Вольная борьба

Аԥснытәи аспортсменцәа Смоленск ачемпионат аҟынтәи ахьи аразни ҳзааргеит

18
(ирҿыцуп 13:39 16.04.2018)
Зых иақәиҭу ақәԥаразы ақәыԥшцәа рыбжьара Смоленск ақалақь аҟны мшаԥы 12 - 15 рзы имҩаԥысуан ачемпионат.

АҞӘА, мшаԥы 16 – Sputnik, Амра Амҷԥҳа. Зых иақәиҭу ақәԥаразы аԥснытәи аспортсмен Асланбек Гәарамиа 79 кьыла зыкапан наӡо рыбжьара ахьтәы медал ианашьахеит ҳәа ҳзааицҳаит аспортсмен иазыҟаҵаҩ Ҭимур Џьопуа.

Спортсмены из Абхазии завоевали золото и серебро на чемпионате в Смоленске
© Фото : Тимур Джопуа
Спортсмены из Абхазии завоевали золото и серебро на чемпионате в Смоленске

Аԥсуа спортсмен Гьаргь Адлеиба (иазыҟаҵаҩ Ҭимур Џьопуа) 61 кьыла зкапануаз рыбжьара аҩбатәи аҭыԥ ааникылеит, аразны медалгьы ианашьахеит.

"Гьаргь хә-еисарак мҩаԥигеит. Афинал аҿы даҵахеит, аҩбатәи аҭыԥ иоуит. Ишьахәны дықәгылан Даҭо Лазба иазыҟаиҵоз Асҭамыр Гәынбагьы", — иҳәеит Џьопуа.

Атурнир лыԥшааратә турнирын.

"Ачемпионат аҩаӡара ҳаракын. Актәи аҭыԥ аанызкылаз Адунеи ачемпионат ахь днеиуеит, аҩбатәи аҭыԥ аанызкылаз – Европа ачемпионат ахь. Аԥсуа спортсменцәа уажәшьҭа Урыстәыла акоманда иалахәны иқәгылоит", — иҳәеит иара.

Европа ачемпионат мҩаԥысуеит Рим, Адунеи ачемпионат – Словакиа.

18