Брейкеры из Абхазии на чемпионате по брейк-дансу Full house battle в Сочи

Аԥснытәи абреик-кәашаҩцәа Шәачатәи ачемпионат аҿы аиааира ргеит

49
Бреик-данс азы ачемпионат "Full house battle" мҩаԥысуан Шәача ақалақь аҿы, ажьырныҳәа 20 рзы.

АҞӘА, ажьырныҳәа 23 – Sputnik. Аԥснытәи акәашаҩцәа актәии аҩбатәии аҭыԥқәа ааныркылеит ачемпионат "Full house battle" аҿы ҳәа Sputnik иазеиҭалҳәеит ачемпионат алахәыла Мадина Қәҭелиаԥҳа.

"Ачемпионат иалахәын 150-ҩык рҟынӡа акәашаҩцәа. Урҭ рҟынтәи 20-ҩык Аԥснытәиқәан", - ҳәа еиҭалҳәоит Мадина.

Аиндаҭлара аноминациақәа х-категориакны еихшан ԥышәатә ҳасабла.

Ачемпионат аихшьаалақәа рыла шықәсык аҟынӡа аҽазыҟаҵарақәа мҩаԥызгахьо рыбжьара актәи аҭыԥ никылеит аҟәатәи акәашаҩ Абазг Фет-оӷлы. Акомандатә баттл аҿы аҩбатәи аҭыԥ ныркылеит 13 шықәса зхыҵуа Сандрик Сабекиеи Владимир Дохнаӡеи, 12 шықәса зхыҵуа Ричард Хасаиеи.

Брейкеры из Абхазии на чемпионате по брейк-дансу Full house battle в Сочи
© Фото : Мадина Кутелия
Брейкеры из Абхазии на чемпионате по брейк-дансу "Full house battle" в Сочи

"Абазг Фет-оӷлы раԥхьаӡа акәны асеиԥш иҟоу ачемпионат далахәхеит. Абазг "топ-рок" ала ицәырҵра ажиури иаразнак иргәаԥхеит", - ҳәа еиҭеиҳәоит акоманда азыҟаҵаҩ Џьамал Тачулиа.

Аԥсуа кәашаҩцәа азыҟарҵон: Џьамал Тачулиеи Константин Лазариди.

Ачемпионат "Full house battle" иалахәын 150-ҩык акәашаҩцәа Славианск-на-Кубани, Ҭҟәаԥс, Шәача, Аԥсны рҟынтә

49

Ишьаарҵәыроу ачара: Лорка ипоезиеи ицәқәырԥо ацәаныррақәеи РУСДРАМ асценаҿы

2
(ирҿыцуп 14:21 10.07.2020)
Искандер ихьӡ зху Аурыс драматә театр иазнархиеит аспектакль ҿыц "Ишьаарҵәыроу ачара", Федерико Гарсиа Лорка ипиесала. Хымзтәи аусура аанкылара ашьҭахь аспектакль ахәаԥшҩы изы ирхиоуп.

Аԥхьатәи ахәаԥшцәа злахәыз арепетициа хада амҩаԥысшьа Sputnik аматериал аҿы.

Сариа Кәарцхьиаԥҳа, Sputnik

РУСДРАМ аҩналарҭаҿ ауаа маҷуп. Уи амзыз амоуп. Акоронавирустә пандемиагьы акәым.

"Ҳаҭыр зқәу аспектакль "Ишьаарҵәыроу ачара" раԥхьатәи ахәаԥшцәа, шәара иахьа арепетициа хада шәҳарбоит. Уаҵәы аԥхьарбараламҭалатә, уаҵәашьҭахь – аԥхьарбара", - иҳәоит Иракли Хынҭәба иагьазгәеиҭоит аспектакль анцо арежиссиор иаанкыланы алагалақәа ҟаиҵар шалшо.

