Наала Авидзба

Аҩӡыԥҳа: аԥыза-министр иҭахара амҩатә машәыруп изыхҟьа, ишьразы ҽазышәара ыҟамызт

63
(ирҿыцуп 18:45 09.09.2018)
Аԥсны аԥыза-министр Геннади Гагәылиа дышҭахаз азы аинформациа шьақәдырӷәӷәеит Аминистрцәа Реилазаара апресс-маҵзураҿы.

АҞӘА, цәыббра 9 – Sputnik. Аԥсны Ахада ипресс-маӡаныҟәгаҩ Наала Аҩӡыԥҳа Аԥыза-министр иҭахара амҩатә машәыр ауп изыхҟьаз, иԥсҭазаара ашәарҭара аҭаргыларазы ҽазышәара ыҟамызт ҳәа ахылҳәааит ҳәа аанацҳауеит РИА Новости.

"Арыцҳара ҟалеит амҩатә машәыр иахҟьаны иарбанызаалак аҽа мзызк ыҟаӡам", — лҳәеит лара.

Аԥсны аԥыза-министр Геннади Гагәылиа иԥсҭазаара далҵит 71 шықәса дшырҭагылаз, амҩаду "Ԥсоу-Аҟәа"  иҟалаз амашәыр иахҟьаны, цәыббрамза 8, асааҭ 23:10 рзы ҳәа аҳәоит Аминистрцәа Реилазаара асаит.

Геннади Гагәылиа Аԥсны ахада Рауль Ҳаџьымба дызхагылаз аԥсуа делегациа дахәҭакны Шьамтәыла официалла даҭааны дыҟан.

Гагәылиа Геннадии Леонид-иҧа диит ажьырныҳәа 4, 1948 шықәса рзы Гәдоуҭа араион Лыхны ақыҭан.

1972 шықәса рзы далгеит Белоруссиатәи Аполитехникатә Институт, анџьныр-аргылаҩ изанааҭ иманы.

11.1972-04.1973 шш. рзы — Қырҭтәылатәи АССР Аргылара Аминистрра Гәдоуҭатәи СУМ, атрест №16 аҟны аус иуан.

04.1973-06.1974 шш. рзы — Қырҭтәылатәи АССР Аргылара Аминистрра Гәдоуҭатәи СУМ, атрест №16 аргылаҩцәа реиҳабы.

06.1971-09.1976 шш. рзы — ҚССР Аргылара Аминистрра Гәдоуҭатәи СУМ атрест №16, еиҭаҵуа амеханизмтә еишьҭагыла №144 анџьныр хада.

10.1976-03.1977 шш. рзы — ҚССР Аргылара Аминистрра Гәдоуҭатәи СУ-4 атрест №16, адгьылҭыҧ №18 аргылаҩ еиҳабы.

08.1977-09.1986 шш. рзы — аӡиа Риҵа азеиҧшкрыфарҭатә Комбинат адиректор ихаҭыҧуаҩы.

09.1986-09.1991 шш. рзы — Гәдоуҭатәи РАИПО анапхгара ахантәаҩы.

09.1991-06.1992 шш. рзы — Аҧсны АССР Аминистцәа Реилазаара адәныҟатә економикатәи ареспубликақәа рыбжьаратәи аимадара Аҳәынҭқарратә Комитет Ахантәаҩы.

06.1992-12.1992 шш. рзы — Аҧсны Аҳәынҭқарра Аминистрцәа Реилазаара аҿы адәныҟатәи аекономикатә еимадарақәа рзы Аҳәынҭқарратә комитет ахантәаҩы инапынҵақәа наигӡоит.

12.1992-12.1993 шш. рзы — Аҧсны Аҳәынҭқарра Аминистрцәа Реилазаара Ахантәаҩы ихаҭыҧуаҩ, адәныҟатәи аеконимикатә еимадарақәа ркомитет ахантәаҩы.

12.1993-01.1995 шш.рзы — Аҧсны Аҳәынҭқарра Аминистрцәа Реилазаара Ахантәаҩы ихаҭыҧуаҩ, адәныҟатәи аеконимикатә еимадарақәа ркомитет ахантәаҩы.

01.1995-04.1997 шш. рзы — Аҧсны Аҳәынҭқарра Аҧыза-министр.

03.2002-11.2002 шш. рзы — Урыстәыла Афедерациа Аҳәынҭқарратә Дума адепутат ицхырааҩ.

2002-2003 шш. рзы — Аҧсны Аҳәынҭқарра Ахәаахәҭра-Ааглыхратә Палата Ахада.

12.2003-2004 шш. рзы — Аҧсны Аҳәынҭқарра Аҧыза-министр.

07.12.2002-04.2003 шш. рзы — Аҧсны Аҳәанҭқарра Ахада Ихадара Анапхгаҩы.

2004 инаркны 2018 шықәсанӡа Аҧсны Аҳәынҭқарра Ахәаахәҭра-Ааглыхратә Палата Ахада.

Аԥсны аԥыза-министрс дҟаҵан 2018 шықәса мшаԥымза 24 рзы.

63
Атемақәа:
Аԥсны аԥыза-министр Геннади Гагәылиа иҭахара (37)