Аслан Кәыркәнаа

Асахьаҭыхыҩ-ауасҭа: Аслан Кәыркәнаа иҟазаратә баҩхатәра аганқәа

185
(ирҿыцуп 17:53 01.02.2019)
Аурыс драматә театр асахьаҭыхыҩ Аслан Кәыркәнаа иусура хада иҽахаршәаланы амҿлых макетқәа ҟаиҵоит. Инапкымҭақәа иреиуоуп аԥсуа ԥацха, акалаҭ, амҵәышә, ауардын уҳәа. Иара иусумҭақәа, хадаратәла, аԥсуа бзазара аҟнытә ауп ишаагоу.

Аинар Ҷыҭанаа, Sputnik

Аҟазаратә маҵурҭа

Атеатр азы адекорациақәа ахьдырхио ауадаҿы зеиуахкы уҭаху амыругақәа улаԥш иҵашәоит: ажьаҳәа, ахәархь, ашьалашьын уҳәа.

Иаразнак уԥынҵа иааҭасуеит ҿыц ихдырффааз аӷәаӡа афҩы лаҳалаҳауа. "Ара заҟа декорациа ҩнаҳгалахьо, иҩнаҳгахьо - ԥхьаӡашьагьы амам", - абас даалафит ашә ҳзаазыртыз аԥшәмагьы.

Арҿиаҩы ирҿиамҭа: Езаҭ Џьениа иҳамҭаҷқәа

Аганахьшәа аҭӡамц иадҟаҵалоу "амаҵурҭа маҷ" акәзар, иуанаҳәоит уахгьы-ҽынгьы ара аус шеилашуа, акрыфарҭахь ацаразы аамҭа шнымхо. Ауада уахьыныҩнало, агәҭахьшәа, еивагылоуп напыла ишышу аԥсуа ԥацха амакетқәа хԥа. Урҭ рыгәҭаны игылаз аԥацха егьырҭ "ишреиҳабыз" аҟара еилукаартә иҟан, аха иара Аслан иабду 50 шықәса раԥхьа иишышыз ԥацхоуп ҳәа сгәы иаанагомызт.

Асахьаҭыхыҩ қәыԥш иажәақәа рыла, ҩышықәса раԥхьа атеатр ахь аусура данаауаз ари амакетгьы ааигеит. Избан акәзар, уеизгьы-уеизгьы аԥацхашышра аԥышәа ахьимамыз аҟнытә, иабду инапкымҭа даҿыԥшны ихатәы макет аҟаҵара кыр иус армарион.

Работа Саиды Пилия
© Фото : предоставлено С. Пилия

Аслан иара убасгьы иазгәеиҭеит иан лганахьала иабдугьы амҿлых макетқәа рыҟаҵара кыр инапы шазыманшәалоу. Иара иажәақәа рыла, уигьы иҿиҵааз маҷым.

Аҟаза инапкымҭақәа рфотолента шәахәаԥшыр ҟалоит абра>>

"Сара исзымдыруа азҵаара ианакәзаалак сацәыԥхашьаӡом. Хымԥада, уеиҳабацәа реиԥш аӡәгьы умҩақәиҵаӡом, акы уҵарц уҭаххаҵәҟьар. Иахьагьы, аҵара сзырҵоз асахьаҭыхыҩцәа рҟынтәи абжьгарақәа гәахәара дула исыдыскылоит", - иҳәеит иара.

Кәыркәнаа излеиҳәаз ала, амакетқәа рыҟаҵара – кыр ачҳареи амаашьареи зҭаху, зегьы рҟазшьа изақәымшәо усуп. Иара игәалаиршәеит иашьеи иареи анмаҷқәаз еиҳа еиӷьу аԥацха хәыҷы зшышуа ҳәа ишеисоз. Аха аамҭа анца иараӡәк иоуп анапкымҭатә ҟазарахь аинтерес ззынхаз.

