Линии электропередач

"Амшынеиқәафымцамч" альготақәа змоу ҿыц реиҭаҭаҩра мҩаԥнагоит

16
(ирҿыцуп 17:08 12.01.2019)
Ажьырныҳәа 21 2019 шықәса иинаркны альготақәа аанкылахоит дара зықәнаго абонентцәа еиҭаҭарҩаанӡа.

АҞӘА, ажьырныҳәа 12 - Sputnik, Бадри Есиава. АУН "Амшынеиқәафымцамч" альготақәа змоу ҿыц реиҭаҭаҩра мҩаԥнагоит ҳәа Sputnik иазеиҭеиҳәеит "Афымцаҭира" аиҳабы Инал Лазба.

"Альготақәа зықәнаго реиҭаҭаҩра шықәсқәак рахь знык акәзаргьы имҩаԥгалатәуп. Иаҳҳәап, Аџьынџьтәылатә еибашьра дуӡӡеи Аԥсны Аџьынџьтәылатә еибашьреи рветеранцәа рзы. Шықәсык ахь знык акәзаргьы еиҭаҭаҩлатәуп аҳазалхра, апрокуратура, ААР русзуҩцәа", - ҳәа иҳәоит Лазба.

Иара иазгәеиҭеит "Амшынеиқәафымцамч" акраамҭа шыҵуа альгота зықәнаго реиҭаҭаҩра мҩаԥнамгеижьҭеи, абри аамҭала зҽеиҭазкыз шырацәо.

Аҟәатәи "Афымцаҭира" аҟны ашәҟәы иҭаҩуп 2500-ҩык Аџьынџьтәылатә еибашьра дуӡӡа аветеранцәа.

"Раԥхьа иргыланы ҳара иҳауеит адырра иҟоу шыҟоу абаразы. Уи иалнаршоит альготатә тариф акомпенсациа иашала азура", - иҳәоит Лазба.

"Афымцаҭира" адиректор иазгәеиҭеит абарҭқәа зегьы аиҳабыра рахьгьы ажәалагалақәа рыҟаҵара шалнаршо. Иаҳҳәап Аминистрцәа реилазаарахь инагахо ажәадгалақәа I агәыԥ иатәу аинвалидцәеи ахшарарацәа змоу аҭаацәарақәеи рзы хра рыманы иҟалоит.

"Альготатә тарифқәа аԥсахрақәа акрааҵуеит ирылагаламижьҭеи. Дара анрыдыркылаз аахыс рҽырыԥсаххьеит аусуратә ҭагылазаашьақәа. I агәыԥ иатәу аинвалидцәеи ахшарарацәа змоу аҭаацәарақәеи альготақәа акыр ирыхәарҭахоит", - ҳәа иҳәоит Лазба.

Ажьырныҳәа 21 2019 шықәса иинаркны альготақәа аанкылахоит дара зықәнаго абонентцәа еиҭаҭарҩаанӡа. Аиҭаҽҭаҩразы иаҭаххоит аинвалидразы аршаҳаҭгеи аусураҟынтәи аршаҳаҭгеи. Иаԥҵахоит иаку абаза ҳәа иҳәоит Инал Лазба.

 

16

Аԥсны 68-ҩык аҿкы рыдырбалеит, ҩыџьа рыԥсҭазаара иалҵит

11
(ирҿыцуп 20:10 29.10.2020)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 4126-ҩык ыҟоуп. Урҭ рахьтә ргәы бзиахеит 2170-ҩык, рыԥсҭазаара иалҵит 38-ҩык.

