Благотворительный забег Бежим со смыслом

Ҩыџьа ахәыҷқәа ргәазыҳәара анагӡара алшоит

20
(ирҿыцуп 11:25 15.12.2018)
Агәыҳалалратә фонд "Ашана" ихацнаркит Манучар Чантуриеи Альберт Урусиани рыхәышәтәразы аԥареизгара. Заԥхьаҟа испортсменхашеи искульпторхашеи арҭ ахәыҷқәа ауаа зегь реиԥш иҟазаарц азы еизгатәуп 175 нызқь мааҭ.

Sputnik

Жәа-шықәса зхыҵуа Манучар Чантуриа ажурналистцәа ачча иҿықәыҳәҳә дырԥылеит. Иара аҭаацәараҿы аԥьбатәи ахәыҷ иоуп. Иҭаацәа рыҷкәын ацәажәара шицәыцәгьаз азгәарҭеит хышықәса анихыҵуаз.

"Хышықәса анихыҵуаз аӡыршы иқәиҭәеит. Убри анахыс ацәажәара даҟәыҵны напышьашәала ииҭахыз ҳирбо далагеит", — ҳәа еиҭалҳәоит иан, Иулиа Фадеева.

Ан лажәақәа рыла аԥсихологцәа шәарҭа ыҟам, аамҭа цар ацәажәара далагоит ҳәа рарҳәеит. Фышықәса анихыҵ ацхыраагӡатә школ ахь дрышьҭит. Абраҟоуп иахьеилкаахаз Манучар ацәажәара ацәыуадаҩра адагьы аинформациа идкыларагьы шицәыцәгьаз. Адиагноз ықәдыргылеит 2017 шықәса рзы.

"Ииасыз ашықәс азы ашкол ахь иааз аҳақьымцәа диагнозны иқәдыргылеит— аутизм. МРТ ҟаҳҵеит. Уи иаҳнарбеит ахәыҷы ихаҿы ачыра шыҟоу. Иахьазы уи шәарҭам аха аҽанаԥсахуа уздырӡом. Уажәы иара Москваҟа дгатәуп, дыҭҵаатәуп. Уи аиԥш алшара ҳамам", — лҳәеит ан.

Манучар ииҳәарц ииҭаху апластилин иалихуа асахьақәа рыла иуирдыруа далагеит.

"Афигура хәыҷқәа ҟаиҵоит. Еиҳарак игәаԥхоит адракон хәәыҷқәа. Ашкол аҿгьы иусумҭақәа ӡырыргахьеит" ҳәа еиҭалҳәоит ан.

Альберт Урусиан 11 шықәса ихыҵуеит. Сынтәа аԥшьбатәи акласс ахь дцоит. Иара аспорт бзиа ибоит, еиҳаракгьы ашьапылампыл. Уи агәазыҳәара алшахарц азы иара Москва аҽыхәышәтәра дахысроуп.

Манучар иеиԥш Альбертгьы ичыммазара иаразнакы аҽаанамырԥшӡеит. Хәышықәса анихыҵуаз иаалырҟьаны иԥсы маҷхеит, иарма напи ишьапи ицрыӡааит. Шәачатәи ахәыҷтәы хәышәтәырҭаҿы ирҳәеит ахшыҩ ҩныҵҟатә гиматома имоуп ҳәа.

Михаил Рейман
© Фото : из личного архива

Ахәыҷы изныкымкәа Москваҟа хәышәтәра ҳәа дыргахьеит.

"Амассажқәеи алазертә операциеи рышьҭахь еиҳа деиӷьхеит. Уажәы ишьапы иҵишьӡом, аха иааиԥмырҟьаӡакәа ахәышәтәрақәа мҩаԥгалатәуп" — лҳәеит аҷкәын иан Алла Атматиан.

Сынтәа иара Бурденко ихьӡ зху ахәышәтәырҭахь дгатәуп, уи азы иаҭахуп 80 нызқьмааҭ аԥара. Арҭ аԥарақәа ирылшоит ахәыҷы игәаҳәара, ашьапылампыл асра аԥсҭазаараҿ аларҵәара.

Агәыҳалалратә фонд "Ашана" ихацнаркит Манучар Чантуриеи Альберт Урусиани рыхәышәтәразы аԥареизгара. Заԥхьаҟа испортсменхашеи искульпторхашеи арҭ ахәыҷқәа ауаа зегь реиԥш иҟазаарц азы еизгатәуп 175 нызқь мааҭ.

Ацхыраара алшоит СМС ала ажәа ДОБРО ма DOBRO ашьҭрала, абри аномер ахь: 5050. СМС ахәԥса — 20 мааҭ.

Иара убасгьы иалшоит ахархәара амазарц амаҵзура "Перенос баланса" – "Благотворительность", (*147* ииауго аԥара#).

