Аԥсны Афырхаҵа, аинрал-леитенант, аорден Ахьӡ-аԥша II аҩаӡара занашьоу Гиви Агрба

Арратә комендант иҭоурых: Гиви Агрба игәаларшәара

37
(ирҿыцуп 16:28 04.04.2018)
Аԥсны Афырхаҵа, аинрал-леитенант, аорден "Ахьӡ-аԥша" II аҩаӡара занашьоу Гиви Агрба идҳәалоу ахҭысқәа ртәы еиҭеиҳәеит Аԥсны жәлар Рџьынџьтәылатә еибашьра алахәыла.

Sputnik, Бадраҟ Аҩӡба

Аԥсны жәлар Рџьынџьтәылатә еибашьра афырхацәа ируаӡәку Гиви Камыгә-иԥа Агрба иахьа иԥсы ҭаны дыҟазҭгьы 81 шықәса ихыҵуазаарын.

Аибашьра ашьҭахь Гиви Камыгә-иԥа аус иуан Аҟәатәи агарнизон аиҳабыс, нас – Аҩныҵҟатәи аусқәа рминистрс (1993 – 1996), 1996–2002 шықәсқәа рзы Атәылахьчара аминистр актәи ихаҭыԥуаҩыс, 2002–2004 шықәсқәа рзы Аԥсны Ашәарҭадаратә маҵзура ахантәаҩыс.

Герой Абхазии, генерал-лейтенант Гиви Агрба
© Фото : из архива семьи Агрба
Герой Абхазии, генерал-лейтенант Гиви Агрба

Аԥсны афырхаҵа, Ашәарҭадаратә хеилак амаӡаныҟәгаҩ Муҳамед Кьылба иазгәеиҭоит Гиви Агрба еиԥш зеԥшу ауаа шмаҷыз.

"Иарбанызаалак аӡбра Гиви еиԥш иҟаз ауаа рыда илҵшәадан", — ҳәа ишьоит Кьылба.

Муҳамед Кьылба иазгәеиҭоит Гиви иҟазшьа ҷыданы ишыҟаз иарбанызаалак азҵаара аҭҵаара. Аибашьра ашьҭахь Гиви Агрба Аҩныҵҟатәи аусқәа рминистрс дҟаҵан.

Герой Абхазии, генерал-лейтенант Гиви Агрба
© Фото : из архива семьи Агрба
Герой Абхазии, генерал-лейтенант Гиви Агрба

"Аибашьратә аамҭа нҵәеит, аха Аҩныҵҟатәи аусқәа рминистр изы тәамҩахә ыҟамызт. Абџьар зегьы ирыман. Аиашаз закәанк аус ауа иҟамызт. Абри аамҭа аҭышәныртәаларагьы Гиви Камыгә-иԥа инапы ианҵан", ҳәа дцәажәоит Владимир Аршба.

Аԥсны Афырхаҵа. Аинрал-леитенант Гиви Агрба диит мшаԥымза 4 1937 шықәса рзы.

Аибашьра раԥхьатәи амш инаркны иара Аҟәа ахьчара аиҿкаара хадара азиуан. Дрылахәын Шроматәи, Ииультәи, Сентиабртәи ажәыларақәа. Гиви Агрба аибашьра ашьҭахь аҳҭнықалақь акомендантс дыҟан, дыҟан Атәылахьчара аминистр ихаҭыԥуаҩыс, Аҩныҵҟатәи аусқәа рминистрс, Ашәарҭадара амаҵзура ахантәаҩыс.

Аԥсны Афырхаҵа Гиви Агрба ианашьан аорден "Ахьӡ-Аԥша" II аҩаӡара. Гиви Агрба иԥсҭазаара далҵит нанҳәа 27 2014 шықәса рзы.

Герой Абхазии, генерал-лейтенант Гиви Агрба
© Фото : из архива семьи Агрба
Герой Абхазии, генерал-лейтенант Гиви Агрба
37

Аԥсны даҽа 85-ҩык акоронавирус рыдырбалеит, ҩыџьа рыԥсҭазаара иалҵит

4
(ирҿыцуп 20:36 28.11.2020)
Иҳаҩсыз уахыки-ҽнаки рыла COVID-19 рылоу ирыламу аилкааразы 238-ҩык атестқәа рзыҟаҵан, урҭ рахьтә 85-ҩык акоронавирус рцәа ишалаз аадырԥшит.

