Султан Сосналиев

Аиааира агара ус имариаӡам: Аԥсны Афырхаҵа Сулҭан Сосналиев игәаларшәара

75
(ирҿыцуп 14:21 23.04.2018)
Аԥсны Афырхаҵа, аибашьра аамҭазы Аԥснытәи архәҭақәа ркомандаҟаҵаҩы, атәылахьчара аминистр Сулҭан Сосналиев аԥсуаа ирзеиӷьеишьаз атәы дазааҭгылоит Сырма Ашәԥҳа.

Аԥсны Афырхаҵа, аибашьра аамҭазы Аԥснытәи архәҭақәа ркомандаҟаҵаҩы, атәылахьчара аминистр Сулҭан Сосналиев аԥсуа-қырҭуатә еибашьраҿы раԥхьатәи аинрал-маиорын. Аԥснытәи арбџьарымчқәа раԥҵареи, аибашьраҟны иааирԥшыз ахаҵареи рзы ианашьан "Аԥсны Афырхаҵа" ҳәа ахьӡ ҳаракы, "Ахьӡ-Аԥша" аорден актәи аҩаӡара.

Аибашьра ашьҭахь, Сулҭан Сосналиев иуалԥшьа наигӡон Аԥсны, акыр аамҭа Аԥсны Аҳәынҭқарра атәылахьчара аминистрс дыҟан. 2008 шықәсазы аҟабарда аамсҭақәа ирхылҵшьҭраз Сулҭан Асламбек-иԥа Сосналиев иԥсҭазаара далҵит. 

Аԥсны Аџьынџьтәылатә еибашьра ианалага аҩбатәи амш азы, Сулҭан Сосналиев хатәгәаԥхаралатәи адыгақәа ргәыԥ напхгара аҭо, Аԥсныҟа даахьан. Анаҩс, араҟа иалагеит иара иеибашьратә ԥсҭазаара…

Ишәгәалаҳаршәоит иара иажәақәа:

"Ҳара ҳзеиԥш ус Аԥсны ахақәиҭра ахьчара ауп. Ааи, ииашоуп аибашьра еибашьроуп. Уи иацуп хырԥашьа змам аԥсҭбарақәа. Аиааира агара ус имариаӡам. Уи рхы ақәырҵеит Аԥсны иреиӷьыз аҵеицәа, аԥсуаа рҭагылазаашьа еилкааны ирыцеибашьуаза аӡәырҩы.

Аиааиреи ахьыԥшымреи Аԥсны иазааргеит аԥсуаа рҵеицәа, урҭ ирывагылаз Нхыҵ-Кавказтәи Ареспубликақәа рхаҭарнакцәа, Аладатәи Урыстәыла, аҳәаанырцәтәи ҳдиаспора рхаҭарнакцәа уҳәа аӡәырҩы. Ҳарҭ ргәалашәара аҿаԥхьа ҳхырхәоит.

Аҭоурых ахә ҳаракны иашьап урҭ иаадырԥшыз ахымҩаԥгара, агәаӷьра, афырхаҵара, аиашара. Дара зааӡаз рҭаацәа рҿаԥхьа схырхәоит. Урҭ аԥсҭазаара аларҵәара рылдыршеит абиԥарала реиҳабацәа зызгәышьуаз агәыӷра, ахақәиҭра азықәԥара.

Иахьа, ҿыӷәӷәала иаҳҳәаратәы ҳаҟоуп Аԥсны ахьыԥшымра азхарҵап ҳәа адунеи зегьы аҿы. Ҳаибашьцәа аԥышәара аамҭа иҭагылан. Уи ахысра рылдыршеит фырхаҵарыла. Архәҭақәа ркомандаҟаҵаҩцәеи аибашьцәеи рыхьӡ ахааназы ԥсра-ӡра ақәым.

Аҭоурых наунагӡа иазынхап урҭ рышьҭа. Аԥсны ахьыԥшымра хьчатәуп. Анцәа иумҳәан, аӷа ҳааигәа дааумган, ажәа шәаҳҭоит еснагь ҳашшәыдгыло, ешьцәаҵас шәҳақәгәыӷыр шшәылшо. Сара Аԥсны аҩызцәа бзиақәа сырҳаит, ҭаацәала иааигәаны ҳаибабоит, еишьцәаҵас ҳаидгылоуп, ҳаиқәгәыӷуеит.

Аԥсуа жәлар сырзыразуп, ахашҭра уадаҩуп аибашьра аамҭазы иҳаԥгылаз ауадаҩрақәа, агәаҟрақәа, аԥсҭбарақәа. Аха, доуҳала иӷәӷәаз ажәлар, урҭқәа зегьы риааира рылдыршеит. Нагӡара ақәзааит Аԥсны ахақәиҭра, ахьыԥшымра, Аиааира!"

