Дамшэ

Ашәарыцаҩ ила дақәгәыӷуеит: хҭыск аҭоурых азы

100
(ирҿыцуп 21:11 24.11.2018)
Ашәарыцаҩ изы ашәақь инаваргыланы, хадара зуа акакәны иҟоуп ала. Уи аницу еиҳа ихы дақәгәыӷуеит, ашәарахи, аԥсаатәи шиԥыхьашәуа идыруеит. Дара ирыбжьоуп рхатәы, иҷыдоу аилыибакаара. Ус шакәу агәра ҳдыргоит еиуеиԥшым ахҭысқәа.

Sputnik, Саида Жьиԥҳа

Ахәылбыҽха иалагаз ақәаршыҩ аԥшагьы нацлан, иаахьҭахеит. Сани сареи аԥечка шаҳәшаҳәуа ҳшадтәалаз ҳҭаца ауада дааҩналан, иҵегь амҿқәа ҭалҵо далагеит. "Уажәы Баграт шәарыцарантәи даауеит, Дамшәгьы бааӡеит, ахьҭа иакит" ҳәауа.

Дамшә-уи ҷыдала аԥсаатә иазышәарацо лоуп. Сынтәа ачақәа ианраамҭаз даара ахы бзианы иаанарԥшит. Зныктәи аҭыҵраан 20-30 иреиҵамкәа Баграти иареи аҩныҟа иааргон. Иахьазы, Ԥсахаратәи адәқәа рҟны акәатақәа ирзышәарыцоит.

Баграт иҳәалоит "Дамшә сымамзар сызлашәарыцозеи" ҳәа. Ала ауаҩы имам афҩышәа ԥсабарала ашьа иалоуп. Иара иадыруеит ашәарах, ма аԥсаатә ахьтәо. Насгьы, ишо идәықәлаӡом, уи аԥшәма акы шабаз инардыруеит агылашьала. Убри аамҭазы ашәарыцаҩ ишәақь армазеирагьы дахьӡоит.

Хымԥада алақәа ашәарацара иазыҟаҵатәуп, ишыхәыҷу идырҵатәуп. Баграт Дамшә аназыҟаиҵоз, зыԥсы ҭаз ача ааганы, ашьапы ҿаҳәаны ирԥыруа ала ашьҭеиҵон. Аҵыхәтәаны, Дамшә аԥшәмеи иареи рылҵшәақәа убон, аҵыс рыцҳа аԥсы ахыҵуан. Аиашазы уи аԥҳәыс усым, ахәаԥшрацәҟьа сара сзы иуадаҩын.

Ҳҭынчра еилазгаз Баграти Дамшәи ақәа рыхькәкәа ауада иааҩналеит. Ала аҽааршәшәан, аԥечка иныҿҳәатәеит, аԥшәмагьы аҟәардә даахан, аԥхарра иҽадиҵеит.

Анхәеи ҭацеи еивагьежьуа, ашәарыцацәа иааргаз х-кәатак арыцқьара рҽазыршәеит, сара урҭ снапы ишасмыркуаз рдыруан аҟнытә сыцхыраарагьы иамыҳәеит.

"Саида агара бгаран, Баграт умиӡацызт", - ҳәа иаалырҟьаны сан жәабжьк ахы аацәырылгеит.

1980 шықәсқәа ралагамҭазы, аӡын ӷәӷәала аҽарцәгьеит, шьамхышәара асы ауит. Ашьхарантәи, ахьҭа иаанацаз аҳәыҳәқәа рзы, Мгәыӡырхәатәи абнарақәа рахь иҭыҵуа иалагеит аҭыԥантәи ашәарыцаҩцәа.

"Ааилашәшәеит, аҵаарагьы иалагеит. Адәаны алашара асыркып ҳәа санындәылҵа, ҳашҭа агәҭанӡа дааихьан шәарыцаҩык. "Бзиала шәаабеит", ҳәа иқәҿысҭит, аха иара аҭак ҟаимҵеит. Иаасымхацәгьахан снаиԥылеит. Уи аамҭазы, зымаҭәа аҵаа иакхьаз, зхы-зҿы шәыз арԥыс иԥсы илшәшәаны саԥхьа дынкаҳаит. Ицыз илагьы уазыруа иааихалеит", - ҳәа ахҭыс аиҭаҳәара иацылҵоит сан.

- Наас, - ҳәа иааџьашьаны ауадаҟны итәаз зегьы ҳабжьы ҳаргеит, Дамшәгьы ааҭрысын иҳаишуа иалагеит.

