Ԥсахара ишьақәыргылоу амашьына "БРДМ" аҭоурых

© Sputnik / Саида ЖьиԥҳаԤсахара ишьақәыргылоу "БРДМ" аҭоурых
Ԥсахара ишьақәыргылоу БРДМ аҭоурых - Sputnik Аҧсны
Анапаҵаҩра
Дыҟамзар ҟалап ҳтәылаҟны аӡәы, Гагра араион Ԥсахара ақыҭан, амҩаду аҿықә, адәҳәыԥш аҟны ишьақәыргылоу аибашьыгатә-аԥшыхәратә-диверсиатә машьына "БРДМ" зымбац, иавсны имцац. Аха ирацәаҩым, уи ахьынтәааз аҭоурых здыруа.

Саида Жьиԥҳа, Sputnik

Ажәлар рҟны, ари аибашьыгатә машьына "атанк" ҳәа иашьҭоуп. Ԥсахара ҩыџьа еиқәшәар анырҭахыу, мамзар азеиԥш транспорт анааныркыло, ааигәа-сигәа инхо аӡәы иӡбахә анырҳәо, "атанк аԥхьа" ҳәа ауп ишадырбо.

Омар Сангулиа - Sputnik Аҧсны
Омар Сангәылиа: ҳҿажәкуан, еихсыӷьра ҳамамкәа аа-саҭк ахысра ҳаҿын

Есқьынагьы ҳалаԥш иҵашәо "атанк" иадҳәалоу аҭоурых атәы ҳзеиҭеиҳәеит Аԥсуа Гвардиа Мраҭашәаратәи агәыԥ, актәи аҟәыра акомандаҟаҵаҩ, "Агәымшәаразы" амедал занашьоу Беслан Ӡкәиа.

Аԥсны Аџьынџьтәылатә еибашьра мызқәак шагыз, Аҟәатәи аҩнуҵҟатәи архәҭақәа рполк аҟнытә, Пицундаҟа, Аԥсуа Гвардиа ахьеиҿкааз иаашьҭын аибашьыга машьына "БРДМ".

Иаразнакгьы араҟа ишьақәгылеит аекипаж. Урҭ иреиуан: амеханик-аныҟәцаҩ Виктор Шьершьелиа, ақәкыҩцәа-аоператорцәа Емзар Амԥар, Гарик Пандалион, аимадаҩ Нодар Адлеиба. Аекипаж хьӡысгьы иахылеит "Старыи" ҳәа.

© Фото : из архива семьи АмпарВиктор Шершелия
Виктор Шершелия - Sputnik Аҧсны
Виктор Шершелия

Избан арҭ аибашьцәа рҭоурых дара изеиҭарымҳәо, рҩыза ила изеилаҳкаауеи ҳәа иҵаауа шәыҟазаргьы, абар аҭак: иахьа урҭ рахьтә аӡәгьы иԥсы ҭаӡам.

Аибашьра раԥхьатәи амшқәа раан, "БРДМ" аекипаж "Старыи" шьҭын Аҟәаҟа, Ацҳа ҟаԥшь ахь, ҳаибашьцәа ацхыраара рыҭаразы.

Аха атехникатә ҭагылазаашьа уақәгәыӷуа иҟамызт аҟнытә, аинрал Сергеи Дбар, еиҭа Гагра ахырхарҭахь аекипаж дәықәиҵеит ақырҭцәа иҭадырхаанӡа.

"Пицунда "Аҵыс фабрика" инаркны Мамзышьханӡа ишьақәгылеит Мраҭашәаратәи афронт. Виктор Шьершьелиа ихьӡ ҷыда "Старыи" зхыз "БРДМ" аекипаж Ԥсахара амҩа агәҭаны игылан, ацхыраара ҳанаҭон, ҳаӷацәа ирылахысуан", — иҳәоит Беслан Ӡкәиа.

Нанҳәа 30, 1992 шықәсазы, ақырҭцәа аԥсуа еибашьцәа ахьгылаз акырӡа ԥхьаҟа ижәылеит.

