Арӡынба: Ҟрыми Аԥсни русеицура еиҵыххоит

© Sputnik / Алексей Мальгавко / Амедиаҵәахырҭахь аиасраВид на Крым
Вид на Крым - Sputnik Аҧсны
Анапаҵаҩра
Аԥсны Аҳәынҭқарра Аекономика аминистрра аделегациа алахәын 2018 шықәса мшаԥы 19-20 рзы имҩаԥысуа IV Иалтатәи жәларбжьаратәи аекономикатә форум аусура.

АҞӘА, мшаԥы 24 – Sputnik. Аԥсны Аҳәынҭқарра Аекономика аминистрра аделегациа IV Иалтатәи жәларбжьаратәи аекономикатә форум аусура алахәра аԥышәа аимдареи еиуеиԥшым аиныррақәа рышьақәыргылареи ирзырхоуп. Ҳара ҳазыхиоуп Аԥсни Ҟрыми еивагыланы, рыжәҩа еибыҭаны аус руа аиҿкаара иҳәеит арадио Sputnik Аԥсны аинтервиу азҭаз аекономика аминистр Адгәыр Арӡынба.

Батал Айба - Sputnik Аҧсны
Арадио
Аиба Иалтатәи афорум иазкны: Ҟрым аекономика аҿиаразы аԥынгылақәа рацәоуп

"Ҳтәылауаа рыбзазара шьахәны иҟазарц азы аинвестициақәа рымҩа аарттәуп, аҭагылазаашьа бзиақәа рзеиҿкаатәуп. Ҳара ҳазыхиоуп Аԥсни Ҟрыми еивагыланы, рыжәҩа еибыҭаны аус руа аиҿкаара", — иҳәеит аекономика аминистр Адгәыр Арӡынба.

Асеиԥш аусеицура хра азҭо акәны Адгәыр Арӡынба ибоит Аԥсни Ҟрыми реинырразы аиқәшаҳаҭра.

"Ҟрыми Аԥсни аиԥшызаарақәа рымоуп, аполитика аганахьала аума, агеографиатә ҭагылазаашьа аганахьала аума. Раԥхьа иргыланы аиԥшызаарақәа рымоуп атуризм аусхк аҿы, аполитикатә ҭагылазаашьаҿы, аекономикаҿы. Аԥсны аинтерес амоуп Ҟрым аԥышәа амдара. Афорум аҳәаа иҭагӡаны ишьақәыргылахоит аусутә еимадарақәа", — иҳәеит иара.

"Ирацәоуп Ҟрым аекономика аҿиаразы иҟоу аԥынгылақәа, урҭ ҳара лабҿаба иаабеит. Жәларбжьаратәи абизнес уаа макьана иацәшәоит аинвестициақәа ралагалара. Уи зыхҟьоугьы асанкциақәа роуп. Аҵыхәтәантәи аамҭақәа рзы мраҭашәаратәи атәылақәеи Урыстәылеи реизыҟазаашьа ауадаҩра Ҟрымгьы Аԥсынгьы анырра рырҭоит" — иҳәеит иара.

Вид на Крым - Sputnik Аҧсны
Аԥсны "Ҟрым аҩызцәа рклуб" иалалеит

Аминистр игәаанагарала Аԥсни Ҟрыми реиндаҭлара аҭахны иҟам. Ареспубликақәа рыҩбагь рҽеидыркылароуп.

Аԥсны Аҳәынҭқарра Аекономика аминистрра аделегациа алахәуп 2018 шықәса мшаԥы 19-20 рзы имҩаԥысуа IV Иалтатәи жәларбжьаратәи аекономикатә форум аусура. Афорум иалахәуп 3000-ҩык рҟынӡа ауаа, Урыстәыла арегионқәеи адунеи атәылақәа 60 рҟынтәи. Аԥсны ахьӡала афорум иалахәуп Аекономика аминистрра аделегациа.

Ажәабжьқәа зегьы
0