Футбольное поле

Рафик Багаҭелиа: Аԥсны ашьапылампыл ахәыҷтәы командақәа рыда изыҿиом

24
XXVI ашьапылампыл азы Аԥсны ачемпионат алагеит абҵара 10 рзы. Ачемпионат иалахәуп ф-командак.

АҞӘА, абҵара 23 – Sputnik, Асмаҭ Ҵәыџьԥҳа. Аԥсны апрофессионалтә шьапылампыл ҿиашьа амаӡам ахәыҷтәы командақәа аԥаразоужьра рзыҟаҵаны ацхыраара роуаанӡа ҳәа арадио Sputnik иазынаицаит гәдоуҭатәи ашьапылампылтә клуб "Риҵа" азыҟаҵаҩ Рафик Багаҭелиа.

Азыҟаҵаҩ иажәақәа рыла, Аԥсны ашьапылампыл асыҩцәа қәыԥшцәа ԥарала рыцхраара иаҵагылоу аҭаацәа роуп.

"Аҭаацәа роуп ахәыҷқәа рымаҭәа, иара убас атәыла анҭыҵҟа ацара аԥара ахызшәаауа. Аҳәынҭқарра ақәгәыӷреиԥш аспонсорцәа рыԥшаарагьы аҭахуп", — иҳәеит иара.

Афинанстә проблемақәа рыдагьы ахәыҷтәы командақәа рҿы иҟоуп ииашамкәа азнеира апроблема иҳәоит азыҟаҵаҩ. Иара игәаанагарала иахьазы 14 шықәса ирҭысхьоу ашьапылампыл асыҩцәа роуп узықәгәыӷуаны иушьаша.

"14 шықәса ирҭысхьоу ашьапылампыл асыҩцәа роуп узықәгәыӷуаны иушьаша. 2001-2002 шықәсқәа рзы ииз иахьа ашьапылампыл иацәыӡит. Ҳара аӡәык-ҩыџьак аалхны Урыстәылаҟа аҵарахь иҳашьҭуеит, егьырҭ ус иаанхоит. Усеиԥш азнеишьа иашам", — иҳәоит иара.

Ашьапылампыл азыҟаҵаҩ иажәақәа рыла, апроблемақәа зегьы рхы ахьыҵырхуа аҳәынҭқарра ацхыраара ахьазыҟамҵо ауп. Ацәажәара акәымкәа аус ахь ииастәуп – абри ауп иарбанызаалак аус формуланы иамоу иҳәоит Багаҭелиа.

24

COVID-19 рзықәыргылоуп даҽа 26-ҩык Аԥсны ауааԥсыра

8
(ирҿыцуп 19:06 14.08.2020)
Апандемиа ҟалеижьҭеи Аԥсны акоронавирус здырбалахьоу рхыԥхьаӡара 182-ҩык ыҟоуп. Урҭ рахьтә 66-ҩык ргәы бзиахеит, хҩык рыԥсҭазаара иалҵит.

АҞӘА, нанҳәа 14 - Sputnik. Ииасыз уахыки-ҽнаки рыла акоронавирустә чымазара амазааразы агәаҭара иахысит 235-ҩык ауааԥсыра. Урҭ рахьтә адиагноз COVID-19 рзықәыргылоуп 26-ҩык, ҳәа аанацҳауеит Ауааԥсыра акоронавирустә ҿкы рацәыхьчаразы аоперативтә штаб.

Апандемиа ҟалеижьҭеи Аԥсны акоронавирус здырбалахьоу рхыԥхьаӡара 182-ҩык ыҟоуп. Урҭ рахьтә 66-ҩык ргәы бзиахеит, хҩык рыԥсҭазаара иалҵит.

Абри аамҭазы Гәдоуҭатәи ахәышәтәырҭаҿы ишьҭоуп акоронавирус зцәа иалоу 24-ҩык апациентцәа. Уахыки-ҽнаки рыла ахәышәтәырҭаҟнытә илыҩҩауп згәабзиара ҭышәынтәалахаз ааҩык атәылауааи, урыстәылатәи ахаҿи, ԥсшьаҩык Шәачаҟа диагоуп идиагноз хада ала иҷыдоу амедицинатә цхыраара иҭаразы.

Ауааԥсыра акоронавирустә ҿкы рацәыхьчаразы аоперативтә штаб ажәлар рахь ааԥхьара ҟанаҵоит ачымазара рымкырц азы ахыхьчаратә ԥҟарақәа ирықәныҟәаларц, асоциалтә дистанциа ркызарц.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

 

8
Атемақәа:
Ачымазара ҿкы – акоронавирус Аԥсни адунеи аҿи: иалкаау

Аԥсны АҶА аусзуҩцәа Питертәи атуристка лыԥшаара ишаҿыц иаҿуп

1
Аԥшаарақәа мҩаԥысуеит Аԥсны АҶА аминистр Лев Кәыҵниа инапхгарала, аволонтиорцәеи иӡыз лҭаацәеи алархәны.

АҞӘА, нанҳәа 14 – Sputnik. Аԥсны Аҭагылазаашьа ҷыдақәа рминистрра аҟазауаа хымш ирықәуп аквадроцикл аҟынтәи Бзыԥ аӡы иагеит ҳәа иршьо атуристка лыԥшаара иаҿуижьҭеи, абри атәы Sputnik иазеиҭеиҳәеит АҶА рминистр ихаҭыԥуаҩ Тигран Делибалтиан.

Иара иажәақәа рыла аԥшаарақәа мҩаԥыслоит аԥҳәызба дрыԥшаанӡа.

"Амшқәа цәгьаханы ақәоура ҟалар аамҭакала ҳаԥшуеит. Макьаназы аԥшаарақәа ирыцаҳҵоит", - иҳәеит иара.

Аԥшаарақәа ирылахәуп Гагреи Гәдоуҭеи араионқәа рымцарцәара-еиқәырхаратә бригадақәеи Аҳәынҭқарратә инспекциа аӡыҵалаҩцәеи. Анеира ахьыуадаҩу аҭыԥқәа рҿы авиациа ахархәара амоуп.

1998 шықәса рзы ииз арԥыси аԥҳәызбеи Аԥсныҟа ԥсшьара ҳәа иааит Санкт-Петербургнтә. Аквадроцикл қьырала иргеит.

Аӡиа Риҵахь узго амҩа ажәбатәи акилометр иахьаҵанакуа аҷкәын аԥсҟы импыҵҟьеит, аквадроцикл ааҳәын аӡиас иалаҳаит.

Аҷкәын ибыргәым аахақәа иоуит, аквадроцикл Бзыԥ аҟәараҿы ирбеит.

Аӡӷаб амҩатә машәыр ахьыҟалаз аҭыԥ аҿы дрымбеит, убри азы аӡаҿы лыԥшаара иалагеит.

1