Тенгиз Тарба

"Аҵарадырра змоу абиԥара" алеқциа мҩаԥысит Очамчыра

53
(ирҿыцуп 15:54 22.10.2018)
Апроект EducaTED GeneratiON (аҵарадырра змоу абиԥара) аҩбатәи алеқциа мҩаԥысит Очамчыра.

Аинар Ҷыҭанаа, Sputnik

Апроект EducaTED GeneratiON (аҵарадырра змоу абиԥара) аҩбатәи алеқциа мҩаԥысит Очамчыра, аспорт комплекс "Жемчужина" аиҿцәажәарҭатә уадаҿы. Алеқциа даԥхьеит афотограф, авидеограф, афонд "Ишьхатәылоу Аԥсны" ахада Ҭенгьыз Ҭарба.

"Ҳара ҳанқалақьуаахалак лассы-лассы иаҳхашҭуеит ҳакәша мыкәша иҟоу аԥсабара. Убри аҟнытә ҳара ҳахдырраҿы зҵакы ӷәӷәоу аилкаарақәа рыхәҭак ҳцәыӡуа ҳалагоит. Еиԥшымзаара амаӡам ауаҩы дызлацәажәо абызшәа, ара инхо дызмилаҭзаалакгьы аԥсуа культура дахәҭакуп", — иҳәеит Ҭарба.

Анаҩс иара дрылацәажәеит анкьа изықәныҟәоз аха ҳаамҭазы зымчхара маҷхаз ашьха ҵасқәа.

"Ашәышықәсақәа раԥхьа ашьха ихалоз ауаҩы, уа дахьынӡаҟаз еснагь Анцәа диацәажәозшәа ихы мҩаԥигон Убри алагьы ашәышықәсақәа ашьхараҿы изхызгаз абиԥарақәа иалкаау ашьха аҵасқәа шьақәдыргылеит. Иаҳҳәап мҿык ԥырҟозар, ма баша ӡаагараа инеиуазаргьы Еиҳа зымчу иажәақәа ирықәныҟәозшәа ргәы иабон. Урҭ аамҭақәа раахыс ҳаԥсҭазаара кыр ԥхьаҟа ицахьеит, аха урҭ аҵасқәагьы иргәыҵастәым. Избанзар урҭ аҵасқәа рыбзоурала ҳара еиҳа ирласны ҳашьхақәа ҭаҳҵаауеит, насгьы иаҳнарҵоит ахымҩаԥгашьа иаша. Ари даараӡа аинтерес зҵоу, ҳмилаҭ иахәарҭоу ԥышәоуп", — иазгәеиҭеит Ҭенгьыз Ҭарба.

Иара убас Ҭенгьыз еизаз аҿар ирзеиҭеиҳәеит ашьхараҿы аусура иацу ауадаҩрақәа. Насгьы иазгәеиҭеит уи алҵшәақәа ауаа зегьы еиуеиԥшымкәа ишрыдыркыло.

"Ҳара лассы-лассы иҳаҽԥнырҳәоит ашьхатәыла иԥшьоу ҭыԥуп, акьысра аҭахым ҳәа. Ус зҳәо ауаа ирхашҭзар ҟалап шәышықәса раԥхьа Аԥсны ашьхақыҭақәа рхыԥхьаӡара шәкы рҟынӡа ишынаӡоз. Иахьагьы афонд "Ишьхатәылоу Аԥсны" ашьха лассы-лассы иазыхынҳәлар, еиҳагьы иазхьаԥшлар аҭахуп, уи ахырхарҭа алагьы аусура бзиа мҩаԥнагоит. Иаҳҳәап аԥхынра ашьха азцаразы еиҳа иманшәалоуп, ашәарҭарагьы кыр еиҵоуп. Аӡынра даара ишәарҭоуп ашьха ацара, аԥышәа змоу ауаҩы дуцымзар. Аха рыцҳарас иҟалаз, ашьхатә шәарҭадара иазҟазоу ауаа иахьа шамахамзар иҳамаӡам. Шәареи ҳареи еицыҟаҳҵарц иҳалшо аусқәа ҳрылацәажәозар, зегьы иреиҳау хықәкыс иҳаргылозароуп ашьхатә шәарҭадара акәама-ҵамақәа здыруа апрофессионал иааӡара", — иҳәеит иара.

Ҳара ҳусура хықәкы хадас иамоуп аларҵәара зҭаху аидеиақәа рыԥшаара, иҳәеит Очамчыра аҿар реилазаара "I can" ахада Маҭе Ҵкәитариа — апроект шықәсыбжак ицалоит.

"Аханатәгьы ҳара ҳагәҭакқәа анцәыраҳга аспециалистцәа рацәаҩны адгылара ҳарҭеит. Ҳара ҳусмҩаԥгатәқәа ирыдҳаԥхьалоит егьырҭ араионқәа ирыҵаркуа аҿаргьы. Иаҳҳәап иахьагьы ҳара иаҳҭоуп Аҟәантәи, Галнтәи уҳәа асасцәа. Ҳара хықәкы хадас иҳамоуп еиуеиԥшым абиԥарақәа еимаданы зхы аус адулара зҭаху ауаа шырацәаҩу ашьақәырӷәӷәара. Убри аҟнытә досу игәы иақәшәо ахырхарҭаҿы адыррақәа ирҳарц азы ҳара ҳтематика еиуеиԥшымкәа аиқәыршәара ҳҽазаҳшәоит" — ҳәа азгәаиҭеит иара.