АҞӘА, абҵара 28 - Sputnik. Гәдоуҭатәи араионтә хәышәтәырҭа хадаҿы аԥсҭбарақәа ҩба ҟалеит, ҳәа аанацҳауеит Аԥсны ауааԥсыра COVID-19 рацәыхьчаразы аоперативтә штаб.

Абҵара 18 рзы лыԥсҭазаара далҵит 1946 шықәсазы ииз апациент. Иара акоронавирустә инфекциеи ҩганктәи аполисегментартә гәыҵәкреи иманы ахәышәтәырҭа дҭашәеит жьҭаара 19 рзы. Иақәнагаз атерапиа шызмҩаԥыргозгьы, идунеи иԥсахит игәеисра аԥсыҽхара иахҟьаны абҵара 28 рзы, ашьыжь.

Иԥсҭазаара далҵит 74 шықәса ирҭагылаз даҽа пациентк. Иара ахәышәтәырҭа дҭашәеит жьҭаара 26 рзы акоронавирус ицәа иаланы. Изымҩаԥыргоз атерапиа иахьмырԥшкәа, апациент иԥсҭазаара далҵит абҵара 27 рзы.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 67-ҩык ауааԥсыра, урҭ рахьтә 56-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 14-ҩык, ибжьаратәуп - 7-ҩык.

Аҟәатәи аинфекциатә хәышәтәырҭаҿы ирхәышәтәуеит 34-ҩык апациентцәа, аӡәы иҭагылазаашьа уадаҩуп.

Аҟәатәи амобилтә госпиталь аҟны ишьҭоуп акоронавирус зыдбалоу 45-ҩык апациентцәа. 43-ҩык рҭагылазаашьа бжьаратәуп ҳәа иԥхьаӡоуп, ҩыџьа рҭагылазаашьа бааԥсуп.

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 5883-ҩык ыҟоуп. Урҭ рахьтә ргәы бзиахеит 3678-ҩык, рыԥсҭазаара иалҵит 81-ҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

4
Атемақәа:
Ачымазара ҿкы – акоронавирус Аԥсни адунеи аҿи: иалкаау
Даур Латария

Латариа дазааҭгылеит адинхаҵара иадҳәалоу ауаажәлар ирызцәырҵуа азҵаарақәа ртәы

4
(ирҿыцуп 18:25 28.11.2020)
Ауаажәларратә еиҿкаара "Аԥшьаҭыԥ" анапхгаҩы Даур Латариа арадио Sputnik аефир аҿы еиҭеиҳәеит адинхаҵара иадҳәалоу ауаажәлар ирызцәырҵуа азҵаарақәа ртәы.
Латариа: жәытә-натә аахыс аԥсуа ирыман дара рхатә анцәахаҵара

"Жәытә-натә аахыс аԥсуа ирыман дара рхатә анцәахаҵара. Ҳазшаз даӡәыкуп, аха адинхаҵарақәа еиуеиԥшым, доусу иара итәала дазнеиуеит. Аԥсуаа ақьырсиан атәгьы ныҟәыргоит, амсылман итәгьы ныҟәыргоит, Ажьирахьгьы инеиуеит. Зегьы мҩаԥаҳгоит Ҳазшаз игәы ҟаҳҵарц. Уажәы қьырсианла аҿбаара иҵалоит. Ԥсыуала аныҳәагатә мҩаԥызгар зҭаху изы уи акгьы амам. Ажәытә аԥсуаа ирымаз ачгара, уи ауаҩы даныԥслак акәын, ахаа ықәырҵаанӡа, ашьтәа ршьаанӡа ичгон. Анаҩсан шәарыцара ианцоз, мышкы ҩымш ианычгозгьы иҟан. Ачгарақәеи аҿбаарақәеи зегьы ныҟәаҳго ҳалагар, ҳаԥсуарагьы каҳажьыр акәхоит", - иҳәеит Латариа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

4