Аԥсны ААР Венесуела ахада ишидгыло азы аҳәамҭа ҟанаҵеит

Аԥсны ААР Венесуела ахада ишидгыло азы аҳәамҭа ҟанаҵеит

53
(ирҿыцуп 16:52 24.01.2019)
Венесуелатәи ахҭысқәа инарымаданы Вашингтон иҟанаҵаз аҳәамҭа иаартны аҳәынҭқарратә мчра ахҳәарахьы ааԥхьароуп ҳәа азгәарҭеит Аԥсны адәныҟатәи аусқәа рминистрраҿы.

АҞӘА, ажьырныҳәа 24– Sputnik. Аԥсны азакәан шьаҭала ажәлар реиҳараҩык иалырхыз Венесуела ахада Николас Мадуро идгылоит, атәылаҿ аҭыԥ змоу аконституциатә кризис акәзаргьы, аҭыԥ иқәҵахоит ҳәа иақәгәыӷуеит Аԥсны адәныҟатәи аусқәа рминистрраҿы.

"Иарбанызаалак атәылаҿ имҩаԥысуа ахҭысқәа ахрылагалара иашам ҳәа иазаҳаԥхьаӡоит. Агәра аагоит Каракас аҭыԥ змоу аҩныҵҟаполитикатә кризис аҭыԥ иқәҵахоит ҳәа, иҟоу аполитикатә система аҳәаақәа ирҭагӡаны, адәныҟантә аӡәгьы даламырхәыкәа", - ҳәа аҳәоит аминистрра аҳәамҭаҿы.

Венесуелатәи ахҭысқәа инарымаданы, Вашингтон иҟанаҵаз аҳәамҭа иаартны аҳәынҭқарратә мчра ахҳәарахьы ааԥхьароуп ҳәа азгәарҭеит Аԥсны адәныҟатәи аусқәа рминистрраҿы. ЕАА аҭагылазаашьа арцыхцыхра бзиа ирбоит, аха уи аан даара акраҵанакуеит амццакра ҳәа азгәарҭоит аусбарҭаҿы.

"Америкатәи аполитикатә истеблишмент иаҟазшьа ҷыданы иҟоуп асуверентә ҳәынҭқаррақәа рыҩныҵҟатә усқәа ахрылагалара. Уажәгьы Вашингтон аҳәамҭа иара усгьы имариам аҭагылазаашьа аруадаҩуеит, аха уи ЕАА зхәыцра дук азыҟарҵом", - ҳәа арбоуп аҳәамҭаҿы.

Вашингтон Мадуро имчра мап ацәнакуеит

Венесуела аоппозициатә парламент аиҳабы Хуан Гуаидо атәыла ахада инапынҵақәа назыгӡо ҳәа ихы рылеиҳәеит ажьырныҳәа 23 рзы. Хуан Гуаидо аҳәамҭа ҟаиҵеит аконституциатә зинеиҿкаара ахьчаразы аамҭалатәи аусбарҭақәеи ажәлар ирымхыз активқәа рырхынҳәразы афонди шаԥиҵо.

Вашингтон Венесуела аоппозициатә парламент аиҳабы Хуан Гуаидо атәыла аамҭалатәи ахада ҳәа дазханаҵеит, аҳәамҭагь ҟанаҵеит Венесуела адемократиа аиҭашьақәыргыларазы иалшо зегь шыҟанаҵо.

"Сара иахьа официалла дазхасҵоит Амилаҭтә ассамблеиа аиҳабы Хуан Гуаидо атәыла аамҭалатәи ахадак иаҳасаб ала. Венесуела ажәлар азакәан шьаҭа аҭаны иалырхыз Амилаҭтә ассамблеиа заҵәык ауп. Ассамблеиа атәыла Аконституциа инақәыршәаны Николас Мадуро имчра иашам ҳәа азгәанаҭоит", - ҳәа иҳәеит ЕАА ахада Дональд Трамп.

Ажьырныҳәа 23 рзы Венесуела Иреиҳаӡоу аӡбарҭа Амилаҭтә ассамблеиа аӡбарақәа азакәан шьаҭа рымам ҳәа шьақәнаргылеит.

Аԥсны ахадеи Венесуела ахада Николас Мадурои еиԥылеит

 

53
Атемақәа:
Венесуела имҩаԥысуа аиҿагыларақәа (31)

Аԥсныҟа иааргараны иҟоуп хә-нызқь рҟынӡа атест-системақәа

3
(ирҿыцуп 15:04 07.08.2020)
Аԥсны иахьатәи аамҭазы иааизакны коронавирус рыманы ишьоуп 114-ҩык. Урҭ рҟынтәи 37-ҩык ргәы бзиахахьеит, хҩык ԥсит.

АҞӘА, нанҳәа 7 - Sputnik. Акоронавирустә инфекциа амазаара ашьақәыргыларазы хә-нызқь рҟынӡа атест-системақәа Аԥсныҟа иааргараны иҟоуп, абри атәы Sputnik имҩаԥысуаз апресс-конференциаҿ илҳәеит Агәабзиарахьчара аминистрра ахәышәтәратә усбарҭа аиҳабы Саида Делԥҳа.

"Хара имгакәа хә-нызқь система ааргараны иҟоуп, аха ҳара урҭ изыхәҭаны иҟоу ирзымҩаԥаагалоит", - лҳәеит лара.