© Sputnik / Томас Тхайцук
Аслан Кәыркәнаа

Ауардын хәыҷқәа рзааигәара иқәгылан агареи аҭәарныҟәагеи рмакетқәа. Асахьаҭыхыҩ урҭ ахәыҷбаҳчазы ишыҟаиҵаз ҳаиҳәеит. Иара иажәақәа рыла, ааӡаҩцәа арҭ анапкымҭақәа рахь азҿлымҳара ду аадырԥшит, иагьырҭаххеит амакетқәа алабҿабатә материал аҳасабала ироурц.

Асида Зыхәԥҳа илзымҳәо еиҭазҳәо лнапкымҭақәа

Аслан инапкымҭақәа злихуа амаҭәахә шеидигало атәы ҳаниазҵаа, иҳаиҳәеит атеатртә декорациақәа рзы амаҭәахә анаарго, аԥацхақәа, акалаҭқәа рмакет злыҵша амҿлыхгьы шацаархәо. Еиҳа иманшәалоуп, иӷәӷәоуп ахьатә ӷәқәа. Аха урҭ рырхиара еиҳа ауадаҩра ахьацу аҟнытә Аслан ихы иаирхәоит аԥса. Абыца акәзар, асахьаҭыхыҩ ихаҭа абнахь дцаны иааигоит. Анаҩс, абыца аӡыршы иӡааҵаны иӡлаирчуеит. Амаҭәахә ишахәҭоу ианирхиалак ауп аргыларатә усқәа рахь даниасуа.

Аҟауар шьҭаҵаны, ақыцә ахь…

Аԥацха хәыҷқәа зегьы "ҳанрыҩныс", ауардынқәа зегьы "ҳанрықәтәа", уи алагьы "ҳекскурсиа" нҵәеит ҳәа азыӡбаны ауада ҳаадәылҵит. Аха рацәак ихарамкәа даҽа уадак ахь ашә ҳзаатын, ашәхымс ҳнахыҵит. Аригьы Аслан Кәыркәнаа иҩызцәеи иареи аус ахьыруа уадазаап, аха амакетқәа рҭыԥан ара аҿыханҵатә ҭыхымҭақәа роуп улаԥш зықәшәо.

Асахьаҭыхыҩ қәыԥш иқыцә иҭнахызгьы ижьаҳәа иачаԥаз кыр иазааигәан. Аслан ихаҭа излаирҵабыргыз ала, уажәы иаҳирбоз иҭыхымҭақәа рҟны иааирԥшыз инапала иҟаиҵаз амакетқәа роуп. Иара изанааҭ ахаҭаҿгьы аԥсуа бзазаратә маҭәарқәа иахьынӡауа ала дрыцәхьаҵӡом, тема хаданы имоуп.

"Сара исгәаԥхоит аҿар аԥсыуала, аиҳаби-аиҵби еиламырҩашьакәа ахымҩаԥгашьа ианақәшәо. Абас еиԥш аԥсуа нхашьа-нҵышьа ӡырызго акы уанаҿу еиҳагьы аԥсуара уазааигәанатәуеит, иара уахәҭакхоит. Сҩызцәа рхыԥхьаӡараҿгьы имаҷым аҟазара знапы алаку. Дареи сареи лассы-лассы ҳаибабалоит, еимаҳдоит макьаназы имаҷу ҳԥышәа. Ҳаԥхьаҟа уи аԥышәа еиҳа-еиҳа иазҳалап ҳәа сгәыӷуеит", - иҳәеит иара.

Ҳцамҭазы сылаԥш ақәшәеит акәакьахьшәа аҭӡамц икыдыз аҳаҭыртә бӷьыц. Аха уи рацәак ҵакы амаӡам. Зегьы ирыцкуп арҭ ауадақәа рҿы еиԥҟьарада ицо аусура.

