Лечение пальм от долгоносика

Апальмақәа зхәышәтәуаз аусуҩ аток исит

14
(ирҿыцуп 10:47 06.11.2018)
Абҵара хба рзы апальмабжы аҟынтәи аҵлақәа рыхәышәтәра мҩаԥысуан Аҟәатәи аиндустриалтә коллеџь ааигәара.

АҞӘА, абҵара 6 – Sputnik, Асмаҭ Ҵәыџьԥҳа. Аҟәатәи аиндустриалтә коллеџь ахыбра аҿаԥхьа апальмақәа рыхәышәтәраан аусуҩ афымцацәаҳәақәа рҟынтәи аток исит ҳәа Sputnik иазаалыцҳаит аколлеџь адиректор Светлана Габлиаԥҳа.

"Аусуҩ амыруга ҷыдала апальма ахәшә ақәиҭәон. Анцәа иџьшьоуп апальма дахьакьымсыз, аха ааха иоуит. Ацхыраара ласы ахәышәтәырҭахь дагеит", — ҳәа лҳәоит лара.

Аԥсабара ахьчаразы Аԥсны аҳәынҭеилакы ахантәаҩы Савели Ҷыҭанаа иҳәеит аток зысыз ианаамҭаз амедицинатә цхыраара шиоуз.

"Аҭыԥ ахь иаразнакы ацхыраара ласы иаԥхьан. Ареспубликатә хәышәтәырҭаҿы агәаҭара дахыжьын. Ахәшәқәа изылырҩаан иҩныҟа дыргеит", — иҳәеит иара.

Апальмақәа зхәышәтәуа абригада аусурақәа ирҿуп жьҭаара 30 раахыс.

Аколлеџь адиректор Светлана Габлиаԥҳа ишылҳәаз ала аҵараиурҭа иавгоу авольтҳарак цәаҳәақәа аааррра рыҟазаара шәарҭоуп, уи изныкымкәа СУЕСи "Амшынеиқәафымцамчи" иддырдырхьан.

"Афымцацәаҳәа апальмақәа иааигәаӡаны ирхысуеит", — лҳәеит лара.

Иҟалаз далацәажәо СУЕС анџьныр Ҭенгиз Блабба иҳәеит дара аԥҟаррақәа шеиларымго.

"Апальмақәа ирызҳауеит. Афымцатә цәаҳәақәа ирыхькьысуеит. Дара рыхҿара азин ҳарҭом. Ҳара иҳагәҭакын иара абри аҭыԥ аҿы аремонттә усурақәа рымҩаԥгара", — иҳәеит иара.

Апальмабжы аҟынтәи аҵлақәа рыхәышәтәра мҩаԥысуеит Аԥсны.

14

Ажьиԥҳа: аҵиаақәа зегьы ҟазшьак-ҟазшьак рымоуп, уи анеилукаалак рааӡара мариахоит

105
(ирҿыцуп 17:52 31.05.2020)
Ачадара акыҭан иҟоу аҵиааӡарҭеи аҭиирҭеи русзуҩ Мактина Ажьиԥҳа арадио Sputnik Аԥсны аефир аҿы еиҭалҳәеит ашәҭқәеи аҵиаақәеи рааӡара иацу акәамаҵамақәа ртәы.
Раионк аԥсҭазаараҟынтә: Ажьиаԥҳа аҵиаақәа рхылаԥшра иазкны

"Уажәааны ауаа иаҳзаауа ишәҭуа аҵиаақәа роуп ирҭаху, аха ҳара иҳамаӡам шықәсыктәи ашәҭқәа, ҳара иаҳааӡо ӡынгьы-ԥхынгьы ииаҵәоу, акыршықәса зыԥсы ҭазаауа роуп. Иҳамоуп ес-аамҭа ишәҭуагьы. Арахь иаауеит ҿыц аҩнқәа зыргыло рышҭақәа рырԥшӡаразы аҵиаақәа зҭаху. Ачараура аӡәы игәы иҭаикзар, уи дашьҭоуп иаҳа зықәрахь инеихьоу, идуу аҵиаақәа, урҭ аҿаҳҵоит, иааҳгоит Италиантәи. Ҳара иҳамоу аҵиаақәа ҳхала еихаҳҳауеит, уи алагьы акыршықәса зхыҵуа ззаамхәо иаҳҭоит алшара ахҿарах агара. Иаҳа идуу аҵиаа ахылаԥшра мариоуп. Ҿыц иҟоу ашьапы акра иаҳа иацәыуадаҩуп. Удгьыл анаалароуп, аҵиаа акраҿауҵалароуп, ирлас еизҳаӡом, нас ихурффалароуп, абри зегьы аамҭа агоит", - ҳәа еиҭалҳәеит Ажьиԥҳа.

