Советский футболист, полузащитник Виталий Кухинович Дараселия (1957-1982) (справа). Фото из коллекции Нино Мелия.

Алегенда №6, аиааиҩы имҩа: Витали Дараселиа игәаларшәара аҳаҭыраз

12
(ирҿыцуп 15:36 11.10.2018)
Еицырдыруа аԥсуа шьапылампыласыҩ, 1981 шықәса рзы Ахраҿақәа Рыхраҿа афиналтә хәмарраан анемец клуб "Карл Цейсс" амба аиааиратә мпыл ҭазыршәыз Витали Дараселиа диит 1957 шықәса, жьҭаара 9 рзы.

Бадраҟ Аҩӡба, Sputnik

Заԥхьаҟа аԥсуа шьапылампыл еиԥш асовет шьапылампыл зегьы ахьӡ ҭызгараны иҟаз Витали Дараселиа иқалақь гәакьа Очамчыра ихәмаррақәа хациркит быжьшықәса данырҭагылаз. Иара убри аамҭазы ахәмарра далагеит заԥхьаҟа аҟәатәи ашьапылампылтә клуб "Динамо" азыҟаҵаҩс иҟалашаз Иури Логәуагьы.

"Виталии сареи ҳаиқәлацәан. Ҳаԥсҭазаараҿ ашьапылампыл мацара акәӡам ҳаидызҳәалаз. Ҳаицәыхарамкәан ҳанхон. 3-4 шықәса анаҳхыҵуазгьы ҳаибадырхьан", — ҳәа еиҭеиҳәоит иара.

Витали Дараселиа Аԥснытәи АССРи Қырҭтәылатәи ССРи рҟны зҽаԥсазтәыз азыҟаҵаҩ Бондо Какәбаа диҵаҩын.

"Виталии сареи очамчыратәи "Амирани" аҿы ҳаицыхәмаруан. Виталик Дараселиа — дысҩыза гәакьаны дшыҟаз даанхеит аамҭақәак рышьҭахь иара қарҭтәи "Динамо" аҿы, сара аҟәатәи "Динамо" аҿы ахәмарра ҳаналагагьы. Даара ҳаиҩызцәа бзиан", — ҳәа игәалаиршәоит Логәуа.

Иури Логәуа еиҭеиҳәоит Витали ашьапылампыл абзиабара иаамҭа зегьы ақәирӡуан ҳәа.

"Шьыжьы инаркны хәлаанӡа ампыл даслар илшон. Ҳаргьы уи ҳадихалон. Саргьы ашьапылампыл бзиа иахьызбоз иахҟьаны ҳаамҭа еицаҳхаагон", — ҳәа азгәеиҭоит Логәуа.

Полузащитник тбилисской команды Динамо Виталий Дараселия (справа) спорит с арбитром во время футбольного матча
© Sputnik / Дмитрий Донской
Полузащитник тбилисской команды "Динамо" Виталий Дараселия (справа) спорит с арбитром во время футбольного матча

Очамчыратәи "Амирани" аҿы адагьы Витали Дараселиеи иури Логәуеи Аԥсны еизго ақәыԥшцәа ркомандази Қырҭтәыла еизго акомандази еицыхәмаруан. Витали аханатәгьы далыркаауа иалагахьан. Убас, Луганск имҩаԥысуаз атурнир "Кожаный мяч" аҿы ахԥатәи аҭыԥ ааникылеит.

Агәаларшәара иаԥсаны Логәуа дахцәажәоит аҟәатәи "Динамои" еревантәи "Арарати" реицыхәмарра.

"16- 16 шықәса ҳхыҵуан еревантәи "Арарат" Аҟәаҟа ахәмарраҳәа ианааз. Дара уи аамҭазы СССР ачемпионати атәыла Ахраҿеи рҟны аиааира ганы иҟан. Аспорт азҟаза ду Грамматикопуло, аҟәатәи "Динамо" ахь ҳнеиԥхьеит. Ахәмарра еиҭахарыла, 2:2 ҳәа ихыркәшахеит. Ахааназ сгәалашәараҿы ианхеит", — иҳәоит иара.

Қырҭтәыла ачемпионат Витали Дараселиа далахәхеит 1974 шықәса рзы. Амба 20 мпыл ҭаиршәит асезон азы. Абри ашьҭахь аԥеиԥш рымоуп ҳәа ирыԥхьаӡаз аспортсменцәа алкааны Қарҭҟа иргеит. Виталигьы далкаан усҟантәи акоманда "Динамо" аиҳабы Нодар Ахалкаци иҭаххарала. Витали қарҭтәи "Динамо" аҿы ахәмарра далагеит.