Новогодний Арт-маркет на площади Свободы в Сухуме
© Sputnik / Илона Хварцкия
Аслан Кәыркәнаа иҟаиҵаз аԥацха

 

185
Атемақәа:
Sputnik апроект ҷыда "Аҟазацәа ртәыла" (20)

Аслан Бжьаниа дырҭааит аполигон Ҵабал аҿы Урыстәылеи Аԥсни рыруаа рҽазыҟаҵарақәа

1
Хнызқьҩык инарзынаԥшуа Урыстәылеи Аԥсни рыруаа рҽазыҟаҵарақәа ирылагеит ԥхынгәы 8 рзы.

АҞӘА, ԥхынгәы 10 - Sputnik. Аԥсны ахада, Аԥсны арбџьармчқәа рыдҵаҟаҵаҩ хада Аслан Бжьани аполигон Ҵабал имҩаԥысуаз Урыстәылеи Аԥсни рыруаа рҽазыҟаҵарақәа дырҭааит ҳәа аанацҳауеит атәыла ахада ипресс-маҵзура.

  • Аслан Бжьаниа дырҭааит Урыстәылеи Аԥсни рыруаа рҽазыҟаҵарақәа
    © Foto / пресс-служба Президента Республики Абхазия
  • Аслан Бжьаниа аицҽазыҟаҵарақәа ахәшьара бзиа риҭеит
    © Foto / пресс-служба Президента Республики Абхазия
1 / 2
© Foto / пресс-служба Президента Республики Абхазия
Аслан Бжьаниа дырҭааит Урыстәылеи Аԥсни рыруаа рҽазыҟаҵарақәа

 

Бжьаниа аҽазыҟаҵарақәа рымҩаԥысшьа бзиоуп ҳәа азгәеиҭеит.

"Аиҿкаара ҳарак аман имҩаԥысуеит ауснагӡатә. Архәҭақәа реинырра аус адулан. Избаз сгәы иахәеит. Атәыла анапхгара ԥхьаҟагьы асеиԥш иҟоу ҳарбџьармчқәа рырӷәӷәара иазырхоу аусқәа рымҩаԥгара адгылара арҭалоит", - иҳәеит атәыла ахада.

Мҽхакыҭбаалатәи аҽазыҟаҵаратә уснагӡатәқәа мҩаԥысуан аполигонқәа Нагвалоуи Ҵабали.

Иара убасгьы аҽазыҟаҵарақәа ирыцҵан Амшын еиқәа аԥшаҳәаҿы. Амотохысцәеи аҳауаҽацәыхьчаратә ҟәшақәеи, аԥшыхәцәеи, артиллеристцәеи ахыхьчаратәи ажәыларатәи усқәа аус рыдырулеит.

Иааидкыланы аҵара-ҽазыҟаҵарақәа ирылахәуп 3 нызқьҩык аруааи 300 ак арратә техникеи.

Иара убас шәаԥхьар ҟалоит:

1

Шьаҿак ԥхьаҟа: Аԥсны Ажурналистцәа реидгыла Жәларбжьаратәи Афедерациа иаларҵеит

3
Аԥсны Ажурналистцәа реидгыла Ажурналистцәа Жәларбжьаратәи рфедерациахь ирыдыркылеит ассоциациа алахәылак аҳасаб ала ԥхынгәы 9 рзы. Ари ахҭыс ҟаларц азы ареспублика ажурналисттә еилазаара ҩышықәса аџьабаа адырбалеит.

Аԥсуа журналистика жәларбжьаратәи азхаҵара шаиуз, уи ареспубликатә АИХқәа рзы ҵакыс иамоу, Ажурналистцәа реидгыла апланқәа уҳәа инарҭбаау аинформациа Sputnik аматериал аҿы.

Сариа Кәарцхьиаԥҳа, Sputnik

Аԥсуа журналистика жәларбжьаратәи азхаҵара шаиуз атәы аиҭаҳәара далагаанӡа, Аԥсны Ажурналистцәа реидгыла ахантәаҩы Руслан Ҳашыг иколлегацәа ирыдигалеит Ажурналистцәа Жәларбжьаратәи рфедерациа ахада ихаҭыԥуаҩ, Урыстәыла Ажурналистцәа реидгыла амаӡаныҟәгаҩ, абри ахҭыс алзыршаз иреиуоу Тимур Шафир ивидеонҵамҭа.