Афоие аҿы алашара ыцәоит, аспектакль иалагоит. Амузыка, алашара, асценахь иааиуеит актиорцәа. Алашьцара иалыҩуеит арежиссиор лыбжьы.

- Шәыхиоума? Шәҽеидышәкыла! – акоманда рылҭоит аспектакль арежиссиор Мариа Романова.

30-ҩык инарзынаԥшуа ахәаԥшцәа аҩбатәи адубль иазыԥшуп.

Абзиабареи аԥсахреи

Аханатә аспектакль испаниатәи амотивқәа, агитареи афламенкои реиԥш иҟоу шалам убоит. Аспектакль абзиабарахаҭа, иааишьа змам ацәаныррақәа, ауаҩытәыҩса иԥсабара аиҿагылара ирызкуп.

© Sputnik / Томас Тхайцук
Аспектакль "Ишьаарҵәыроу ачара" РУСДРАМ асценаҿы

Аспектакль поезиала иҭәуп. Лорка итекст асцена иқәыҩуеит. Алашара, амузыка, адекорациа аспектакль эакы иаламҩашьо иҟарҵоит.

Иҷыдоу атмосфера аспектакль иарҭоит ацәамаҭәақәа. Урҭ ХХ ашәышықәса алагамҭа ацәа рыҟәнышьшьы иҟоуп.

© Sputnik / Томас Тхайцук
Лорка ипоезиеи ицәқәырԥо ацәаныррақәеи РУСДРАМ асценаҿы

"Ишьаарҵәыроу ачараҿ" алашара ахатә роль нанагӡоит. Асахьаҭыхыҩ Денис Солнцев иуадаҩу, аха ҳәашьак амамкәа иԥшӡоу алашареиҿкаара ҟаиҵеит. Аҩеижьи аҟаԥшьи шьаҿа-шьаҿа атрагедиахь ҳнаргоит, актиорцәа ирку асаркьақәа ирныҷҷало алашара акәзар ҳаргьы уи атрагедиа ҳаладырхәуеит.

Арежиссиор Мариа Романова илылшеит актиортә ансамбль ссир аизакра. Аҭаца лроль налыгӡоит Мадлена Барцыцԥҳа. Уи дԥышәырччозаргьы, лылақәа ирхубаалоит ааԥсара, агәкаҳара.

© Sputnik / Томас Тхайцук
Осман Абыхәбеи (Леонардо) Мадлена Барцыцԥҳаи (аҭаца)

Иаркы-ирцә ҳәа иҟоу Леонардо ироль дыхәмаруеит Осман Абыхәба. Осман даҽаӡәы иԥҳәысхараны иҟоу аԥҳәызба бзиа дызбо, ухы иузҭамыгӡо ак ҟазҵар зылшо ауаҩы ироль наигӡоит. Еибаго арԥыси (Рубен Депелиан) аԥҳәызбеи, аԥҳәызбеи Леонардои рдиалогқәа ԥхьаҟа иузмырҽеиуа ахҭыс бааԥсқәа шыҟало иунырыртә иҟарҵоит.

Ан лроль налыгӡоит Аԥсны зҽаԥсазтәыз артистка Наталиа Папасқьырԥҳа. Лара ишылҳәаз ала, аԥхьанатә ари аҭоурых хьанҭоуп иазылыԥхьаӡеит.

© Sputnik / Томас Тхайцук
Наталиа Папасқьыр (ан), Џьамбул Жорданиа

"Ишԥаҳалҳаршо ҳәа схәыцит, аха нас аусура ҳаналага, Лорка ирҿиамҭа ҳанагәыланахала, уаанӡатәи схәыцрақәа зегь неиԥхьбеит. Дарбанзаалак даҽа авторк абасеиԥш ҳаигәылеимхалацызт. Дасу ҳаҩнуҵҟатәи ҳцәаныррақәа арҿыхеит. Иҟоуп ҳәа ҳаззымхәыцуазгьы. Ҳархәыцит. Аԥҳәыс ауадаҩрақәа данрықәшәо аӡәы ихы анираалоит, даҽаӡәы аҿагылара далагоит. Ииашоу аӡбара адкылара даара иуадаҩуп", - лҳәоит лара.