 

75

Ажьиԥҳа аҭыԥантәи адепутатцәа рзы: рҵарагьы ыҟазароуп, аԥсшәагьы рдыруазароуп

5
Тҟәарчал араион алхратә комиссиа алахәыла Рита Ажьиԥҳа арадио Sputnik арубрика "Раионк аԥсҭазаараҟынтә" аҳәаақәа ирҭагӡаны аҭыԥантәи ахаланапхгараҭаратә усбарҭақәа рахь алхрақәа реихшьаала ҟалҵеит.
Раионк аԥсҭазаараҟынтә: Ажьиԥҳа ахаланапхгараҭарақәа рахь алхрақәа ирызкны

Аԥсны аҭыԥантәи ахаланапхгараҭарахь алхрақәа мҩаԥысит мшаԥы 11 рзы.

"Адепутатрахь иқәгылаз акандидатцәа ҩажәаҩык рахьынтә 15-ҩык алхын. Иманшәаланы еилагарада имҩаԥысит алхрақәа. 5196- ҩык ашәҟәы иҭагалаз алхыҩцәа рҟынтәи 2052 -ҩык алхрақәа рхы рыладырхәит. Уи аԥхьа иҟаз ас еиԥш алхрақәеи дареи еиҿурԥшуазар, усҟан 2800-ҩык ыҟан алхыҩцәа. Актәи аилатәара мҩаԥысраны иҟоуп иааиуа ашәахьаҽны мшаԥы 19 рзы. 15-ҩык адепутатцәа рахьынтә ҩыџьа аҳәса ыҟоуп. Уи аԥхьа иҟаз адепутатцәа рахьынтә ҩыџьа ықәгылан, руаӡәк ҩаԥхьа далырхит, уи Тҟәарчалтәи араионтә хәышәтәырҭа аиҳабы Лали Гаргәылиа лоуп", - лҳәеит Ажьиԥҳа.

Ажьиԥҳа лгәаанагара лҳәеит аҭыԥантәи ахаланапхгараҭарақәа рахь инеиуа адепутатцәа зеиԥшразар акәу.

5

Аԥсны Атәанчахәытә фонд аҿы ашәарақәа зеиԥҟьо атәы рҳәеит

3
(ирҿыцуп 20:14 14.04.2021)
Аԥсны Атәанчахәытә фонд Аԥсны атәылауаа рҿаԥхьа руал 55 миллион мааҭ ыҟоуп. Аҭагылазаашьа аҭышәынтәалара алшоны иҟоуп 2021 шықәса ахԥатәи аԥшьбаразы.

АҞӘА, мшаԥы 14 - Sputnik. Аԥсуа тәанчахәқәа ршәара апандемиа аамҭа иахҟьеит, избанзар 2020 шықәсазы Атәанчахәытә фонд 130 миллион мааҭ амоуӡеит. Абри атәы радио Sputnik иазеиҭеиҳәеит Аԥсны Атәанчахәытә фонд ахантәаҩы Денис Гәылариа.

2020 шықәсазы акоммерциатә еиҿкаарақәа ашәахтәқәа рықәырхит апандемиа инадҳәаланы. Ари афонд ахь аԥаранашьҭра анырра анаҭеит.

Ахантәаҩы иажәақәа рыла Атәанчахәытә фонд ахь аԥара назмышьҭуаз акоммерциатә еиҿкаарақәа рымацара ракәым, аҳәынҭқарратә еиҿкаарақәагьы рыдҵақәа нарыгӡомызт.

Убас ауал ду ақәны иҟоуп АУН "Амшынеиқәафымцамч", иҳәеит Гәылариа.

"Аха дара ишьақәырӷәӷәоу аграфик ҳзаарышьҭит, ирҳәеит ЕгрыГЕС аусура ишалагалак Атәанчахәытә фонд ахь ахыԥхьаӡаларақәа ишрылаго", - иҳәеит Гәылариа.

Иахьазы реиҳа ауал ду зықәны иҟоу еиҿкаароуп АУН "Амшынеиқәафымцамч".

Ашәарақәа еиҵахоит иара убасгьы ареспубликаҿы аԥсуа тәанчахәы зауа рхыԥхьаӡара иацло иахьалагаз ҳәа иҳәоит Гәылариа.

2020 шықәса алагамҭаз ари ахыԥхьаӡара 6656-ҩык инаӡозар, шықәса анҵәамҭазы 8592-ҩык ҟалеит.

Иахьа Атәанчахәытә фонд аамҭа-аамҭала ашәарақәа мҩаԥнагоит. Аԥхьа иззыршәо категорианы иҟоу Аԥсны жәлар реибашьра аинвалидцәа роуп.

"56 миллион мааҭ ауал ҳақәуп. Ари хәажәкырамза иатәуп. Аха иара есыҽны еиҵахоит. Раион-раионла аԥарақәа ҳшәоит. Аибашьра иадҳәало акатегориақәа рҿаԥхьа Аҟәа, Аҟәа араион, Очамчыратәии Тҟәарчалтәии араионқәа рҟны ҳуал ҳшәеит, иаанханы иҟоуп Гагреи Гәылрыԥшьи араионқәа", - иҳәеит афонд ахантәаҩы.

Гәылариа иажәақәа рыла Афонд ахь аԥаралагалара адинамика аныԥшуа иалагеит. Аҭагылазаашьа аҭышәынтәалара алшоны иҟоуп 2021 шықәса ахԥатәи аԥшьбаразы ҳәа иҳәоит иара.

3