Выдача полиса ОМС

Аԥсныи Краснодартәи атәылаҿацәи аԥгаԥсатә цхырааразы аиқәшаҳаҭра рнапы аҵарҩит

12
(ирҿыцуп 14:00 04.12.2018)
"Аԥсны Аҳәынҭқарра аҵакырадгьыл аҿы иааиԥмырҟьаӡакәа инхо Урыстәылатәи Афедерациа атәылауаа рыԥгаԥса аиҿкаареи, ихымԥадатәиу Урыстәылатәи Афедерациа амедицинатә ԥгаԥсеи, Урыстәылатәи Афедерациа амедицинатә еиҿкаарақәа рҿы урҭ амедицинатә цхыраара рыҭареи ирызку аусеицуразы аиқәшаҳаҭра" Урыстәылатәи Афедерациеи Аԥсны Аҳәынҭқарреи нанҳәа 8 2017 шықәса рзы рнапы аҵарҩит.

АҞӘА, ԥхынҷкәын 4– Sputnik, Бадри Есиава. Аԥсны Аҳәынҭқарра аҵакырадгьыл аҿы иааиԥмырҟьаӡакәа инхо Урыстәылатәи Афедерациа атәылауаа рыԥгаԥса аиҿкаареи, ихымԥадатәиу Урыстәылатәи Афедерациа амедицинатә ԥгаԥсеи, Урыстәылатәи Афедерациа амедицинатә еиҿкаарақәа рҿы урҭ амедицинатә цхыраара рыҭараз аиқәшаҳаҭра анапы аҵаҩын ашәахьа, ԥхынҷкәын 3 рзы ҳәа аанацҳауеит Аԥсны агәабзиарахьчара аминистрра.

"Урыстәылатәи Афедерациа агәабзиарахьчара аминистр Вероника Скворцова далахәны имҩаԥысит Краснодартәи атәылаҿацә агәабзиарахьчара аминистрреи Аԥсны Аҳәынҭқарра Аиҳабыреи рыбжьара "Урыстәылатәи Афедерациа амедицинатә еиҿкаарақәа рҿы Аԥсны Аҳәынҭқарра аҵакырадгьыл аҿы иааиԥмырҟьаӡакәа инхо Урыстәылатәи Афедерациа атәылауаа иҟарҵо амедицинатә ԥгаԥса инақәыршәаны урҭ амедицинатә цхыраара рыҭара аиҿкаашьазы" Аиқәшаҳаҭра анапаҵаҩра", - ҳәа аҳәоит адырраҭараҿы.

2017 шықәса рзы Аԥсни Урыстәылеи рхадацәа реиԥылараан анапы аҵаҩын "Аԥсны Аҳәынҭқарра аҵакырадгьыл аҿы иааиԥмырҟьаӡакәа инхо Урыстәылатәи Афедерациа атәылауаа рыԥгаԥса аиҿкаареи, ихымԥадатәиу Урыстәылатәи Афедерациа амедицинатә ԥгаԥсеи, Урыстәылатәи Афедерациа амедицинатә еиҿкаарақәа рҿы урҭ амедицинатә цхыраара рыҭареи ирызку аусеицуразы аиқәшаҳаҭра".

2018 шықәса жәабранмзазы афедерациатә хеилак аиқәшаҳаҭра аратификациа азнауит. Иара инақәыршәаны Аԥсны Аҳәынҭқарра аҵакырадгьыл аҿы иааиԥмырҟьаӡакәа инхо Урыстәылатәи Афедерациа атәылауаа амедицинатә ԥгаԥсеи хәыда-ԥсадатәи амедицинатә цхыраареи роуеит Урыстәылатәи Афедерациа амедицинатә усҳәарҭақәа рҟны.

Иҟаҵатәузеи Урыстәылатәи амедицинатә ԥгаԥса Аԥсны аиуразы
Иҟаҵатәузеи Урыстәылатәи амедицинатә ԥгаԥса Аԥсны аиуразы

 

12