"Санхәеи сареи ҳхала ҳакәын аҩны иҟаз, Саида быԥшқан. Иаҳулак арԥыс ижәҩа данкны аҩныҟа дааҳгеит. Амца аԥхьа днаҳартәан, ахәшә еиҵаҵа иҳаржәит, аԥхара илсуа даналага, илҵуаз аӡы ауада иҩнаҽҽы иҟалеит. Нас шәаб ишәҵатәы иаҳҭан иҽеиҭеикит, акрыиҿаҳҵеит. Имч анааи

иаҳзеиҭеиҳәеит, аҳәыҳә данеихс, амшын ишалаҳаз, ила аԥсаатә иашьҭаланы аӡы ианҭала, аҵаа иакит, амшын иаанахәошәа аниба иамихуеит ҳәа дашьҭалеит. Ала анеиқәирха аҩныҟа дыхнымҳәит, ус имаҭәа шыбааӡаз, хьаас имкыкәа абнахь дхалеит. Ахәылбыҽхан, аҵаара ианалага, ахьҭа илсит. "Шәсыцхраа" ҳәа дшыҳәҳәоз ибжьгьы цазаап. "Сшьапы сахьынӡананаго сцалап" ҳәа дшаауаз ҳашҭа дақәшәазаап. Абас ила еиқәирхеит ихы хьаас имкыкәа", - ҳәа ахҭыс лгәалалыршәеит ҳан.

Уи арԥыс усҟан 25-ҟа шықәса ракәын ихыҵуаз, д-Шәлымбан. Ҳалзыӡырҩуа ҳаштәаз, "мама, уи ала аҩныҟа инашәышьҭыу, акраҿашәҵыу", - ҳәа лажәа даԥылеит Дамшә ахы зшьшьоз Баграт.

"Ааи, иҩнамларгьы ауазма, аԥшәма зынӡа ицрымҵӡеит", - лҳәеит ларгьы.

Згәы зырҭынчыз Баграт, ҳан лажәабжь ашьҭахь Дамшә еиҳагы дахӡыӡаауа далагеит.

100

COVID-19 рзықәыргылоуп даҽа жәҩык Аԥсны ауааԥсыра

18
(ирҿыцуп 20:02 10.08.2020)
Апандемиа ҟалеижьҭеи Аԥсны ачымазара здырбалахьоу рхыԥхьаӡара 143-ҩык ыҟоуп. Урҭ рахьтә 45-ҩык ргәы бзиахеит, хҩык рыԥсҭазаара иалҵит.

АҞӘА, нанҳәа 10 - Sputnik. Аҵыхәтәантәи уахыки-ҽнаки рыла акоронавирустә чымазара амазааразы агәаҭара иахысит 55-ҩык ауааԥсыра, адиагноз COVID - 19 рзықәыргылоуп жәҩык ҳәа аанацҳауеит Ауааԥсыра акоронавирустә ҿкы рацәыхьчаразы аоперативтә штаб.

Абыржәтәи аамҭазы Гәдоуҭатәи ахәышәтәырҭа хадаҿы ишьҭоуп акоронавирус зцәа иалоу 36-ҩык апациентцәа. Згәабзиара ҭышәынтәалаз апациентцәа быжьҩык ахәышәтәырҭа илыҩҩауп.

Ауааԥсыра акоронавирустә ҿкы рацәыхьчаразы аоперативтә штаб ажәлар рахь ааԥхьара ҟанаҵоит ачымазара рымкырц азы ахыхьчаратә ԥҟарақәа ирықәныҟәаларц: асоциалтә дистанциа укызароуп, унапқәа сапынла лассы-лассы иӡәӡәалатәуп, еиҳаракгьы адәахьынтә аҩны уанааилак ашьҭахь.

Аԥсны агәабзиарахьчара аминистрра аҭел ҷыда:

  • Аҟәа 925 – 10 – 06; 995 – 02 – 07; 935 – 30 – 71
  • Очамчыра 925 -10 – 09
  • Тҟәарчал 925 -10 – 03
  • Гал 925 -10 – 07
  • Гагра 925 -10 – 05
  • Гудоуҭа 925 -10 – 02
  • Агуӡера 925 -10 – 04

Акоронавирус иадҳәалоу ажәабжьқәа зегьы шәрыԥхьар ҟалоит абра>>

18
Атемақәа:
Ачымазара ҿкы – акоронавирус Аԥсни адунеи аҿи: иалкаау
Руслан Хашиг

Ҳашыг Белоруссиа ажурналистцәа раанкыларазы: аҳәынҭқарра зырԥхашьо хҭысуп

10
(ирҿыцуп 19:22 10.08.2020)
Аԥсны ажурналистцәа реидгыла ахантәаҩы Руслан Ҳашыг арадио Sputnik аефир аҿы Белоруссиа ажурналистцәа раанкылара ахҭыс ахҳәаа азыҟаиҵеит.
Ҳашыг Белоруссиа ажурналистцәа раанкыларазы: аҳәынҭқарра зырԥхашьо хҭысуп

