Укладка нового асфальта на улице Адлейба в Сухуме

Арӡынба имемориал ахь уназго амҩа аремонт мчыбжьык ашьҭахь ихыркәшахоит

17
(ирҿыцуп 16:35 14.09.2018)
Ҩымчыбжьа раԥхьа иалагеит Адлеиба имҩа аремонт азура. Амҩа ахышәа-ҵышәа 8 километрак иҟоуп.

АҞӘА, цәыббра 13 – Sputnik, Бадраҟ Аҩӡба. Владислав Арӡынба Имемориал ахь уназго, Адлеиба ихьӡ зху амҩа аиҭашьақәыргыларатә усурақәа хыркәшахоит мчыбжьык анаҩс аҳауатә ҭагылазаашьақәа иаҳнаҭыр, ҳәа иҳәеит Sputnik аинтервиу анеиҭоз ДСК "Гудаута" апрораб Батал Аргәын.

"Иахьазы 6 километрак рҟынӡа акаҭран ықәаҳҵахьеит. Аусурақәа ианаамҭоу рхыркәшаразы иахәҭаны иҟоу атехникала ҳаиқәшәоуп", — иҳәеит иара.

Апрораб иажәақәа рыла амҩа еиҟаратәны акаҭран ықәырҵоит.

"Акаҭран аҿыгҳара 5 сантиметрак иҟоуп, амҩа аҭбаара 12 — 14 метра инаӡоит", — иҳәеит Батал Аргәын.

Мышкы ахы-аҵыхәала аусуцәа 700 — 800 тонна акаҭран ықәырҵоит.

Адлеиба имҩа аремонт азуразы аӡбра рыдкылан Аминистрцәа Реилазаараҿы ԥхынгәы 26 2018 шықәса рзы. Амҩа аура 8 километрак иҟоуп.

17