20
Атемақәа:
Ҳаидгыланы аԥсҭазаара еиқәҳархап (57)

Аԥсны даҽа 73-ҩык акоронавирус рыдырбалеит, ҩыџьа рыԥсҭазаара иалҵит

4
(ирҿыцуп 21:13 31.10.2020)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 4233-ҩык ыҟоуп. Урҭ рахьтә ргәы бзиахеит 2267-ҩык, рыԥсҭазаара иалҵит 42-ҩык.

АҞӘА, жьҭаара 31 - Sputnik. Иҳаҩсыз уахыки-ҽнаки рыла COVID-19 зцәа иалоу реилкааразы атестқәа 367 ҟаҵан, урҭ рахьтә акоронавирус аарԥшын 73 тест рҟны ҳәа аанацҳауеит Аԥсны ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 132-ҩык ауааԥсыра, урҭ рахьтә 114-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 23-ҩык, ибжьаратәуп - 27-ҩык, илҩаауп жәаҩык апациентцәа. Аҟәа асасааирҭа "Аиҭар" ашҭаҿы иаадыртыз амобилтә госпиталь аҟны ишьҭоуп акоронавирус зыдбалоу 60-ҩык апациентцәа. 57-ҩык рҭагылазаашьа бжьаратәуп ҳәа иԥхьаӡоуп, хҩык рҭагылазаашьа бааԥсуп.

Аоперштаб иара убас иаанацҳаит жьҭаара 31 рзы Аҟәа асасааирҭа "Аиҭар" аҟны иаарту урыстәылатәи хырхарҭарацәалатәи агоспиталь аҟны акоронавирус злаз ҩыџьа рыԥсҭазаара ишалҵыз.

Иԥсҭазаара далҵит COVID-19 ззышьақәырӷәӷәаз 1934 шықәса рзы ииз апациент. Иара ҩганктәи аполисегментартә гәыҵәкра ӷәӷәала илаҽны дыҟан. Иҭагылазаашьа акыр ибааԥсын. Жьҭаара 31 ашьыжь иара иԥсҭазаара далҵит игәы-шьадатәи иԥсыԥлагаҩагаратәи зымхара иахҟьаны.

1942 шықәсазы ииз COVID-19 ззышьақәырӷәӷәаз апациенткагьы жьҭаара 31 рзы лыԥсҭазаара далҵит. Лара ахәышәтәырҭанҭыҵтәи ҩганктәи асубтоталтә полисегментартә гәыҵәкра лыман, иара убас егьырҭ асоматикатә чымазарақәагьы лцәа иалан.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

  • Акоронавирус иазку ажәабжьқәа зегьы шәрыԥхьар ҟалоит абра>>
4
Атемақәа:
Ачымазара ҿкы – акоронавирус Аԥсни адунеи аҿи: иалкаау

Сангәлиа аԥсуа сериал "Алахьынҵа" азы: ҳазыԥшымызт ас ауаа ирыдыркылап ҳәа

7
Аԥсуа бызшәа аҿиара иазырхоу апроект ала имҩаԥысуеит асериал "Алахьынҵа" аҭыхрақәа. Апроект автор, арежиссиор-ақәрыгылаҩ, Саид Сангәлиа арадио Sputnik аефир аҿы еиҭеиҳәеит гәыԥҩык аҿар асериал аҭыхра шаԥшьыргаз атәы.
Сангәлиа аԥсуа сериал "Алахьынҵа" азы: ҳазыԥшымызт ас еиԥш ауаа ирыдыркылап ҳәа

"Аинтернет сериал аԥҵара схала исмыӡбеит, дсыцхрааит Мран Алҭеиба. Апроект иаалырҟьан иӡбоу ак акәӡам, акыраамҭа ҳазнеиуан. Ибзиангьы еилаҳкаауан ауадаҩрақәа рацәаны ҳшызцәырҵуаз, еиҳарак атехника аганахьала. Ҟәрышьқәак ааилаԥсаны иааҳхәеит амикрофонқәа уҳәа зыда ԥсыхәа ыҟам атехника. Иара ҳбызшәала иҭҳажьырц ҳҭахын, избанзар, аԥсшәа аӡыргара иацхраауеит. Асериал арԥыси аҭыԥҳаи рыбзиабара иазкуп. Сериак 5-7 минуҭк раҟара ицалоит, х-сезонк рыла ишьақәгылазаауеит, сезонк аҿы жәа-сериак ҟалоит. Асериал асоциалтә даҟьақәа рҿы уахәаԥшыр улшоит. Уаҟа ихәмаруа актиорцәа аҟазара злоу, абызшәа бзианы издыруа роуп, иҟоуп аҿар, хымԥада, аҟазара злоу, аха рбызшәа хьысҳауп, убри аҟнытә иаҳа иззымариоу аалаҳхын, аҭыхрақәа ҳрылагеит", - ҳәа еиҭеиҳәеит Сангәлиа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

7