Омар Акшба - Sputnik Аҧсны
Аби аԥеи рыԥсадгьыл рыхьчон

"Уи аҽны цас ауашәа, "БРДМ" аккумулиатор тәеит. Зныкгьы ақырҭцәа атанк ала еихсит, аха иақәымшәеит. Виктор, аус шԥамури, ҳәа иҭаиҭәашаз аӡы ааигоит ҳәа дцеит. Аибашьыга машьына мкәырырц, ахаҳә аҵеиҵеит. Ақырҭцәа даҽазны еихсуеит ҳәа аҽазышәара анымҩаԥыргоз аамҭазы, Емзар дыҩны днеин ахаҳә аҵхны иркәыруеит ҳәа далагоит, аха башахоит. Атанк аҩнуҵҟа иҭатәаз Нодар иахь дыҳәҳәоит уласны улбаа, уажәы еихсуеит ҳәа, аха дахьӡом. Емзар секундқәак роуп игха, сыла шааԥшуаз дыршьуан", — лабҿаба иибаз ахҭыс игәалаиршәоит аибашьҩы.

Емзар иҩызцәа рахь иҿанынаиха, амҩан ихәыз ауаԥс ҷкәынакгьы иҟәаҟәа дықәҵаны амцашыра далыигазаап.

Аӡаагара ицаз Виктор амҩа шеиҩиҵәоз аӷа ихымца иқәшәоит.

"Усҟан ҳара излаҳаҳаз ала, Виктор ахәра ӷәӷәа иоуит, ақырҭцәа дыҭҟәаны дыргеит. Ихы дшамыхәозгьы ӷәӷәала ддыргәаҟит, дырԥҟеит. Анаҩс, Гагратәи ахәышәтәырҭа аԥхьа дҭадырхеит, иԥсыбаҩ рыблит", — еиҭеиҳәоит аибашьра аветеран.

© Фото : из архива семьи АмпарНодар Адлейба
Нодар Адлейба - Sputnik Аҧсны
Нодар Адлейба

"БРДМ" аҩнуҵҟа иҭатәаз Нодар Адлеиба иакәзаргьы, иԥсыбаҩ аибашьыга машьына илалаблы ицеит.

Уи аҽны Гарик Пандалион разҟык иман, аекипаж дрыцӡамызт.

© Фото : из архива семьи АмпарГарик Пандалион
Гарик Пандалион - Sputnik Аҧсны
Гарик Пандалион

Емзар Амԥари Гарик Пандалиони Аԥсны Аџьынџьтәылатә еибашьра раԥхьатәи амшқәа инадыркны Аиааиранӡа рҩызцәа ирывагылан рыԥсадгьыл рыхьчон.

Аӷа ихымца зҽацәызхьчаз аиҩызцәа, зегь акоуп ари адунеи ақәзаара рлахьынҵамызт.

Емзар Амԥар амҩатә машәыр аҟны иԥсҭазаара ҿахҵәоит. Гарик Пандалион иԥазаҵә машәырла данҭахалак, аб изхымгакәа ихы аԥырихуеит.

Аекипаж "Старыи" ниаӡӡа ицеит, аха инхеит агәалашәара.

© Фото : из архива семьи АмпарЭмзар Ампар
Эмзар Ампар - Sputnik Аҧсны
Эмзар Ампар

Аибашьра ашьҭахь, Виктор Шьершьелиа иԥацәа Игори Асҭамыри, раб иԥсы зыҿҳәараз иҩызцәеи иареи ргәалашәара анаунагӡатәразы, Ԥсахара ақыҭан, амҩаду аҿықәан, адәҳәыԥш аҟны ишьақәдыргылеит "БРДМ"-"Старыи" еиԥшны атанк, анаҩсан ари аҭыԥ гәалашәаратә баҟахеит.

Виктор Шьершьелиеи, Емзар Амԥари иранашьан Леон иорден. Гарик Пандалиони Нодар Адлеибеи "Агәымшәаразы" амедал.

Ажәабжьқәа зегьы
0