"XXI ашәышықәсазы ас еиԥш иҟоу ахҭысқәа, аҳәынҭқарра ахьӡи аҳаҭыри лазырҟәуа акакәны иҟоуп. Аинтернет аҟны иаҳбо авидеонҵамҭақәа ақәыӡбара акәым, хаҭала згәы иалсыз рацәаҩуп, уи рбеижьҭеи Аԥсны ажурналистцәа реидгылахь аҭел иасуан, еилыркааз ажәабжь ҳзеиҭарҳәон. Ҳара ари ахҭыс ҳакәыӡбеит, ааԥхьарагьы ҟаҳҵеит белоруссиатәи аҳәынҭқарра анапхгареи белоруссиатәи ажурналистцәеи рахь ауаа раужьразы. Ииҩбахаз - хаҭала издыруаз ажурналистцәа рахь аҭел ҳасны агәҭынчымра ааҳарԥшит. Алхра аламҭалази алхра ашьҭахи еснагь адунеи аҿы иаҳбац аибырххарақәа ыҟоуп, аха уи ахҭысқәа имҩаԥысуа ауаа иреилзыркаауа ажурналистцәа рахь амч ахархәара, хаҭала Семен Пегов иҭагылазаашьа, ихдырра ицәыӡыртә аҟынӡа инагара, ари аҳәынҭқарра зырԥхашьо ҳҭысуп", - азгәеиҭеит Ҳашыг.

Белоруссиатәи амчрақәа рахь ааԥхьара ҟалҵеит иара убас RT, МИА "Россия сегодня" рредактор хада Маргарита Симониан. Лара Белоруссиа аиҳабыреи ҷыдала Александр Лукашенкои рахь ааԥхьара ҟалҵеит Семион Пегов дызлоу иаанкылоу ажурналистцәа рхы иақәиҭыртәырц.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

  • Аԥсны ажурналистцәа Реидгыла иақәыӡбоит Белоруссиа ажурналистцәа раанкылара
  • Семион Пегов дахьыҟоу еилкаахеит

10
Семен Пегов

Минск иаанкылаз урыстәылатәи ажурналист Семион Пегов доушьҭуп

4
(ирҿыцуп 21:50 10.08.2020)
Ажурналист Семион Пегов Минск, нанҳәа 9 рзтәи аилаҩеиласрақәа раан дшаанкылаз атәы рылаирҵәеит "Комсомольская правда" акорреспондент Александр Коц.

АҞӘА, нанҳәа 10 - Sputnik. Минск иаанкылаз урыстәылатәи ажурналист Семион Пегов азинеилагаҩцәа ахьҭаркуа Ацентр аҟынтә доушьҭуп, абри атәы аанацҳауеит Sputnik Беларусь Telegram-канал.

Белоруссиа иҟоу Урыстәыла ацҳаражәҳәаҩ адырра ҟаиҵахьан, Семион Пегов аҩаша аҩныҟа дхынҳәырц шилшо.

Белоруссиа алхрақәа мҩаԥысит нанҳәа 9 рзы. Алхырҭатә ҭыԥқәа шадыркызҵәҟьа, Минск зиншьаҭада аҿагыларатә акциақәа ирылагеит Белоруссиа ақалақьқәак рҿы.

Ажурналист Семион Пегов Минск дааныркылеит нанҳәа 9 ауха. "Комсомольская правда" арратә корреспондент Александр Коц иӡыригеит
Пегов дшааныркылоз акадырқәа.

Белоруссиатәи амчрақәа рахь ааԥхьара ҟалҵеит RT, МИА "Россия сегодня" рредактор хада Маргарита Симониан. Лара Белоруссиа аиҳабыреи ҷыдала Александр Лукашенкои рахь ааԥхьара ҟалҵеит Семион Пегов дызлоу иаанкылоу ажурналистцәа рхы иақәиҭыртәырц.

Аԥсны ажурналистцәа Реидгыла Белоруссиа амчрақәа рахь ааԥхьара ҟанаҵеит Минск имҩаԥысуаз аҿагыларатә акциақәа раан иаанкыло ажурналистцәа рхы рақәиҭтәразы.

Семион Пегов – апоет, урыстәылатәи афедералтә телеканалқәа рырратә корреспондент, апроект WarGonzo аиҿкааҩ. Диит 1985 шықәса рзы. Иҩымҭақәа кьыԥхьын альманахқәа "Под часами", "Персона", "Современники". Пушкин ихьӡ зху афестиваль "С веком наравне-2008" алауреат, ашәҟәыҩҩцәа ҿарацәа р-Форум "Липки-2011"алахәыла. Семион Пегов 2008 - 2013 шықәсқәа рзы Аҟәа, ателекеилахәыра "Абаза-ТВ" аҟны аус иуан, "Нужная газета", "Чегемская правда", "Новый день" иҩымҭақәа ркьыԥхьуан.

Иара убас шәаԥхьар ҟалоит:

 

4