Арсалиаԥҳа амастер-классқәа рзы: акультуратә еинырра аформа ҿыцқәа иреиуоуп

© Sputnik / Бадрак АвидзбаВстреча Эльвиры Арсалия с российскими музыкантами
Встреча Эльвиры Арсалия с российскими музыкантами - Sputnik Аҧсны
Анапаҵаҩра
Аԥсны акультуреи аҭоурыхтә-культуратә ҭынха ахьчареи рминистр Ельвира Арсалиаԥҳа дырԥылеит П. И. Чаиковски ихьӡ зху Москватәи аконсерваториа амузыкантцәа.

АҞӘА, жьҭаара 11 – Sputnik, Бадраҟ Аҩӡба. Аԥсны акультуреи аҭоурыхтә-культуратә ҭынха ахьчареи рминистр Ельвира Арсалиаԥҳа П. И. Чаиковски ихьӡ зху Москватәи аконсерваториа амузыкантцәа рԥылараан, имҩаԥырго амастер-классқәа акультуратә еинырра аформа ҿыцқәа иреиуоуп лҳәеит.

Аминистр урыстәылатәи амузыкантцәа ҭабуп ҳәа ралҳәеит Аԥсныҟа иааны рдыррақәа ахьҳацеиҩыршо.

Ингәыштәыла акультуратә мшқәа Аԥсны - Sputnik Аҧсны
Ингәыштәыла акультуратә мшқәа Аԥсны

"Ҭабуп ҳәа шәасҳәар сҭахуп Аԥсныҟа шәааны шәдыррақәа ахьҳацеиҩыршо, уи аамҭа ахьазышәыԥшааз", — лҳәеит аминистр.

Лара иазгәалҭеит Аԥсныи Урыстәылеи ркультуратә сезонқәа ишрылахәыз еицырдыруа аколлективқәа.

"Акультуратә сезонқәа рҳәаа иҭакны аԥсныҟа иаахьеит еицырдыруа аколлективқәа жәпакы. Убас, нанҳәа 26 азы Аԥсны Ахьыԥшымра амш азхаҵараан ҳара иаҳҭан Пиатницки ихор, Лундстрем иоркестр ", — лҳәеит лара.

Амастер-классқәа рформа аинырра иацхраауеит ҳәа азгәалҭоит аминистр.

Жьҭаара 11 – 13 рзы имҩаԥгахоит П. И. Чаиковски ихьӡ зху Москватәи аконсерваториа амузыкантцәа рмастер-классқәа.

Жьҭаара 12 рзы Аԥснытәи аҳәынҭқарратә филармониаҿы афортепиано азы амастер-класс мҩаԥигоит П. И. Чаиковски ихьӡ зху Москватәи аконсерваториа амузыкант Станислав Иголински.

Жьҭаара 12 рзы К. В. Ковач ихьӡ зху Ахәыҷтәы музыкатә школ аҿы имҩаԥгахоит аскрипказ амастер-класс. Иара мҩаԥигоит П. И. Чаиковски ихьӡ зху Москватәи аконсерваториа амузыкант, апрофессор Владислав Иголински.

Ажәабжьқәа зегьы
0