Игор Кошин: Аԥсни Урыстәылеи русеицура ашьаҭа ӷәӷәа амоуп

© Sputnik / Томас ТхайцукИгорь Кошин
Игорь Кошин - Sputnik Аҧсны
Анапаҵаҩра
IX Аԥсны-Урыстәылатәи аусутә форум аатит апленартә еилатәарала ахәаша, жьҭаара 12 рзы. Афорум иалахәуп 400-ҩык рҟынӡа асасцәа.

АҞӘА, жьҭаара 12– Sputnik, Бадраҟ Аҩӡба. Аԥсни Урыстәылеи русеицура ашьаҭа ӷәӷәа амоуп, иҿиоит еиуеиԥшым ахырхарҭақәа рыла иҳәеит IX Аԥсны-Урыстәылатәи аусутә форум аартуа Нхыҵ Кавказ аусқәа рзы аминистр ихаҭыԥуаҩ Игорь Кошин.

IX Абхазо-российский деловой форум открылся пленарным заседанием - Sputnik Аҧсны
IX Аԥсны-Урыстәылатәи аусутә форум аусура иалагеит

"Аԥсни Урыстәылеи русеицура ашьаҭа ӷәӷәа амоуп. Араҟа 2008 шықәса рзы анапы зҵаҩыз аусеицуреи аиҩызареи, аицхыраареи рзы аиқәшаҳаҭреи 2014 шықәса рзы анапы зҵаҩыз аиҩызареи астратегиатә партниорреи рзы аиқәшаҳаҭреи рымацара рыдагьы ирацәоуп зыӡбахә уҳәаша", — иҳәеит иара.

Жәашықәса рыҩныҵҟа Аԥсни Урыстәылеи 100 инареиҳаны еиуеиԥшым аиқәшаҳаҭрақәа рнапы рыҵарҩит ҳәа азгәеиҭоит Кошин. Иара иҳәеит атәылақәа рыҩбагьы асоциалтә усхк аҿы аинырра ду шрымоу.

"Асоциалтә усхк иарбанызаалак аҳәынҭқарразы иҵаҵӷәуп. Аекономика узырҿиом асоциалтә ҭагылазаашьа анылаҟәу", — иҳәеит иара.

Урыстәыла ацхыраара аиҳарак иазырхоуп абиуџьет аусзуҩцәа рулафахәы, ауааԥсыра ртәанчахәы уҳәа. 2014 шықәса иадкыланы уахәаԥшуазар 2018 шықәса рзы аулафахәы 45 % ишьҭыҵит иҳәеит Кошин.

Аԥсны инхо 33 000-ҩык урыстәылатәи атәанчахәы роуеит. Аԥсны асоциал-економикатә ҿиара ацхраараз аинвистициатә программақәа (2015-2017 шш., 2017-2019шш.) атәыла аинфрструктуратә обиектқәа аҿиара рырҭеит иҳәеит иара.

"Ашколқәа, ахәыҷбаҳчақәа, аҵараиурҭақәа, агәабзиарахьчара аобиектқәа – ирацәоуп аԥсҭазаара ҿыц зауз", — иҳәеит иара.

Игор Кошин азхьаԥшра аиҭеит аԥсҭазаара ахаҭабзиарагьы абарҭ зегьы ирыдҳәаланы аҽшеиҭанакуа. Кошин далацәажәеит Аԥсны аенергодифицит ахҩаразы ишазырхо 770 миллион мааҭ. Урыстәыла Аԥсны ианаҭо адгылара иалнаршеит 400 рҟынӡа усурҭа ҭыԥ ҿыц раартра, ашәахтәқәа рыҳасаб ала 150 миллион мааҭ ареспублика абиуџьет ахь анеира.

"2009 — 2017 шықәсқәа рзы Урыстәылатәи афедерациа цхыраагӡак аҳасаб ала Аԥсны Аҳәынҭқарра иазнархахьеит 44,6 миллиард мааҭ", — иҳәеит Игор Кошин.

Убас: 2016 шықәса рзы Аԥсны иазоушьҭын 5,8 миллиард мааҭ, 2017 шықәса рзы – 6,9 миллиард мааҭ, 2018 шықәса рзы – 8,6 миллиард мааҭ.

Игор Кошин иазгәеиҭеит еиуеиԥшым ахырхарҭақәа рыла Аԥсны иазаашьҭу ацхыраара инадҳәаланы атәыла асоциал-економикатә ҿиара ԥхьаҟа ишцо.

IX Абхазо-российский деловой форум в Сухуме - Sputnik Аҧсны
IX Аԥсны-Урыстәылатәи аусутә форум аатит Аҟәа

IX Аԥсны-Урыстәылатәи аусутә форум аатит Аҟәа жьҭаара 12 рзы. Ауснагӡатә иаҭаауеит Нхыҵ Кавказ аусқәа рзы аминистр ихаҭыԥуаҩ Игор Кошин зхадараҿы дыҟоу Урыстәыла аделегациа, Урыстәыла афедерациа Ахеилак алахәылацәа, ДЖәР, ЛЖәР рекономика аминистрцәа, Ермантәылеи Сингапури рбизнесуаа.

Афорум аҳәаақәа ирҭагӡаны анапы рыҵаҩхоит ақыҭанхамҩа, амшынтәи атранспорттәи еимадара рзы аиқәышаҳаҭрақәа иара убасгьы акриптоиндустриаҿ иналукааша аилахәырақәа руак аиқәшаҳаҭра апроект анапы аҵанаҩуеит.

2018 шықәсазтәи аусутә форум аҿы имҩаԥгахоит астол гьыжь –аинформациатә технологиақәеи аинновацақәеи ртема иазку.

Афорум еиҿыркааит Аԥсны аекономика аминистрреи Урыстәыла аекономикатә ҿиара аминистрреи.

Ажәабжьқәа зегьы
0