АҞӘА, жьҭаара 29 - Sputnik. Иҳаҩсыз уахыки-ҽнаки рыла COVID-19 зцәа иалоу реилкааразы атестқәа 427 ҟаҵан, урҭ рахьтә акоронавирус аарԥшын 68 тест рҟны ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Аоперштаб иара убас иаанацҳаит жьҭаара 29 рзы Гәдоуҭатәи агоспиталь аҿы лыԥсҭазаара дшалҵыз 1976 шықәсазы ииз апациент. Лара ахәышәтәырҭа дҭашәеит жьҭаарамза 13, лыԥсыԥ лагаҩагара акыр илцәыцәгьаны, ҩганктәи агәыҵәкра лыманы. Иақәнагаз атерапиа шлзымҩаԥыргозгьы, жьҭаара 29 рзы лдунеи лыԥсахит.

Жьҭаара 29 рзы рзы иԥсыԥ лагаҩагара акыр ицәыцәгьаны, ҩганктәи агәыҵәкра иманы аҟәатәи амобильә госпиталь аҟны ишьҭаз апациент иԥсҭазаара далҵит, иақәнагаз атерапиа шизымҩаԥыргозгьы.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 135-ҩык ауааԥсыра, урҭ рахьтә 113-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 29-ҩык, ибжьаратәуп - 36-ҩык, илҩаауп 13-ҩык апациентцәа. Гәдоуҭатәи агоспиталь иҭашәеит 11-ҩык ачымазцәа.

Аҟәа асасааирҭа "Аиҭар" ашҭаҿы иаадыртыз амобилтә госпиталь аҟны ишьҭоуп акоронавирус зыдбалоу 55-ҩык апациентцәа. 51-ҩык рҭагылазаашьа бжьаратәуп ҳәа иԥхьаӡоуп, ԥшьҩык рҭагылазаашьа бааԥсуп.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

11
Атемақәа:
Ачымазара ҿкы – акоронавирус Аԥсни адунеи аҿи: иалкаау

Барцыц Гагра араион COVID-19 азы: аҭагылазаашьазы даара ицәгьоуп

2
(ирҿыцуп 19:55 29.10.2020)
Гагра араион ахада ихаҭыԥуаҩ Алхас Барцыц арадио Sputnik аефир аҿы еиҭеиҳәеит акоронавирус зыхьуа ачымазаҩцәа рзы араион аҿы иҟоу алшарақәа ртәы.
Раионк аԥсҭазаараҟынтә: Барцыц Гагра араион апандемиа аҭагылазаашьа иазкны

"Аҭагылазаашьа араион аҿы ицәгьоуп, 200-ҩык иреиҳауп ачымазара змоу. Ахәышәтәырҭаҿы ишьҭоуп 17-ҩык. Ачымазара аҩны изхызго зегьы ргәабзиара шыҟоу ҳазҵаауеит, иҳамоу алшарала ацхыраара раҳҭоит. Иааиуа амчыбжь азы иаартхоит астационар ҳасабла ачымазара змоу рзы 30-ҩык рҭыԥ. Уи анаҩсгьы иҳамоуп акомпиутертә томограф. Иара икоммерциатәуп, аха уажәы аиҿцәажәарақәа имҩаԥаҳгоит, уи иаалкау атәылауаа рзы хәыда ԥсадахарцаз. Мызкы 100-ҩык рҟынӡа ачымазаҩцәа ргәаҭаразы алшара шыҟало агәра ҳгоит. Уахь иаҵанакуеит зылшарақәа ԥку, насгьы зҭагылазаашьа уадаҩу аҭаацәарақәа рҟынтә ауаа. Иара уи адагьы, Гагратәи амедицинатә коллеџь аҟны аҵара зҵо 30-ҩык астудентцәа ахәышәтәырҭаҿы аҳақьымцәа ацхыраара рырҭалоит. Ахәышәтәырҭа хәшәыла еиқәыршәаразы иҟан ауадаҩрақәа, аха урҭ рҽеиуп. Ҳхатә мчқәа рыла иԥшаахаз маҷым, аха аҳәынҭқаррагьы ацхыраара ҟанаҵеит",- еиҭеиҳәеит Барцыц.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

2
Атемақәа:
Ачымазара ҿкы – акоронавирус Аԥсни адунеи аҿи: иалкаау