Аԥсныи Шьамтәылеи русеицуратә еиқәшаҳаҭра аратификациа азыҟаҵоуп Аҟәа

© Foto / Пресс-служба Президента Республики АбхазияФлаги Сирии и Абхазии
Флаги Сирии и Абхазии - Sputnik Аҧсны
Анапаҵаҩра
Аԥсны жәлар Реизара аилатәараҿ Аԥсны Апарламент Аԥсныи Шьамтәылеи реиҳабырақәа рыбжьара аусеицуразы аиқәшаҳаҭра аратификациа азнауит ԥхынҷкәын 6 рзы.

АҞӘА, ԥхынҷкәын 6 — Sputnik, Бадри Есиава. Аԥсны Апарламент Аԥсни Шьамтәылеи реиҳабырақәа рыбжьара аусеицуразы аиқәшаҳаҭра аратификациа азнауит ҳәа аҭыԥ аҟынтәи иааицҳауеит ҳкорреспондент.

Парламент Республики Абхазия - Sputnik Аҧсны
Аԥсны Апарламент Аԥсныи Шьамтәылеи рыбжьара аиқәшаҳаҭра аратификациа азнауит

Апарламент аҿы Аԥсны ахада ихаҭарнакс иҟоу Дмитри Шамба адепутатцәа ирыдигалеит азакәан апроект. Апарламент адепутатцәа азакәан апроект еицҿакрыла ирыдыркылеит.

Аԥсны Аҳәынҭқарреи Шьамтәылатәи Ареспубликеи 2018 шықәса лаҵара 29 рзы ирыларҳәеит наҟ-ааҟ ишеизхеибаҵои адипломатиатә еизыҟазаашьақәа шрыбжьарҵои.

2018 шықәса, цәыббрамзазы Аԥсны ахада Рауль Ҳаџьымба официалтә ныҟәарала Шьамтәылаҟа дцеит. Дамаск, Ажәлар Рхан аҿаԥхьа имҩаԥысит Аԥсны Аҳәынҭқарра Ахадеи Шьамтәылатәи Арабтә республика Ахадеи реиԥылара ацеремониа. Абри ашьҭахь имҩаԥысит Аԥсны Аҳәынҭқарреи Шьамтәылатәи Арабтә республикеи рыбжьара аиҩызареи аусеицуреи рзы Аиқәшаҳаҭра анапаҵаҩра.

Иара убасгьы аекономикеи, ахəаахəҭреи, аҭҵаарадырреи, атехникатəи, акультуратəи усеицуразы Шьамтәылеи Аҧсныи еицырзеиҧшу Аилак аҧҵаразы аиҳабырабжьаратə Еиқəшаҳаҭреи ахəаахəҭреи аекономикатə усеицуреи русхк аҟны ацхыраара аҳəаақəҵареи рзы аиҳабырабжьаратə Еиқəшаҳаҭреи рзы аиқәшаҳаҭрақәа анапы рыҵаҩын.

Шьамтәылатәи апарламент адепутатцәа Аԥсни Шьамтәылеи рнапы зҵарҩыз аиҩызареи аусеицуреи рзы Аиқәшаҳаҭра аратификациа азыруит 2018 шықәса жьҭаара 11 рзы.

Ажәабжьқәа зегьы
0