Урыстәыла абокс азы атурнир аҟны Герман Арџьениа аразны медал игеит

© Фото : ФЕДЕРАЦИЯ БОКСА МОСКВЫГерман Арджения во время боя
Герман Арджения во время боя - Sputnik Аҧсны
Анапаҵаҩра
Урыстәыла абокс азы атурнир аҟны 15-шықәса зхыҵуа аԥсуа боксиор диндаҭлон свердловсктәи аспортсмен Максим Шумов.

АҞӘА, ԥхынгәы 30 – Sputnik, Бадраҟ Аҩӡба. Герман Арџьениа аиндаҭлараҿы 15-16 шықәса зхыҵуа рыбжьара аҩбатәи аҭыԥ ааникылеит ҳәа Sputnik иазааицҳаит абоксиор иазыҟаҵаҩ Елизбар Џьологәуа.

Молодой боксер из Гагры Герман Арджения одержал безоговорочную победу на первенстве Москвы - Sputnik Аҧсны
Герман Арџьениа афинал ахь днеиит

"Аӡбаҩцәа рҟынтәи ҩыџьа Герман далыркааит, хҩык Шумов. Агәра ганы сыҟоуп Герман дшеиӷьыз, аха… Атурнир иалахәыз азыҟаҵаҩцәа ргәаанагарала Герман еиҳа-еиҳа иқәгылара еиӷьитәуан", — иҳәеит иара.

Афинал аҟны днеиаанӡа Герман акыр иуадаҩыз амҩа данысит абри атурнир аҿы ҳәа азгәеиҭоит азыҟаҵаҩ.

"Хә-қәгыларак мҩаԥигеит. Ицықәгылақәоз рышәара ҳаракын", — ҳәа еиҭеиҳәоит Елизбар Џьологәуа.

Урыстәыла абокс азы атурнир аҟны 15-шықәса зхыҵуа аԥсуа боксиор диндаҭлон свердловсктәи аспортсмен Максим Шумов. Максим Шумов – 57 кьыла иҟоу рыбжьара Европа дачемпионуп.

"Максим афинал аҟынӡа днеиаанӡа дызцықәгылоз риааира уадаҩрак аламызт. Герман иакәзар, еиҳа иӷәӷәоу ҳәа ишьаз дрындаҭлон. Аиааира иара итәуп ҳәа исшьоит", — иҳәеит азыҟаҵаҩ.

Џьологәуа иазгәеиҭеит Герман ареванш иҽшазыҟаиҵо.

Абокс азы ақәыԥшцәа рыбжьара аиндаҭларақәа мҩаԥысуан Тиумень, ԥхынгәы 29 рзы ихыркәшахеит. Ииааиз 13-ҩык Италиаҟа ицараны иҟоуп Европа ачемпионат алахәхаразы.

Ажәабжьқәа зегьы
0