Абокс азы ареспубликатә турнир Очамчыра имҩаԥысуеит

© Depositphotos.com / Sergey NivensБоксерские перчатки на стене
Боксерские перчатки на стене - Sputnik Аҧсны
Анапаҵаҩра
Аԥсны ақалақьқәеи араионқәеи рҟынтәи 150-ҩык инарзынаԥшуа аспортсменцәа рхы аладырхәраны иҟоуп абокс азы Очамчыра имҩаԥысуа Ареспубликатә турнир.

АҞӘА, жәабран 22 – Sputnik, Бадри Есиава. Аԥсадгьыл ахьчаҩ Имш иазку ареспубликатә турнир аадыртит аԥшьаша, жәабран 22 рзы ҳәа Sputnik Аԥсны иазааицҳаит апрофессионалтә бокс азы ареспубликатә Федерациа апрезидент Альберт Карди оглы.

"11-14 шықәса зхыҵуа, 150-ҩык рҟынӡа аспортсменцәа қәыԥшцәа злахәу абокс азы ареспубликатә турнир еиднакылоит Аԥсны ақалақьқәеи араионқәеи рҟынтәи аҿар. Атурнир мҩаԥгахоит жәабран 22 – 23рзы", — ҳәа еиҭеиҳәоит Карди оглы.

Атурнир аҿы иалкаахоит аԥхьахәқәа хԥа: "иреиӷьу абоксиор" ихраҿа, "иреиӷьу атехниказы" ахраҿа, "аиааира агәазыҳәаразы" ахраҿа.

Актәи амш аҽны иалкаахоит аиҵбыратә қәра иаҵанакуа аспортсменцәа рҟынтәи аиааира зго рыхьӡқәа. Атурнир аӡбаҩыс дыҟоуп Альберт Карди оглы.

Ажәабжьқәа зегьы
0