Игрок в футбол

Аԥснытәи ашьапылампыл асыҩцәа казантәи "Рубин" аҟны ихәмарлоит

13
(ирҿыцуп 11:29 14.09.2018)
Аԥснытәи ашьапылампыл асыҩцәа Гарри Лагәлааи Аксенти Чалигааи – аҟәатәи ашьапылампылтә клуб "Динамо" аҟны ихәмаруеит.

АҞӘА, цәыббра 14– Sputnik, Бадри Есиава. Ашьапылампылтә клуб "Рубин" аҟны ахәмарра иалагоит 2004 шықәса рзы ииз аԥснытәи ашьапылампыл асыҩцәа Гарри Лагәлааи Аксенти Чалигааи ҳәа Sputnik акорреспондент изеиҭеиҳәеит аҟәатәи ашьапылампылтә клуб "Динамо" азыҟаҵаҩ Максим Никитски.

"Ҳааӡамҭацәа ашьапылампылтә клуб "Рубин" аҟны ахәмарра иалагоит. Уи шыҟалаз абас ауп: Ставрополь атурнир алагамҭаз аҭел дысзасит гәдоуҭатәи "Риҵа" азыҟаҵаҩ Рафаель Адлеиба, дсыҳәеит икоманда арӷәӷәаразы ҩыџьа аспортсменцәа исҭарц. Сара идызгалеит Гарри Лагәлааи Аксенти Чалигааи", — ҳәа еиҭеиҳәоит Никитски.

Ставропольтәи атурнир далахәын аклуб "Рубин" азыҟаҵаҩ. Иара аԥснытәи ашьапылампыл асыҩцәа аликааит, акомандахь инеиԥхьеит.

Гарри Лагәлааи Аксенти Чалигааи ашьапылампыл асра иалагеит 2010 шықәса рзы.

13

Латипов Егры аҳәаа аамҭала аартразы: ҳтәылауаа ринтересқәа рыхьчара иазырхоуп

15
(ирҿыцуп 18:52 13.07.2020)
Аԥсны ашәарҭадаратә маҵзура ахантәаҩы ихаҭыԥуаҩ, аҳәаахьчаратә маҵзура аиҳабы Рустам Латипов арадио Sputnik аефир аҿы еиҭеиҳәеит Аԥсни Қырҭҭәылеи рҳәааҿы аамҭалатәи акоридор аус шауа атәы.
Раионк аԥсҭазаараҟынтә: Латипов Аԥсныи-Қырҭтәылеи рҳәаа аамҭала аартра иазкны

"300-ҩык инареиҳаны иахьа еиуеиԥшыма амзызқәа ирыхҟьаны Қырҭтәыла иҟоуп. Асааҭ 9 инаркны асааҭ 15:00 рҟынӡа иахьатәи аамҭа иалагӡаны аҳәаа иахысхьеит 70-ҩык инареиҳаны. Урҭ рахьынтә иҟоуп згәамбзиара иахҟьаны ицазгьы, аха ус еиԥш иҟаз хәҩык роуп, аиҳараҩык уахьынтә иаауа Гал иқәынхо, еиуеиԥшым азҵааракәа рыла Қырҭтәыла инанагаз роуп. Уа дыҟан аҵара зҵо, аԥсра иақәшәаз, зҭаацәа збоит ҳәа ицаз уҳәа. Хынтә иаартыз акоридор иабзоураны 1500-ҩык инареиҳаны рыҩнқәа рахь ихынҳәит. Ари аҭагылазаашьа ауааԥсыра гәахәарыла ирыдыркылоит, ҳтәылауаа ринтересқәа рыхьчаразы Аԥсны атәыла анапхгара ари аус анагӡара хымԥадатәны иахәаԥшуеит", – ҳәа азгәеиҭеит Латипов.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

 

 

15

Акоронавирус змаз ҩыџьа апациентцәа Гәдоуҭатәи ахәышәтәырҭа илрыҩаараны иҟоуп

14
(ирҿыцуп 18:41 13.07.2020)
Аҵыхәтәантәи уахыки-ҽнаки рыла Аԥсны акоронавирустә инфекциа амазааразы агәаҭара иахысит 36-ҩык ауааԥсыра.

АҞӘА, ԥхынгәы 13 - Sputnik. Гәдоуҭатәи ахәышәтәырҭаҟны ишьҭоу акоронавирус зцәа иалаз акурсантцәа ҩыџьа аҩашаҽны, ԥхынгәы 14 рзы рылҩаара иаздырхиоит ҳәа адырра ҟанаҵоит Ауааԥсыра акоронавирус рацәыхьчаразы аоперативтә штаб.

Ари амш иалагӡаны агәаҭара иахрыжьыз 36-ҩык рҟынтә аӡәгьы иҿы акоронавирус  шьақәырӷәӷәамхеит

Иахьазы Аԥсны зынӡа акоронавиурс рыдырбалахьеит 38-ҩык. Урҭ рахьтә ҩыџьа макьанагьы Гәдоуҭатәи ахәышәтәырҭа иҭоуп, 35 ргәы бзиахеит, аӡәы лыԥсҭазаара далҵит.

Адунеизегьтәи агәабзиарахьчаратә еиҿкаара аҵыхәтәантәи адыррақәа рыла, адунеи аҿы ишьақәдырӷәӷәахьеит 12,5 миллион хҭыс инареиҳаны, рыԥсҭазаара иалҵит 561 нызқьҩык инарзынаԥшуа.

Акоронавирус иазку ажәабжьқәа зегьы шәрыԥхьар ҟалоит абра>>

14
Атемақәа:
Ачымазара ҿкы – акоронавирус Аԥсни адунеи аҿи: иалкаау