Делԥҳа лажәақәа рыла, Аԥсныҟа иаарго атест-системақәа агәаҭара иахыжьуп, рырбагақәа рыгәра угартә иҟоуп.

Иара убас Делԥҳа илҳәеит, нанҳәа 7 рзы Сечин ихьӡ зху аинститут аҟазауаа Аԥсныҟа ишаауа, аковидтә центр ишаҭаауа, иаҭаххар аҭыԥантәи аҳақьымцәа ацхыраара шрырҭо.

Иара убас шәаԥхьар ҟалоит:

  • Аԥснынтә COVID-19 зманы инанаго апациентцәа рзы адкыларҭа дырхиоит Шәача
3
Атемақәа:
Ачымазара ҿкы – акоронавирус Аԥсни адунеи аҿи: иалкаау
Пограничный пункт Ингур в Гальском районе Абхазии

Ҩымш рыла 500-ҩык инарзынаԥшуа ауаа Аԥсныҟа ихынҳәит

6
(ирҿыцуп 15:03 07.08.2020)
Агуманитартә коридор аартуп нанҳәа 5-9 асааҭ 9:00 - 19:00 рзы аамҭала Қырҭтәыла иҟаз Аԥсны атәылауаа хынҳәырц азы.

АҞӘА, нанҳәа 7 - Sputnik. Қырҭтәылантәи Аԥсныҟа ихынҳәит 476-ҩык инареиҳаны агәаҭара-аушьҭратә ҭыԥ "Егры" аҟны иаартыз агуманитартә коридор ала, абри атәы Sputnik имҩаԥысыз апресс-конференциаҿ еиҭеиҳәеит Аҳәынҭқарратә шәарҭадаратә маҵзура аҳәаахьчаратә отриад аиҳабы ихаҭыԥуаҩ Рудольф Цыба.

Цыба, иажәақәа рыла нанҳәа 5 рзы Аԥсныҟа иааиит 188-ҩык, нанҳәа 6 рзы – 288-ҩык.

Агуманитартә коридор аус ауеит нанҳәа 5 - 9 рыбжьара асааҭ 9:00 инаркны 19:00 сааҭ рҟынӡа.

Аҳәынҭқарратә ҳәаа ахысра ҟалоит абарҭ адокументқәа умазар:

  • Атәыла анҭыҵ ауаҩы ихаҿра шьақәзырӷәӷәо Аԥсны атәылауаҩ итәылауаҩшәҟәы;
  • Аԥсны атәылауаҩ иҩнуҵҟатәи азеиԥшуаажәларратә тәылауаҩшәҟәы (2016 шықәсазтәи);
  • Аԥсны аҵакыраҿы иааиԥмырҟьаӡакәа инхо аҳәаанырцә тәылауаҩ, ма атәылауаҩра змам ахаҿы анхарҭа аиуразы ишәҟәы;
  • Аԥсны Аҩнуҵҟатәи аусқәа рминистрра ирынаҭаз аформа №9 ала аилыркаага;
  • 14 шықәса рҟынӡа зхыҵуа ахәыҷқәа ирымазароуп аиразы аршаҳаҭга.

Аҳәаа иахысуа зегьы ргәабзиара аҭагылазаашьа амедико-санитартә хылаԥшра арҭоит.

Аамҭала Қырҭтәыла иҟаз Аԥсны атәылауаа хынҳәырц азы ԥхынгәы 13-17 рзы иаартыз агуманитартә коридор ала 1269-ҩык инареиҳаны ауаа хынҳәит.

6

Адунеи аҿы ираԥхьатәиу: Урыстәыла авирус азы алаҵа ԥыршәоит

3
(ирҿыцуп 15:38 07.08.2020)
Алаҵа аклиникатә ԥышәара мҩаԥнагеит Гамалеи ихьӡ зху аепидемиологиеи амикробиологиеи рыҭҵааратә Центр Сеченов ихьӡ зху ауниверситет аҿы рашәара 18 рзы.

АҞӘА, нанҳәа 7 - Sputnik. Гамалеи ихьӡ зху аепидемиологиеи амикробиологиеи рыҭҵааратә Центр иԥнашәаз урыстәылатәи алаҵа аҭаҩра мҩаԥгахоит нанҳәа 12 рзы ҳәа аанацҳауеит COVID-19 иаҿагылан ақәԥаразы Москва аоперштаб.

Аԥхьа алаҵа рзыҟарҵоит аҳақьымцәеи абыргцәеи ҳәа иҳәеит Агәабзиарахьчара аминистр ихаҭыԥуаҩ Олег Гриднев.

"Уажәы аԥышәара ахԥатәи аетап мҩаԥысуеит. Алаҵа шәарҭара аламзароуп. Аԥхьа алаҵа рзыҟарҵоит аҳақьымцәеи абыргцәеи", - иҳәеит Гриднев, Уфа аонкоцентр акорпус аартраан ажурналистцәа дрыҿцәажәо.

Уаанӡа аминистр Михаил Мурашкоиҳәахьан Урыстәыла массала алаҵаҟаҵара шалшо жьҭаара инаркны. Иара иажәаәқа рыла ахарџьқәа зегьы абиуџьет иҭыгахоит.

38-ҩык хатәгәаԥхарала алаҵа ҟазҵаз ишьақәдырӷәӷәеит алаҵа ашәарҭадара. Алаҵаҟаҵара иахысыз зегьы аиммунитет роуит.

Иара убас шәаԥхьар ҟалоит:

3