Светлана Корсая

Қорсаиаԥҳа: Аԥсны атеатр ахь абзиабара аҿыхара иалагеит

20
(ирҿыцуп 18:33 27.03.2018)
Хәажәкыра 27 рзы иазгәарҭоит Жәларбжьаратәи атеатр амш. Аԥсны аус руеит аҳәынҭқарратә театрқәа ԥшьба: Ҷанба ихьӡ зху аԥсуа драматә театр, Искандер ихьӡ зху аурыс драматә театр, аҿар ртеатр, Тҟәарчалтәи атеатр.

АҞӘА, хәажәкыра 27 – Sputnik, Амра Амҷԥҳа. Аԥсны атеатр ахь абзиабара аҿыхара иалагеит лҳәеит Жәларбжьаратәи атеатр амш аҽны Sputnik акорреспондент дзыҿцәажәоз атеатрҭҵааҩ Светлана Қорсаиаԥҳа.

Аԥсуа драматә театр
© Sputnik Илона Хварцкия

"Аҟыбаҩ злоу ауаа шаҳҭаху еиԥш иаҳҭахуп урҭ бзиа рбара зылшо ауаагьы. Аҵыхәтәантәи аамҭазы еиҳа-еиҳа ирацәаҩхо иалагеит атеатр агьама ҳарак абзиабара зкыз ауаа. Ахәаԥшҩи атеатри аинырра роуа иҟалеит. Ҳатеатрқәа зегьы ирымоуп ахәаԥшыҩцәа. Уи угәы шьҭызхуа усуп", — лҳәеит атеатрҭҵааҩ Светлана Қорсаиаԥҳа.

Аҳҭнықалақь аҿы аус руеит атеатрқәа хԥа: Ҷанба ихьӡ зху аԥсуа драматә театр, Искандер ихьӡ зху аурыс драматә театр, аҿар ртеатр. Қәорсаиаԥҳа агәра ганы дыҟоуп дара Аҟәа атеатр иақалақьны аҟаҵара рылшоит ҳәа.

"Аҵыхәтәантәи аамҭазы атеатр азыҟазаашьа аҽаԥсахит. Атеатр еснагь абзиабара ацуп, аха еиуеиԥшым аамҭақәа рзы еиуеиԥшым азыҟазаашьақәа амоуп. Аибашьра ашьҭахьтәи аамҭақәа акыр иуадаҩын. Атеатри акультуреи рҭыԥ ҭацәын", — лҳәоит лара.

Лара иазгәалҭеит ареспубликаҿ арепертуартә театр ацәырҵра.

"Аамҭақәак арепертуартә театр ыҟамызт. Ҳтеатр аспектакльқәа шымҩаԥнагозгьы Жәларбжьаратәи афестивальқәа ишрылахәызгьы ақалақь ахаҭаҿы иӡышхәан, изымхаран. Иахьа атеатртә ԥсҭазаара аҿиара амоуп ҳҳәар ауеит. Ицәырҵит арежиссиорцәа ҿыцқәа, аспектакль ҿыцқәа. Аԥсы ҭалеит аурыс драматә театр", — лҳәеит атеатрҭҵааҩ.

Ицәырҵит апрофессионалтә актиорцәа ҿарацәа.

"Ҳара ҳтетрқәа рҟны традициа ҳасабла еиуеиԥшым абиԥарақәа аамҭак ала асценаҿ еиццәырҵуан. Иахьа, Жәларбжьаратәи атеатр амш аҽны аурыс драматә театр аспктакль "Ахәмарыҩ" аҟны иқәгылоит Шьчукин ихьӡ зху атеатртә институт аушьҭымҭацәа. Уи даара аинтерес аҵоуп. Зегьы шәнасыԥхьоит РУСДРАМ ахь", — лҳәоит лара.

Аҵыхәтәантәи аамҭақәа рзы иреиӷьу қәыргыламҭаны аӡбахә лҳәеит Анзор Мықәба ипиеса иалху аспектакль "Қьалашьбеи".

"Анзор Мықәба ипиеса иалхны Шалуа Гыцба иқәиргылаз аспектакль "Қьелешбеи" аҿар ртеатр иреиӷьу қәыргыламҭоуп. Сеигәырӷьоит атеатр аҿиара, аизҳара ахьаиуа", — лҳәеит лара.

