Даур Начҟьебиа ишәҟәы "Берег ночи" серб бызшәала иҭыҵит

© Sputnik / Томас ТхайцукДаур Начкебия
Даур Начкебия - Sputnik Аҧсны
Анапаҵаҩра
Урыс бызшәала иҩу аԥсуа шәҟәыҩҩы Даур Начҟьебиа ишәҟәы "Берег ночи" серб бызшәала иҭыҵит. Ашәҟәы еиҭагоуп еиуеиԥшым абызшәақәа рыла.

АҞӘА, жәабран 26 – Sputnik. Урыс бызшәала иҩу аԥсуа шәҟәыҩҩыы Даур Начҟьебиа ишәҟәы "Берег ночи" серб бызшәала, Белград ақалақь аҟны иҭыҵит. Абри атәы ҳзааицҳаит ашәҟәы автор. Ашәҟәы еиҭагоуп еиуеиԥшым абызшәақәа рыла.

"Ароман хышықәса инарзынаԥшуа исыҩуан. 2006 шықәса рзы ихсыркәшеит. 2007 шықәса рзы Москва, аҭыжьырҭа "Зебра" аҟны иҭыҵит, 2009 шықәса рзы Аҟәа иҭыжьын" ҳәа еиҭеиҳәоит Даур Начҟьебиа.

Владимир Зантария - Sputnik Аҧсны
Арадио
Занҭариа Владислав Арӡынба изкны: дызнысхьаз амҩа мариамызт

Ароман анҭыҵ ашьҭахь алитературатә журналқәа рҟны ахҳәаақәа аиуит.

"Ароман 2010 шықәса рзы қырҭбызшәала Қарҭ иҭыжьын. Иара еиҭеигеит ақырҭуа шәҟәыҩҩы Гурам Одишариа", — иҳәоит Начҟьебиа.

2012 шықәса рзы ароман ҭрыжьит Босниеи Герцеговинеи серб бызшәала. Автор иажәақәа рыла уаҟатәи асерб бызшәеит Сербиа излацәажәо асерб бызшәеи еиԥшым. Ароман аиҭагаҩ Миленич ажәадгала ҟаиҵеит Белград иҭыжьзарц.

"Атема иаҳзааигәо акоуп. Уаҟагьы араҟагьы аибашьра амца ахысит. Ароман акәзар, аибашьреиԥшҵәҟьа излацәажәо аԥсҭазаара аԥсахрақәа роуп, ауаатәыҩса рхәыцшьа аиҭакрақәа роуп", — иҳәеит иара.

Ашәҟәыҩҩы иҿцәажәара шәазыӡырҩыр шәылшоит абра>>

Ароман аҟны еиҭаҳәоуп Мрагыларатәи афронт аҿи Гәымсҭатәи афронт аҿи еибашьуаз аиҩызцәа рҭоурых.

Урыс бызшәала иҩу аԥсуа шәҟәыҩҩы Даур Начҟьебиа ишәҟәы "Берег ночи" серб бызшәала, Белград ақалақь аҟны иҭыҵит. Ароман еиҭаргахьеит аерман бызшәала, аиспан бызшәала.

Ажәабжьқәа зегьы
0