ОВНА

Аибашьра аветеран: минуҭкгьы ҳгәы камыжькәа Аҟәа агаразы ҳақәԥон

28
(ирҿыцуп 18:27 18.09.2018)
Леон Иорден занашьоу аибашьра аветеран Адгәыр Басариа игәалаиршәеит Аҟәа ахақәиҭтәра амшқәа.

Sputnik

- Иугәалауршәар сҭахын 25 шықәса раԥхьа арҭ амшқәа рзы имҩаԥысуаз ахҭысқәа…

— 120-ҩык злаз аҟәатәи абаталион ҵаҟатәи ацҳа ала ҳҿынаҳхеит. Ацҳа ҳанықәс анаҩстәи амҩа итҟәаны иҳамаз ақырҭуа иаҳирбон, избанзар уаҟа ирацәаны артҟәацгақәа адгьыл иҵан, Учхозынӡа неишьа амаӡамызт. Иара ҳманшәаланы аҭыԥ аҟынӡа ҳнеигар ахақәиҭра дақәҳаргәыӷит, ус иагьыҟаҳҵеит. Аибашьраҿы ус иҟалалоит. Абџьаршьҭыхла ҳшеиҿагылазгьы зны-зынла аԥсуааи ақырҭқәеи наҟ-ааҟ ҳаиҿатәаны ҳанцәажәалозгьы ыҟан. Ашамҭазы ҳара Учхоз ҳгеит. Ауха маҷк ҳаԥсы неиҭаҳкырц аҩнеихагыла аҵаҟа ҳаныԥхьа ақырҭқәа ҳақәлеит. Аха зегьакоуп, иаҳаулакь шьыжьынӡа дара ықәаҳцеит. Ҩымшҟа уа ҳаҟан. Анаҩс быжьҩык-ааҩык Массиви Учхози рыбжьара ҳагәылалеит. Избанзар амҩа алхтәын, игәаҭатәын ҳазцо ҳзымцо. Дҵас иҳамаз уаҟа ахырӷәӷәарҭа аанкыланы ажәылара ахахьы агара акәын. Уаанӡа ҳара ҳтәқәа шьхала илбаауан. Ақырҭқәа уахьынтәи ҳжәылозшәа дҳарбон. Ҳахьнеиз хеихагылак змаз аҩны аҟнытә ҳаихсра иалагеит. Ҩ-пулемиотк ҩ-етажк рҟынтәи амца ҳажәырҵеит. Дареи ҳареи жәабаҟа метра ракәын иҳабжьаз, аха ҳара иаҳаулакгьы уи аҩны агара ҳалҳаршеит. Ҳара ҳтәқәа уи аҩны шаҳгаз рыздырӡомызт аҟнытә ҳашьҭахьҟала ҳаихсра иалагеит.

Адгәыр Басариа иҿцәажәара шәазыӡырҩыр ҟалоит абра>>

Зынӡа хыҩнык ыҟан. Убас иалҵит, ҳара ақырҭқәа рыгәҭа ҳабжьалеит, ҳрыхҭыгәлеит ҳәа ҳҳәаргьы ҟалоит. Аҩнқәа рыхԥагьы аанкыланы актәи аҟынтәи амҩахь ҳхысуан, аҩбатәи аҟынтәи аихамҩахь ҳхысуан, ахԥатәи аҟынтәи ҳашиашо ҳхысуан. Ус ҳа ҳтәқәагьы ҳахьӡеит. Ԥшьымш уа ҳаҟанаҵы аӡәы абџьар ма афатә неигартә иҟамызт аҭагылазаашьа. Ааигәа-сигәа иҟаз ашәыр ҳаԥшаауан, амандарин шиаҵәаз иаҳфон, убри ҳҽалаҳагӡон. Аӡыцқьа ҳазҭодаз, ӡытҟәак ҳаԥшаар амарлиа ала ихрыцқьаашәа иаҳжәуан. Ҳахьыҟаз аҩнқәагьы рбылит, аҩны аҵаҟа ҳцәыцатәаны ҳаибашьуан. Ҳара ҳтәқәа уи аамҭазы Учхоз ахырӷәӷәарҭа ааныркылеит. Дареи ҳареи 100-150 метра ҳабжьан. Аҭыԥ шааигәазгьы уаанӡа анеира хымш ҳаҭаххеит.

- Аӡы шәымамызт, аџьаԥҳаны шәымамызт, амла шәакуан… Убри аамҭазы шәанеицәажәоз шәыҩнуҵҟатәи аҭагылазаашьа шԥаҟаз?