Хәажәкыра 27 рзы иазгәарҭоит Жәларбжьаратәи атеатр амш (World Theatre Day). Иара шьаҭаркын 1961 шықәса рзы, Вена, Жәларбжьаратәи атеатр аинститут IX конгресс аҿы.

20

Емырхәба еиҭеиҳәеит Алакәымҳара ақыҭаҟны имҩаԥысуа аусурақәа ртәы

10
(ирҿыцуп 21:21 23.11.2020)
Гал араион ахада ихаҭыԥуаҩ Беслан Емырхәба арадио Sputnik арубрика "Раионк аԥсҭазаараҟынтә" аҿы еиҭеиҳәеит Алакәымҳара ақыҭаҟны ицо аиҭашьақәыргыларатә усурақәа ртәы.
Раионк аԥсҭазаараҟынтә: Емырхәба Гал араион аҟны аиҭашьақәыргыларатә усурақәа ртәы

"Алакәымҳара ашкол аҟны аусурақәа мҩаԥгатәны иҟоуижьҭеи акыр шықәса ҵуеит. Иҳәынҭқарратәым аиҿкаара ацхыраарала ахыб ԥсахуп, аиҭашьақәыргыларатә усурақәа мҩаԥысуеит ахыбра аҩныҵҟагьы. Быжь-километрак инацны амҩа аҟаҵара азгәаҭоуп Аберқыҭеи Алакәымҳареи рыбжьара, машьынала амҩасра уадаҩуп", - иҳәеит Емырхәба.

Шәазыӡырҩа аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

10

COVID-19 Аԥсны: 62-ҩык аҿкы рыдырбалеит, ҩыџьа рыԥсҭазаара иалҵит

4
Иҳаҩсыз уахыки-ҽнаки рыла COVID-19 рылоу ирыламу аилкааразы 208-ҩык атестқәа рзыҟаҵан, урҭ рахьтә 62-ҩык акоронавирус рцәа ишалаз аадырԥшит.

АҞӘА, абҵара 23- Sputnik. Гәдоуҭатәи араионтә хәышәтәырҭа хадаҿы аԥсҭбарақәа ҩба ҟалеит абҵара 22 рзы, ҳәа аанацҳауеит Аԥсны ауааԥсыра COVID-19 рацәыхьчаразы аоперативтә штаб.

Иԥсҭазаара далҵит 64 шықәса ирҭагылаз ахаҵа. Иара ахәышәтәырҭа дҭашәеит абҵара 5 рзы акоронавирус ицәа иаланы. Изымҩаԥыргоз атерапиа иахьмырԥшкәа, апациент иԥсҭазаара далҵит игәеисра аԥсыҽхара иахҟьаны.

Аҟәа асасааирҭа "Аиҭар" ашҭаҿы иаадыртыз амобилтә госпиталь аҟны лыԥсҭазаара далҵит 1940 шықәсазы ииз апациент. Иақәнагаз атерапиа шылзмҩаԥыргозгьы, лыдунеи лыԥсахит лгәеисра аԥсыҽхара иахҟьаны.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 72-ҩык ауааԥсыра, урҭ рахьтә 58-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 19-ҩык, ибжьаратәуп - 20-ҩык.

Аҟәатәи аинфекциатә хәышәтәырҭаҿы ирхәышәтәуеит 30-ҩык апациентцәа, хҩык рҭагылазаашьа уадаҩуп.

Амобилтә госпиталь аҟны ишьҭоуп акоронавирус зыдбалоу 31-ҩык апациентцәа. 27-ҩык рҭагылазаашьа бжьаратәуп ҳәа иԥхьаӡоуп, ԥшьҩык рҭагылазаашьа бааԥсуп.

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 5374-ҩык ыҟоуп. Урҭ рахьтә ргәы бзиахеит 3623-ҩык, рыԥсҭазаара иалҵит 70-ҩык.

Акоронавирус иазку ажәабжьқәа зегьы шәрыԥхьар ҟалоит абра>>

4
Атемақәа:
Ачымазара ҿкы – акоронавирус Аԥсни адунеи аҿи: иалкаау