Российский посол Алексей Двинянин и поэт Мушни Ласурия

Пушкинтәи аԥхьарақәа Аботаникатә баҳчаҿы имҩаԥысит

20
(ирҿыцуп 17:00 06.06.2018)
Аурыс шәҟәыҩҩы ду Александр Сергеи-иԥа Пушкин имшира инақәыршәаны ирҿиамҭа абзиабаҩцәа апоет ибаҟа аҿаԥхьа ашәҭшьыҵәрақәа шьҭарҵеит, традициак аҳасаб ала ишышьақәгылахьоу еиԥш, Аботаникатә баҳчаҿы иажәеинраалақәа ирыԥхьеит.

Сариа Кәарацхьелиаԥҳа, Sputnik

Рашәара 6 рзы Аԥсны, Урыстәылеиԥш иазгәарҭоит аурыс шәҟәыҩҩы ду Александр Сергеи-иԥа Пушкин иира мшы. Апоет ирҿиамҭа абзиабаҩцәа апоет ибаҟа аҿаԥхьа ашәҭшьыҵәрақәа шьҭарҵеит, традициак аҳасаб ала ишышьақәгылахьоу еиԥш, Аботаникатә баҳчаҿы, аҵла дуқәа рымҵаҿы иажәеинраалақәа ирыԥхьеит.

Шьыжьы инаркны Александр Сергеи-иԥа ибаҟахьы инеит Аԥснытәи аинтеллигенциа. Ашәҭшьыҵәрақәа шьҭарҵеит амемориал аҿаԥхьа.

Ацеремониа ихы алаирхәит Аԥсны иҟоу Урыстәылатәи Афедерациа Ацҳаражәҳәаҩ Алексеи Двинианин.

"Аурыс бызшәа аныҳәа Пушкин имшира аҽны Аԥсны аҳҭнықалақь аҿы амҩаԥгара сара сзы игәахәара дууп. Еизаз зегьы иҭабуп ҳәа шәасҳәарц сҭахуп арахь шәааиразы. Ҭабуп ҳәа ахысҳәаар сҭахуп Аԥсны ауааԥсыра зегьы бзиа ибаны аурыс бызшәа иахьалацәажәо. Саргьы сҽазысшәоит, иуадаҩзаргьы, аԥсуа бызшәала ажәак-ҩажәак рҳәара" — иҳәеит Ацҳаражәҳәаҩ.

Алексеи Двинианин ааԥхьара ҟаиҵеит пушкинтәи аԥхьарақәа ԥхьаҟагьы ирыцырҵаларц, ихаҭагьы даԥхьеит ажәеинраалақәа руак.

Аботаникатә баҳчаҿы асасцәа ирԥылеит Пушкин ианихааныз еиԥш еибыҭаз аҭыԥҳацәа ссирқәа.

"Иахьа Пушкин имшира азгәаҭо, ҳара иаҳҭахуп уи ажәлар дырхамшҭуа аҟаҵара. Изҭаху зегьы ирымоуп алшара апоет иажәеинраала иаԥхьарц", — рҳәеит ААУ афилолгиатә факультет астудентцәа Саидеи Дианеи Ҷыҭанааԥҳацәа.

Аҭәаҵла ду амҵаны ауснагӡатә ааиртит аԥсуа поет, "Евгени Онегин" аԥсуа бызшәахь еиҭазгаз Аԥсны жәлар рпоет Мушьни Лашәриа.

  • Возложение цветов к памятнику А.С. Пушкина
    Возложение цветов к памятнику А.С. Пушкина
    © Sputnik Сария Кварацхелия
  • Пушкинские чтения в ботаническом саду
    Пушкинские чтения в ботаническом саду
    © Sputnik / Томас Тхайцук
  • Пушкинские чтения в ботаническом саду
    Пушкинские чтения в ботаническом саду
    © Sputnik / Томас Тхайцук
  • Пушкинские чтения в ботаническом саду
    Пушкинские чтения в ботаническом саду
    © Sputnik / Томас Тхайцук
1 / 4
© Sputnik Сария Кварацхелия
Возложение цветов к памятнику А.С. Пушкина

"Александр Сергеи-иԥа иҟазара анырра ду анаҭеит аԥсуа поезиа. Дыҟам Аԥсны поетк Пушкин иритм зырҿиамҭаҿ иуԥымло. Иахьа ҳара иааҳарԥшуеит аурыс поет иахь иҳамоу абзиабара дуӡӡа", — иҳәеит Мушьни Лашәриа.