— Имаҷӡаны ҳцәажәон. Ари аҩыза ашәарҭара ахьыҟоу ажәада уеилибакаауеит. Минуҭкгьы ҳгәы камыжькәа Аҟәа агаразы ҳақәԥон. Мчыбжьык ашьҭахь уаантәи Массив ҳцеит. Уаҟагьы ҩымш ирылагӡаны ақырҭцәа зегьы ықәаҳцеит. Ари ажәылараҿы 18 ҩык ҳацәҭахеит, 60 ҩык раҟара ахәрақәа роуит. Зеиԥшла иуҳәозар, 120 ҩык ҳахьыҟаз, ҳаибга-ҳазҩыда ҳалҵит 20-ҩык раҟара. Ас ҳанмаҷха, азнык азы ҳаҵахозшәагьы ҳгәы иабеит, уи ацәанырра ахаан исхамышҭуа акоуп. Ҳхынҳәны ҳанцоз ҳашьцәа аӡәы даанмыжькәа зегьы алаҳгеит. Усҟан иаҳбеит дара рхыԥхьаӡарагьы шырацәаз. Анаҩс уаантәи арезерв гәыԥқәа жәыларада Моиакынӡа инаӡеит.

28

Гәымԥҳа: COVID-19 адунеи зегьы иалаҵәеит, иҳамчу - хәыҷык акрычҳара аарԥшроуп

5
(ирҿыцуп 18:52 03.08.2020)
Амилаҭтә туристтә еилахәра аусзуҩ, аекскурсиа амҩаԥгаҩ Алиса Гәымԥҳа арадио Sputnik аефир аҟны еиҭалҳәеит апандемиа аамҭазы русураҟны изықәныҟәо аԥҟарақәа ртәы.
Гәымԥҳа: COVID-19 адунеи зегьы иалаҵәеит, иҳамчу-хәыҷык акрычҳара аарԥшроуп

"Атуризм азы аминистрра аҟынтәи аԥҟарақәа ҳзаарышьҭит ф-пунктк рыла ишьақәгылоуп. Уаҟа иаҳәоит асабрадақәа, анапҭарԥақәа ныҟәаҳгар шакәу, насгьы ацқьара аԥҟарақәа ишрыцклаԥштәу, аекскурсиа амҩаԥгаҩ COVID-19 асимптомқәа аԥсшьаҩы иныибаалар амедицинатә усҳәарҭахь днаигар шаҭаху, аҭакԥхықәра ду ааирԥшыр шакәу. Сгәаанагарала, урҭ аԥҟарақәа рҿы иаҳзынамыгӡо ҳәа акгьы анӡам. Ачымазара ҿкы адунеи зегьы иалаҵәаз ауп, иҳамчу –хәыҷык акрычҳара аарԥшроуп", - лҳәеит Гәымԥҳа.

Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

5

Баҭал Чежьиа WBC аверсиала адунеи ачемпион ититул азы деисраны дыҟоуп

7
(ирҿыцуп 18:45 03.08.2020)
Нанҳәа 15 рзы Шәача, Гәбаа адәаҿы имҩаԥысраны иҟоуп абокс азы ашоу Адунеизегьтәи абокс азы ахеилак 58 аконвенциа аҳәаақәа ирҭагӡаны. WBC аверсиала адунеи ачемпион ититул азы еисараны иҟоуп.

АҞӘА, нанҳәа 3 – Sputnik, Ренат Ԥачалиа. Аԥснытәи абоксиор Баҭал Чежьиеи Урыстәылатәи абоксиор Сергеи Кожухари WBC аверсиала адунеи ачемпион ититул азы еисараны иҟоуп.

Баҭал Чежьиа аинформациатә маҵзура Sputnik адырра аиҭеит аиндаҭлараҿы аиааира игар иреитинг акыр ишхало.

"Атурнир аиҿкааҩцәа руаӡәк, сызцықәгыло именеџьерцәа иреиуоу аҭел дысзасит, исирдырит аиндаҭлара арыцхә, аԥҟарақәа. Скомандеи сареи иҳаӡбеит ҳҽалаҳархәырц. Мышқәак ааҵуаны аилаӡара аарышьҭит, снапы аҵазҩит", - иҳәеит Чежьиа.

Аԥснытәи абоксиор Баҭал Чежьиа адунеитә реитинг аҿы 152-тәи апозициаҿ дыҟоуп, Урыстәыла иреиӷьу ажәаҩык дрылахәуп. Ицықәгыло Сергеи Кожухарь адунеи иреиӷьу 89 боксиор дреиуоуп, Урыстәыла иреиӷьу ахәҩык дрылахәуп.

Чежьиа иажәақәа рыла аиааира игар иреитинг акыр иҳаракхоит.

Баҭал Ҷежьиа – ажурнал "Про Бокс" аверсиала ИАРи Аславиан тәылақәеи дырчемпионуп, иахьазы жәантәтәи иқәгыларақәа рҟынтәи жәынтәы иааирала ихиркәшахьеит.

7