Апроект EducaTED GeneratiON мҩаԥнагоит аҿар реилазаара "I can". Уи хықәкы хадас иамоуп арҿиаратә еицәажәара амҩаԥгаразы аҭагылазаашьа аԥҵара, TED-Talks аформат иақәшәо.

TED-Technology, Education, Design (атехнологиа, аҵарааӡара, адизаин)- иҵоуроу апроблемақәа рылацәажәаразы есышықәса аиҿцәажәарақәа мҩаԥызго, аҟәрышь иадҳәалам еиҿкаароуп.

53
Заур Кишмария

Қьышьмариа Тҟәарчалтәи атеатр иазкны: аџьа иалҵыз ауп

8
(ирҿыцуп 19:59 15.07.2020)
Шәарах Ԥачалиа ихьӡ зху Тҟәарчалтәи аҳәынҭқарратә акомедиатә театр аиҳабы Заур Қьышьмариа арадио Sputnik аефир аҿы атәыла акультура аминистри атеатр аусзуҩцәа реиԥылара ахҳәаа азыҟаиҵеит.
Раионк аԥсҭазаараҟынтә: Кьышьмариа Тҟәарчалтәи атеатр иазкны

"Атеатр иахьа еиҭашьақәнаргыло аспекталькқәа ртәы еиҭаҳҳәеит, еиҭа ус еиԥш алшара ҳауа-иаҳмауа ҳәа сымҵааӡеит, избанзар аҳәынҭқарра зҭагылоу аҭагылазаашьа атәы аадыруеит. Иҳамоу алшарақәа еицырхырааны иҭҳажьуеит ҳәа ахҳәаа ҟасҵеит. Аиԥылара аибадырратә ҟазшьа аман, аха аминистр аус шутәу инықәшьны иаҳирдырит, аҳәынҭқарра рԥара аус муӡакәа аӡәгьы иоур шыҟамло атәы, уи уажәраанӡагьы ҳара иаадыруан", - ҳәа иҳәеит Қьышьмариа.

Тҟәарчалтәи атеатр аус ауан, аринахысгьы аус аулоит, избанзар иара аџьа иалҵыз театруп, аусзуҩцәа ирылҵыз театруп ҳәа азгәеиҭеит Қьышьмариа.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

8
Учредительный съезд благотворительного движения Послы доброй воли Абхазии в Международном мультимедийном пресс-центре МИА Россия сегодня

"Аԥсны Агәыҳалалра ацҳаражәҳәаҩцәа" реилазаара дырҿыцуеит

7
Агәыҳалалратә еиҿкаара "Агәыҳалалра Ацҳаражәҳәаҩцәа" аԥҵан 2017 шықәса рзы, Москва, аԥсуа диаспора раԥшьгарала. Актәи аилазаара иалахәын актиорцәа, арежиссиорцәа, аспортсменцәа, ауаажәларратәи аполитикатәи усзуҩцәа.

АҞӘА, ԥхынгәы 15 – Sputnik, Асмаҭ Ҵәыџьԥҳа. "Агәыҳалалра ацҳаражәҳәаҩцәа" реилазаара ҿыц ӡыргахоит ԥхынгәы 17 рзы ҳәа арадио Sputnik иазеиҭеиҳәеит ацҳаражәҳәаҩ Едгар Ӷәазаа.

Иара иажәақәа рыла, аилазаара ҿыц иалахәхоит аполитикатәи ауаажәларратәи усзуҩцәа, аспортсменцәа, артистцәа Аԥсни Урыстәылеи рҟынтәи. Аиҿкаара афонд адиректор ҿыцс дҟалоит Едгар Ӷәазаа.

"Аилазаара ҿыц аус аулоит 2023 шықәсанӡа. Иазԥхьагәаҭоуп аԥсуа бызшәа, акультура, аспорт рыҿиаразы, абаҩхатәра зоу аҿарацәа рыцхрааразы апроектқәа. Иус хаданы иҟоу Аԥсны иҵоуроу ахыԥша аҳәаанырцә рырдырроуп. Аилазаара ҿыц уи алшап ҳәа сгәы иаанагоит", - ҳәа иҳәоит иара.

"Аԥсны Агәыҳалалра ацҳаражәҳәаҩцәа" аԥҵан Москва, аԥсуа диаспора аԥшьгарала, 2017 шықәса рзы. Иара имҩаԥнагоит агуманитартә проектқәа агәабзиарахьчара, аҵарадырра, аспорт русхк аҿы. Агәыҳалалра ацҳаражәҳәаҩцәас иҟоуп акинорежиссиор Емир Кустурица, "Мисс мира" Ксениа Сухинова, ақәԥаҩ Денис Царгәыш, актиор Егор Бероев иара иԥшәмаԥҳәыс Ксениа Алфиорова, Аԥсни Урыстәылеи руаажәларратәи рполитикатәи усзуҩцәа.

7