Советский футболист, полузащитник Виталий Кухинович Дараселия (1957-1982) (справа). Фото из коллекции Нино Мелия.
© Sputnik / фото из коллекции Нино Мелия
Советский футболист, полузащитник Виталий Кухинович Дараселия (1957-1982) (справа). .

"Исҳәар сылшоит Витали иқәҿиарақәа иус дахьацәымаашьоз иалҵшәахеит ҳәа. Ахьӡ ду иман Ахрик Цвеибагьы. Уигьы аџьа абзиабароуп илзыршаз. Аҟыбаҩ 5 процентк улазар, 95 процент аџьа убароуп. Усҟан ауп ухьӡ анҭырго", — ҳәа агәрахаҵара имоуп Иури Логәуа.

1975 шықәса рзықарҭаа ркоманда далахәны СССР ачемпионат аҿы дықәгылеит Витали. Ташкенттәи "Пахтакори" қарҭтәи "Динамои" еицыхәмаруан астадион "Локомотив" аҿы.

Ахәмарра еиҭахарыла ихыркәшахеит. "Динамо" аҿы Витали Дараселиа афбатәи аномер ҳәа дыҟан. Акоманда 1976 шықәса рзы СССР Ахраҿаз ахәмарраан ахԥатәи аҭыԥ аиоуит. 1977 шықәса рзы "Динамо" аразны медал анашьахеит. 1978 шықәса рзы Витали Дараселиая акоманда алахәыла иҳасаб ала СССР дачемпионхеит.

Уаҩԥсык иҳасаб ала Виталиа дгәымшәаны, аиаша дадгылаҩны дигәалаиршәоит иҩыза.

"Ихы инаркны ишьапаҟынӡа аԥсуара илыжжуан. Аԥсназы иԥсы иҭиуан. Ипаспорт аҿгьы аԥсуа ҳәа данын. Иҟан Витали дқырҭуоуп ҳәа зҳәоз, аха уи ус акәмызт", — иҳәоит Логәуа.

Витали Дараселиа иҭаиршәхьаз ампылқәа ираҳхаз мпылны иҟалеит 1981 шықәсазы қарҭтәи "Динамои" анемец клуб "Карл Цейсси" реицыхәмарраан иҭаиршәыз ампыл. Афиналтә хәмарра анҵәара х-минуҭк шагыз Витали Дараселиа амба ампыл ҭаиршәит.

Уаанӡа 1:1 ҳәа иааиуан. Давид Кипиани иҟынтәи иоуз ампыл Витали Дараселиа анемеццәа рымба аҭаршәра илшеит.

"50-нтә рҟынӡа уи ахәмарра сахәаԥшхьеит. Усҟан иҟаз еиҭаҳәашьа амам. Ҳашҭа ду ажәлар рыла иҭәын. Зегьы "Динамо" аиааира азгәарҭон", — ҳәа еиҭеиҳәоит Логәуа.

Аԥхьатәи ампыл амба иҭаиршәит "Динамо" ахәмарыҩ Владимир Гуцаев, аиааиратә мпыл — Витали Дараселиа.

"Аӡәы ауаԥс, егьи аԥсуа. Ҳара усҟан зегь тәыла дук ҳаицатәын. Қарҭтәи "Динамо" аиааирагьы ҳара иаҳиааираны иаабон. Аамҭак ала "Динамо" аҿы усҟан ихәмаруан аԥснынтәи фҩык аспортсменцәа", — иҳәоит иара.

Витали Дараселиа фырхаҵак иеиԥш иԥылон.

"Виталик абырсааҭк ихьӡ шышьҭыҵызгьы иҽимԥсахӡеит. Дшыҟаз еиԥш ауаҩра илыжж даанхеит", — ҳәа азгәеиҭоит Иури Логәуа.

Витали Дараселиа –очамчыратәи ашьапылампылтә школ дааӡамҭоуп, 1978 шықәса рзы СССР дачемпионхеит, 1981 шықәсазы УЕФА Ахраҿа даиааиҩуп. "Динамо" Қарҭ аҟны дыхәмаруан (1975 —1982). 1978 шықәса рзы СССР ачемпион. 1981 шықәсазы УЕФА Ахраҿа аиааиҩы. Еизгоу СССР акоманда далахәны 22 хәмарра мҩаԥигеит, ампылқәа 3 ҭаиршәит.

Ԥхынҷкәын 13 1982 шықәсазы машәырла дҭахеит.

Советский футболист, полузащитник Виталий Кухинович Дараселия (1957-1982).
© Sputnik / фото из коллекции Нино Мелия
Советский футболист, полузащитник Виталий Кухинович Дараселия (1957-1982).
12