Иаҳа инеицыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаҳьар ҟалоит:

105

Аԥсны раԥхьатәи ахада Ешыра иҩны иақәкны ихысуаз ҳәа агәҩара ззыҟоу даанкылоуп

21
(ирҿыцуп 16:45 31.05.2020)
Аԥсны аҩнуҵҟатәи аусқәа рминистр Дмитри Дбар аҳәамҭа ҟиҵеит атәылаҿы аҭагылазаашьа ҭышәныртәаланы ишыҟоу, ацәгьоура иалахәыз зегьы ирыхәҭоу ахьырхәра ишақәыршәахо.

АҞӘА, лаҵара 31 - Sputnik. Аԥсны раԥхьатәи ахада Владислав Арӡынба Ешыра дахьынхоз иҩны иақәкны ихысуаз ҳәа агәҩара ззыҟоу дааныркылеит ҳәа адырра ҟаиҵеит Аԥсны аҩнуҵҟатәи аусқәа рминистр Дмитри Дбар. Аминистр ивидеоааԥхьара кьыԥхьуп ААР Youtube аҿтәи адаҟьа аҟны.

"Лаҵара 29 ауха Лада Ешыра аҭыԥ змаз ахысра аганхьала даанкылоуп Аԥсны раԥхьатәи ахада иҩны имариашаны ихысуаз ҳәа агәҩара ззыҟоу ауаҩы. Аха абри ахҭыс шаҳаҭс иамаз ауаа азинхьчаратә усбарҭақәа иргәныҩуам, иара убри алагьы аусҭҵаара иацхраауам", – иҳәеит ААР аминистр.

Аминистр убасгьы атәыла ауааԥсыра зегь рахь ааԥхьара ҟаиҵеит аҭагылазаашьа еиларымхәарц, азинхьчаратә усбарҭақәа закәанлатәи русура ԥынгыла арымҭарц, избан акәзар уи ҿааҳәыра змам ахҟьа-ԥҟьақәа цәырнагар ауеит. Азҵаарақәа зегьы азакәан инақәыршәаны иӡбахалароуп иҳәеит иара.

Иахьатәи аамҭазы Аԥсны амчратә усбарҭақәа русзуҩцәа зегьы ршьапы иқәгылоуп, ауаажәларратә ҭынчра ахьчара иазкуп ҳәа азгәеиҭеит Дмитри Дбар. 

 

21

Ҟәбан даҽа 80 коронавирустә хҭыс ҿыц ашәҟәы иҭагалоуп

0
(ирҿыцуп 19:28 31.05.2020)
Иааидкыланы Краснодартәи атәылаҿацә аҟны COVID-19 ахҭысқәа 3824 ашәҟәы иҭагалоуп, урҭ рахьтә 225-ҩык ахәыҷқәа роуп.

АҞӘА, 31 - Sputnik. Краснодартәи атәылаҿацә аҟны даҽа 80 коронавирустә хҭыс ҿыц шьақәыргылоуп ҳәа адырра ҟанаҵоит Ҟәбан администрациа.

"Аҵыхәтәантәи уахыки-ҽнаки рыла Краснодар ачымазара рыдбалоуп 41-ҩык, Армавир – 11-ҩык, Шәача – быжьҩык, хҩык-хҩык егьырҭ араионқәа хәба рҟны. Ичмазаҩхаз рахьтә 52-ҩык аҳәсақәа роуп, 28-ҩык хацәқәоуп. Зегьы иреиҳабу 94 шықәса ихыҵуеит", – аҳәоит адырраҿы.

Ари амш иалагӡаны арегион аҟны иԥсҭазаара далҵит 70 шықәса ирҭагылаз COVID-19 зцәа иалаз ачымазаҩ. Иааидкыланы Краснодартәи атәылаҿацә аҟны ачымазара иахҟьаны иԥсыз рхыԥхьаӡара 32-ҩык рҟынӡа инаӡоит.

Акоронавирус аҟазшьақәа иреиԥшу зхы иадызбалаз 9648-ҩык ауааԥсыра ахәышәтәырҭақәа ирыдҵаалеит, урҭ рахьтә 91-ҩык хәыҷқәоуп. Рыхәышәтәра иацыцоит 2137-ҩык апациентцәа, урҭ рахьтә 214-ҩык зықәра намӡац роуп.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

0
Атемақәа:
Ачымазара ҿкы – акоронавирус Аԥсни адунеи аҿи: иалкаау