Иара иҳәеит агәра шиго ԥхьаҟа пушкинтәи аԥхьарақәа еиҳагьы рҽышдырҭбаауазы.

Пушкин ииубилеи азы аԥсуа поетцәа, аҵарауаа, артистцәа, астудентцәа, аҵаҩцәа ажәеинраалақәа рыԥхьара рҽаздырхиеит. Еишьҭагыланы ирыԥхьон ажәеинраала ссирқәа. Мушьни Лашәриа даԥхьеит иажәеинраалоу ароман "Евгени Онегин" аҟнытә ацыԥҵәаха, аԥсышәала.

Рашәара 6 рзы Аԥсны, Урыстәылеиԥш иазгәарҭоит аурыс шәҟәыҩҩы ду Александр Сергеи-иԥа Пушкин имшира. Апоет ирҿиамҭа абзиабаҩцәа апоет ибаҟа аҿаԥхьа ашәҭшьыҵәрақәа шьҭарҵеит, традициак аҳасаб ала ишышьақәгылахьоу еиԥш аботаникатә баҳчаҿы, аҵла дуқәа рымҵаҿы иажәеинраалақәа ирыԥхьеит.

Ботанический сад.
© flickr.com /
Ботанический сад

20

Ажьиԥҳа еиҭалҳәеит Гагра араион азы аҵарашықәс зеиԥшраз, уи ахарҭәаашьа шылбо

8
(ирҿыцуп 19:21 04.06.2020)
Гагара араион аҵара аҟәша аиҳабы Мадина Ажьиԥҳа арадио Sputnik арубрика "Раионк аԥсҭазаараҟынтә" аҳәаақәа ирҭагӡаны еиҭалҳәеит сынтәа шаҟаҩы аушьҭымҭацәа рымоу, онлаин аҵара дшазыҟоу, актәи акласс аҵаҩцәа зхысуаз апрограмма инагӡаны рызнагаразы мҩас илбо атәы.
Раионк аԥсҭазаараҟынтә: Ажьиԥҳа апандемиа аан аҵаратә процесс иазкны

Гагра араион аҟны сынтәа ашколқәа роушьҭымҭацәа 256-ҩык ыҟоуп, урҭ рахьынтә ҩыџьа хьтәы медалла рҵара хдыркәшоит ҳәа изықәгәыӷуа роуп.

Шәазыӡырҩы аудио.

Иара убас шәаԥхьар ҟалоит:

 

8

Аԥсны акоронавирус ҿыцны аӡәгьы имам

1
(ирҿыцуп 18:40 04.06.2020)
Ииасыз уахыки-ҽнаки рыла Аԥсны аҩныҵҟа акоронавирустә инфекциа амазааразы игәарҭеит 30-ҩык. Уи аԥхьа адиагноз "акоронавирус" рзықәыргылан Москвантәи иааз быжьҩык акурсантцәа.

АҞӘА, рашәара 4 - Sputnik. Ииасыз уахи-ҽни рзы Аԥсны аҩныҵҟа акоронавирустә инфекциа амазаара гәарҭеит 30-ҩык рҟны. Урҭ аӡәгьы авирус идбалам ҳәа аанацҳауеит COVID-19 аҟынтәи ауааԥсыра рыхьчаразы аоперативтә штаб.

"Аԥсшьарҭаҩны "Аиҭар" аҟынтәи иахьа рыҩныҟа иоушьҭуп Гәдоуҭатәи ахәышәтәырҭа амедусзуҩцәа хәҩык", - ҳәа аҳәоит адырраҭараҿы.

Иахьатәи аамҭазы Аԥсны зынӡа  35-ҩык авирус рыдырбалахьеит. Быжьҩык Гәдоуҭатәи ахәышәтәырҭа иҭоуп, 27-ҩык ргәы бзиахеит, аӡәы лыԥсҭазаара далҵит.

Адунеи зегь аҿы акоронавирус аадырԥшит6-миллионҩык рҟны, Урыстәыла – 400 000-ҩык инарзынаԥшуа рҟны.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

1
Атемақәа:
Ачымазара ҿкы – акоронавирус Аԥсни адунеи аҿи: иалкаау