Ан амч змоу, зегь зымпыҵазкуа ԥҳәысуп, лԥеи лхаҵеи ршьоура дазгәаҟуеит. Аха аҩбатәи лԥа данҭахалак ашьҭахь ллахьынҵа лыдылкылоит, анажьра дазыгьежьуеит.

© Sputnik / Томас Тхайцук
Аспектакль "Ишьаарҵәыроу ачара"

Аспектакль "Ишьаарҵәыроу ачара" – ҳәарада РУСДРАМ ақәҿиара дуқәа иреиуоуп. Ара зегь уамашәа иҟоуп – алашара, амузыка, ашәҵатәы, актиорцәа рыхәмарра. Акызаҵәык аамҭа еиҵыхцәоуп – ҩ-сааҭк инареиҳаны ицоит.

Аспектакль "Ишьаарҵәыроу ачара" аԥхьарбара мҩаԥысуеит ԥхынгәы 10, 11 рзы.

2
Аҟәатәи апитомник аҟынтәи ибналеит амаамынқәа ԥшьба

Аҟәатәи апитомник аҟынтәи ибналеит амаамынқәа ԥшьба

4
(ирҿыцуп 13:24 10.07.2020)
Аҟәатәи амаамынааӡарҭаҟынтәи ибналеит амаамынқәа ԥшьба, урҭ Аԥсны аҭҵаарадыррақәа Ракадемиа аексперименталтә патологиеи атерапиеи рыҭҵаарадырратә институт анапхгара 2017 шықәсазы иаархәеит. Дара ауаа рзы ишәарҭам.

АҞӘА, ԥхынгәы 10 – Sputnik. Амаамынқәа ԥшьба – апавиан анубис ҳәа изышьҭоу Аҟәатәи апитомник аҟынтәи ибналеит ԥхынгәы 9 рзы ҳәа Sputnik иазеиҭеиҳәеит Аԥсны аҭҵаарадыррақәа Ракадемиа аексперименталтә патологиеи атерапиеи рыҭҵаарадырратә институт адиректор Зураб Амқәаб.

Иара иажәақәа рыла, ибналеит ԥшь-маамынк. Ҩба ркхьеит, егьырҭ макьаназ НИИЕПиТ аҵакыраҿ иҟоуп.

"Аилыргаҩ авольер ишахәҭаз иалмыркит. Уи азы лусура дамаҳхыр акәхеит. Апавиан анубисқәа зынӡа быжьба роуп иҳамоу. Урҭ хышықәса раԥхьа иааҳхәеит, акыр ҳрыхӡыӡаауеит. Дара ауаа рзы ашәарҭара аадырԥшуам", - иҳәеит адиректор.

Ибналаз амаамынқәа аҟәаа рҭыхгақәа ирымпыҵашәеит. Руак даниеит Ахьӡ-аԥша амузеи адиректор лхаҭыԥуаҩ Николаи Медвенски.

"Амаамын ҭынчӡа ахы мҩаԥнагон, аха ҭыԥк аҿы итәомызт, абжьы арцәгьалон. Аснаипер арцәага ахәшә ала еиҵаз авинтовка ала даихсит. Ацәагьы инҭанагалеит. Анаҩс уи аҭыԥ ахь ирхынҳәын", - ҳәа иҩуеит иара Facebook аҿы.

Апавиан анубис – аԥышәкьаҿмаамынқәа иреиуоуп. Ахьӡ арҭеит ажәытә Египет анцәақәа ируаӡәку Анубис иеиԥшны иахьыршьаз азы. Еиҳарак иахьыҟоу Ацентртә Африкаҿоуп.

4