Аԥснытәи еизго акомандеи "Олимпи" акомандақәа еицыхәмаруеит

© Фото : Peter GlaserАԥснытәи еизго акомандеи "Олимпи" акомандақәа еицыхәмаруеит
Аԥснытәи еизго акомандеи Олимпи акомандақәа еицыхәмаруеит - Sputnik Аҧсны
Анапаҵаҩра
Аԥснытәи еизго акомандеи Москватәи акоманда "Олимпи" еицыхәмаруеит астадион "Динамо" аҿы Аҟәа, жәабран 2 асааҭ 16:00 рзы.

АҞӘА, ажьырныҳәа 31 – Sputnik, Бадраҟ Аҩӡба. Аԥснытәи еизго акомандеи Москва амҵатәи ақалақь Химки акоманда "Олимпи" еицыхәмаруеит ҳәа Sputnik иазеиҭеиҳәеит Аԥснытәи акоманда азыҟаҵаҩ Беслан Аџьынџьал.

"Акоманда уажәы Адлер аҽазыҟаҵарақәа мҩаԥнагоит. "Олимп" Аԥснытәи акоманда ацыхәмарра шаҭаху азы адырра ҳнаҭеит. Ҳара ҳақәшаҳаҭхеит. Уи ҳара ҳзы ишьахәуп ConIFA ачемпионат аламҭалазы", - иҳәеит Аџьынџьал.

Жәабранмзазы амилаҭтә команда аҽеизнагоит ачемпионат аҽазыҟаҵаразы ҳәа азгәеиҭоит Аԥснытәи акоманда азыҟаҵаҩ Беслан Аџьынџьал.

"Ҳара уажәы ҳтәыла ахьӡала иқәгылараны иҟоу акандидатцәа ралыԥшаара мҩаԥаагоит", - иҳәеит иара.

Аԥсны ашьапылампыл азы Афедерациа ахада Џьума Кәарацхьелиа. - Sputnik Аҧсны
Кәарацхьелиа: Аԥснытәи акоманда ConIFA ачемпионат аҿы аиааира агар алшоит

ConIFA аганахь ала Европа ачемпионат Краков ақалақь аҿы имҩаԥысыз аҵәҭаԥсара ашьҭахь Аԥсныи Ниццеи Чамериеи (Бырзентәыла аҩадатәи ахәҭа) ркомандақәа гәыԥк еицақәшәеит.

ConIFA аганахь ала Европа ачемпионат мҩаԥысраны иҟоуп Степанакерт, 2019 шықәса, рашәарамза 1 -16 рзы. Зынӡа ачемпионат иалахәхоит 12 команда.

Ихьыԥшым ашьапылампылтә ассоциациақәа Рконфедерациа ConIFA, шьаҭаркын рашәарамза 7 2013 шықәса рзы. Иара еиднакылоит FIFA аофициалтә еилазаара иалам ашьапылампылтә командақәа. Иара аилазаара иаҵанакуеит 40 команда.

2016 шықәса рзы Аԥсны имҩаԥысит ConIFA адунеи ачемпионат. Аԥшәмацәа атурнир аҿы аиааира ргеит, адунеи иачемпионцәахеит.

Ажәабжьқәа зегьы
0