Кадры из фильма Меня зовут Махаз

Акиносахьа "Махаз сыхьӡуп" Москватәи акинофестиваль аҿы аиааира агеит

38
(ирҿыцуп 16:38 13.08.2018)
VII зметраж кьаҿу Жәларбжьаратәи акинофестиваль "KONIK Film Festival" Москва имҩаԥысуан нанҳәа 8 -12 рзы.

АҞӘА, нанҳәа 13– Sputnik, Бадраҟ Аҩӡба. Аԥсуа режиссер Инар Нарманиа икиносахьа "Махаз сыхьӡуп" Москватәи акинофестиваль аҿы аиааира агеит. VII зметраж кьаҿу Жәларбжьаратәи акинофестиваль "KONIK Film Festival" Москва имҩаԥысуан нанҳәа 8 —12 рзы.

"Афестиваль, есышықәса Москва имҩаԥысуеит. Ҳара азыҳәа наҳашьҭит хымзҟа раԥхьа аҽалархәразы. Мызкы аҩныҵҟа алкаарақәа мҩаԥыргон. Нас адырра ҳарҭеит акинофестиваль ҳшалахәхо азы", — ҳәа еиҭеиҳәоит арежиссиор Инар Нарманиа.

Нарманиа иазгәеиҭеит афестиваль ишалахәыз Урыстәыла, Франциа, Бельгиа, Хорватиа уҳәа атәылақәа жәпакы. Иара иҳәеит акиносахьа ахәаԥшыҩцәа ишыргәаԥхаз.

"Агәахәара ду сымоуп акиносахьа ахәшьара ду ахьаиуз", — иҳәеит иара.

Сынтәа аконкурстә программа ахәшьара арҭон: акинопродиусер Дмитри Рудовски, акинорежиссер Владимир Фенченко, актриса Иана Поплавскаиа, асахьаҭыхыҩ Едуард Галкин, аоператор Александр Кузнецов. Аконкурстә программа иалахәын 50 фильм.

Михаил Лакрба иновеллақәа ирылху акиносахьа иара убасгьы иалахәхараны иҟоуп Калининград нанҳәа 18 — 20 рзы имҩаԥысраны иҟоу афестиваль "Короче".

Аҟәатәи жәларбжьаратәи акинофестиваль аҟны "Махаз сыхьӡуп" иреиӷьу ҳәа иршьаз аусумҭақәа хԥа ируакын. Ахԥатәи аҭыԥ ааннакылеит.

Аҟәатәи жәларбжьаратәи акинофестиваль мҩаԥысуан мшаԥы 2 — 6 рзы. Иара иалахәын Аԥсны, Урыстәыла, Европа, ИАР, Марокко, Тунис, Кореиа, Иран, Узбекистан, Венгриа.

38

Барганџьиа еиҭеиҳәеит Аԥсны шаҟа араса аҽаҩра иазыԥшу

7
(ирҿыцуп 19:03 07.08.2020)
Ақыҭанхамҩа аминистрра агрономиа аҟәша аиҳабы Едуард Барганџьиа арадио Sputnik аефир аҟны еиҭеиҳәеит сынтәа аҳәынҭқарраҟны шаҟа араса аҽаҩра иазыԥшу, ахаҭабзиара зеиԥшроу атәы.
Барганџьиа еиҭеиҳәеит Аԥсны шаҟа араса аҽаҩра иазыԥшу

"Араса атәыла анҭыҵ ианахырго ашәахтә аԥыхуп ҵыԥх аахыижьҭеи. Егьыс араса аҽаҩра 13 нызқь тонна рҟынӡа сынтәа иҟалоит ҳәа ҳазыԥшуп. Уи аҿыхра, аизгара, аҭира иалагахьеит. Араионқәа рҟны араса ахьрыдыркыло еиҿкааны ирымоуп, макьаназы ахә 60 мааҭ рҟынӡа ыҟоуп. Сынтәа аҽаҩра ҵыԥх аасҭа еиҳауп. Иҟоуп араса ахәшәтәра иахьахьӡаз, аҳәынҭқарраҟны аԥара аҟамзаара иахҟьаны ахәшәтәра иахьагхазгьы ыҟоуп. Араса ачымазара акит, ҳахьахьымӡаз. Аҽаҩра иҟоу 60 процент рҟынӡа араса бзиоуп ҳәа адырра ҳамоуп", - иҳәеит Барганџьиа.

Иара иазгәеиҭеит иахьа аҳәынҭқарраҟны азҿлымҳара шыҟоу ақыҭанхамҩа аҿиара азҵаара аганахьала.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sрutnik аефир аҟны.

Иара убас шәаԥхьар ҟалоит:

7

COVID-19 рзықәыргылоуп даҽа фҩык Аԥсны ауааԥсыра

7
(ирҿыцуп 18:04 07.08.2020)
Ииасыз уахыки-ҽнаки рыла акоронавирустә чымазара амазааразы агәаҭара иахысит 82-ҩык Аԥсны ауааԥсыра.

АҞӘА, нанҳәа 7- Sputnik. Адиагноз COVID-19 рзықәыргылоуп даҽа фҩык Аԥсны ауааԥсыра ҳәа аанацҳауеит акоронавирустә ҿкы рацәыхьчаразы аоперативтә штаб.

Иахьазы Гәдоуҭатәи ахәышәтәырҭаҿы ишьҭоуп акоронавирус зцәа иалоу 40-ҩык апациентцәа.

Иахьазы Аԥсны акоронавирус здырбалахьоу рхыԥхьаӡара 120-ҩык ыҟоуп. Урҭ рахьтә 37-ҩык ргәы бзиахеит, хҩык рыԥсҭазаара иалҵит.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

7
Атемақәа:
Ачымазара ҿкы – акоронавирус Аԥсни адунеи аҿи: иалкаау