәыргылоу аԥҟарала" ҳәа аҳәоит аиқәыԥхьаӡаҟны.

9

Аԥсны даҽа 73-ҩык акоронавирус рыдырбалеит, ҩыџьа рыԥсҭазаара иалҵит

4
(ирҿыцуп 21:13 31.10.2020)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 4233-ҩык ыҟоуп. Урҭ рахьтә ргәы бзиахеит 2267-ҩык, рыԥсҭазаара иалҵит 42-ҩык.

АҞӘА, жьҭаара 31 - Sputnik. Иҳаҩсыз уахыки-ҽнаки рыла COVID-19 зцәа иалоу реилкааразы атестқәа 367 ҟаҵан, урҭ рахьтә акоронавирус аарԥшын 73 тест рҟны ҳәа аанацҳауеит Аԥсны ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 132-ҩык ауааԥсыра, урҭ рахьтә 114-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 23-ҩык, ибжьаратәуп - 27-ҩык, илҩаауп жәаҩык апациентцәа. Аҟәа асасааирҭа "Аиҭар" ашҭаҿы иаадыртыз амобилтә госпиталь аҟны ишьҭоуп акоронавирус зыдбалоу 60-ҩык апациентцәа. 57-ҩык рҭагылазаашьа бжьаратәуп ҳәа иԥхьаӡоуп, хҩык рҭагылазаашьа бааԥсуп.

Аоперштаб иара убас иаанацҳаит жьҭаара 31 рзы Аҟәа асасааирҭа "Аиҭар" аҟны иаарту урыстәылатәи хырхарҭарацәалатәи агоспиталь аҟны акоронавирус злаз ҩыџьа рыԥсҭазаара ишалҵыз.

Иԥсҭазаара далҵит COVID-19 ззышьақәырӷәӷәаз 1934 шықәса рзы ииз апациент. Иара ҩганктәи аполисегментартә гәыҵәкра ӷәӷәала илаҽны дыҟан. Иҭагылазаашьа акыр ибааԥсын. Жьҭаара 31 ашьыжь иара иԥсҭазаара далҵит игәы-шьадатәи иԥсыԥлагаҩагаратәи зымхара иахҟьаны.

1942 шықәсазы ииз COVID-19 ззышьақәырӷәӷәаз апациенткагьы жьҭаара 31 рзы лыԥсҭазаара далҵит. Лара ахәышәтәырҭанҭыҵтәи ҩганктәи асубтоталтә полисегментартә гәыҵәкра лыман, иара убас егьырҭ асоматикатә чымазарақәагьы лцәа иалан.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

  • Акоронавирус иазку ажәабжьқәа зегьы шәрыԥхьар ҟалоит абра>>
4
Атемақәа:
Ачымазара ҿкы – акоронавирус Аԥсни адунеи аҿи: иалкаау

Сангәлиа аԥсуа сериал "Алахьынҵа" азы: ҳазыԥшымызт ас ауаа ирыдыркылап ҳәа

8
Аԥсуа бызшәа аҿиара иазырхоу апроект ала имҩаԥысуеит асериал "Алахьынҵа" аҭыхрақәа. Апроект автор, арежиссиор-ақәрыгылаҩ, Саид Сангәлиа арадио Sputnik аефир аҿы еиҭеиҳәеит гәыԥҩык аҿар асериал аҭыхра шаԥшьыргаз атәы.
Сангәлиа аԥсуа сериал "Алахьынҵа" азы: ҳазыԥшымызт ас еиԥш ауаа ирыдыркылап ҳәа

"Аинтернет сериал аԥҵара схала исмыӡбеит, дсыцхрааит Мран Алҭеиба. Апроект иаалырҟьан иӡбоу ак акәӡам, акыраамҭа ҳазнеиуан. Ибзиангьы еилаҳкаауан ауадаҩрақәа рацәаны ҳшызцәырҵуаз, еиҳарак атехника аганахьала. Ҟәрышьқәак ааилаԥсаны иааҳхәеит амикрофонқәа уҳәа зыда ԥсыхәа ыҟам атехника. Иара ҳбызшәала иҭҳажьырц ҳҭахын, избанзар, аԥсшәа аӡыргара иацхраауеит. Асериал арԥыси аҭыԥҳаи рыбзиабара иазкуп. Сериак 5-7 минуҭк раҟара ицалоит, х-сезонк рыла ишьақәгылазаауеит, сезонк аҿы жәа-сериак ҟалоит. Асериал асоциалтә даҟьақәа рҿы уахәаԥшыр улшоит. Уаҟа ихәмаруа актиорцәа аҟазара злоу, абызшәа бзианы издыруа роуп, иҟоуп аҿар, хымԥада, аҟазара злоу, аха рбызшәа хьысҳауп, убри аҟнытә иаҳа иззымариоу аалаҳхын, аҭыхрақәа ҳрылагеит", - ҳәа еиҭеиҳәеит Сангәлиа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

8