Карди оглы: уаԥстәылаа зегьы ара иҟан

© Sputnik / Нина Зотина / Амедиаҵәахырҭахь аиасраБокс. Бой М. Гассиева и Ю. Дортикоса
Бокс. Бой М. Гассиева и Ю. Дортикоса - Sputnik Аҧсны
Анапаҵаҩра
Урыстәылатәи абоксиор Мураҭ Гассиеви кубатәи абоксиор Иуниер Дартикоси реисара хыркәшахеит 12-тәи араунд аан Гассиев иҟаиҵаз накаут ала.

АҞӘА, жәабран 5 – Sputnik. Урыстәылатәи абоксиор Мураҭ Гассиеви кубатәи абоксиор Иуниер Дартикоси реисара хыркәшахеит 12-тәи араунд аан Гассиев иҟаиҵаз накаут ала. Аисара ухамшҭуа иҟан, иҟалап аисара иахәаԥшырц ара Уаԥстәыла зегьы ыҟазар ҳәа еиҭеиҳәоит радио Sputnik аинтервиу азҭаз, Аԥсны апрофессионалтә бокс Афедерациа апрезидент Альберт Карди оглы.

Бокс. Бой М. Гассиева и Ю. Дортикоса - Sputnik Аҧсны
Абоксиор Мураҭ Гассиев Жәларбжьаратәи абоксиортә еиндаҭлара даиааит

"Аисара акыр ихьанҭан. Наҟ-ааҟгьы еибакапануаз ауаа еицықәгылан. Мураҭ 12-тәи араунд аан илиршеит накаут амҩаԥгара", — иҳәеит иара.

Ахәаԥшцәа рыгәҭа имаҷҩымызт аԥсуаагьы ҳәа еиҭеиҳәоит Карди оглы.

"Аиҳаракгьы абокс знапы алаку роуп иҟаз. Мурат Гассиев апрофессионалтә бокс аҟны аԥышәа змоу аспортсменцәа дреиуоуп", — иҳәеит иара.

Мурат Гассиев Иуниер Дортикос диааит Адунеизегьтәи абокс аверсиа (WBSS) афиналбжаҿы, уаанӡа IBF аверсиала адунеи ачемпион ҳәа имаз атитул иациҵеит аҽа титулкгьы, уи иалнаршоит WBSS афинал ахь инеира.

WBSS афинал аҿы Гассиев диеисуеит WBC, WBO рчемпион, аукраин спортсмен Александр Усик. Аисара мҩаԥысраны иҟоуп лаҵарамза 11 Саудатәи Аравиа.

Ажәабжьқәа зегьы
0