Сергей Шамба

Шамба: Қырҭтәыла ақәылара уаанӡагьы аҽазнархион

20
(ирҿыцуп 14:56 08.08.2018)
Нанҳәа 8 2008 шықәса рзы ақырҭуа ар Аахыҵ Уаԥстәыла иақәлеит, Цхинвал ақалақь аиҳарак еиладырбгеит. Аахыҵ Уаԥстәыла ауааԥсыра реиқәырхаразы Урыстәыла ар аланагалеит. Хәымш ицоз аибашьра ашьҭахь ақырҭуа ар аахыҵ Уаԥстәыла иалцан.

АҞӘА, нанҳәа 8— Sputnik. Аԥсны Адәныҟатәи аусқәа рминистрс иҟаз Сергеи Шамба еиҭеиҳәоит Қырҭтәыла Аахыҵ Уаԥстәыла ҳақәлоит ҳәа аԥсуаа рашәарамзазгьы идыршәарц ишырҳәоз. Абри атәы РИА Новости иазеиҭеиҳәеит Сергеи Шамба.

Иара ишигәалаиршәо ала 2008 шықәса рашәарамзазы Қырҭтәыла анапхгара Аԥсны ажәа анырҵеит Урыстәыла аламырхәыкәа ҩ-ганктәи аиԥылара мҩаԥыргарц. Аиԥылара мҩаԥысит Стакгольм. Иара иалахәын Қырҭтәыла аполитикатә напхгара: ООН иҟаз Қырҭтәыла ахаҭарнак Иракли Аласаниа, ареинтеграциа аминистр Темур Иакобашвили, Адәныҟатәи аусқәа рминистр ихаҭыԥуаҩ Гига Бокериа, акультура аминистр Ника Руруа.

"Дара уа иаартны ирҳәон Аахыҵ Уаԥстәыла аус аҭыԥ иқәаҳҵоит. Бџьарла убас ҳаибыҭоуп, Урыстәыла ар ҳахәо иҟам ҳәа. Сгәы иаанагоит ҳаиԥылара зеиҿыркаазгьы ҳдыршәарц ауп ҳәа. Иаартны ирымҳәеит аха ирҳәоз иаанагоз уажәы Уаԥстәыла ҳаилгоит, нас шәара шәызҵаара аӡбрахь ҳаиасуеит ҳәа акәын", — иҳәоит иара РИА Новости аинтервиу аҭо.

Сергей Шамба 2008 шықәса нанҳәамзазы Аԥсны Адәныҟатәи аусқәа рминистрс дыҟан.

20