"Гәахәара дула исҳәоит Аԥсны Ажурналистцәа реидгыла Ажурналистцәа Жәларбжьаратәи рфедерациахь ишрыдыркылаз еицҿакрыла ԥхынгәы 9 рзы. Ари аҵак ду змоу хҭысны сахәаԥшуеит Аԥсны ажурналисттә еилазаара аҿиаразы. Агәра згоит Аԥсны ажурналистцәа Реидгыла Ажурналистцәа Жәларбжьаратәи рфедерациа аилазаараҿ иақәнагоу аҭыԥ шааннакыло азы", - иҳәоит Шафир.

Ажурналистцәа Жәларбжьаратәи рфедерациа – аџьатәи, асоциалтәи, аекономикатәи зинқәа зыхьчо еиҿкаароуп.

Руслан Ҳашыг иажәақәа рыла, Аԥсны Ажурналистцәа реидгыла ари аилазаара ралалара аԥсуа журналистика азхаҵароуп иаанаго.

Аԥсны Ажурналистцәа реидгыла Ажурналистцәа Жәларбжьаратәи рфедерациахь алаларазы ҩышықәса инарзынаԥшуа аусурақәа ирҿын. Аха, аиашаҵәҟьа иуҳәозар, ари ашьаҿа хацыркын Дырмит Гәлиа раԥхьатәи аԥсуа газеҭ "Аԥсны" аныҭижь инаркны.

"Ари ихароу мҩан. Ахгьы кын аԥсуа литература ашьаҭаркҩы Дырмит Гәлиа раԥхьатәи аԥсуа газеҭ "Аԥсны" аныҭижь инаркны. Ҳара аҭоурыхтә мҩа ду ҳанысит. Ииасыз ашықәс азы Аԥсны Ажурналистцәа реидгыла ашьаҭаркра 50 шықәса ахыҵра азгәаҳҭеит. Абарҭ зегьы иацы аҭыԥ зауз ахҭыс иахәҭакуп. Избанзар иалшаӡом еизарак аҟынтә даҽа еизарак ахь, напхгаҩык иҟынтә даҽа напхгаҩык иахь аиасраан ажурналистика аҽеиҭанакырц. Аԥсны Ажурналистцәа реидгыла ари аилазаара ралалара аԥсуа журналистика азхаҵароуп иаанаго", - иҳәеит Ҳашыг.

Руслан Ҳашыг игәалаиршәеит ҩышықәса раԥхьа Аԥсни Урыстәылеи ржурналистцәа реидгылақәа аиқәшаҳаҭра рнапы шеицаҵарҩыз. Уинахыс аусеицура шеицымҩаԥырго.

"Иазгәасҭар сҭахуп Урыстәыла Ажурналистцәа реидгыла анапхгара, ҷыдала Владимир Соловиови Тимур Шафири, абри аус акыр ишазааԥсаз. Тимур Шафир Ажурналистцәа Жәларбжьаратәи рфедерациаҿ Аԥсны Ажурналистцәа реидгыла аинтересқәа дрыҵагылон иацынӡа. Иҭҵаан Аԥсны Ажурналистцәа реидгыла аԥҟаԥҵәа, Аԥсны ажурналисттә еилазаара ахаҭа. Ари аамҭа рацәа зҭаху процедуроуп", - иҳәеит иара.

Ихьыԥшым аԥыжәара рымоуп

Ажурналистцәа Жәларбжьаратәи рфедерациахь Аԥсны Ажурналистцәа реидгыла алалараан азхьаԥшра аҭан ареспубликаҿ ихьыԥшым АИхқәа рыҟазаара.

"Ари аԥыжәара зырҭо усуп, хырхарҭоуп. Афедерациа алалараан азхьаԥшра арҭоит. Аибашьра ашьҭахь ҳколлегацәа ауадаҩрақәа зегьы ириааины ихьыԥшым ажурналистика ашьақәыргылара рылшеит. Ари иаанагоит аԥсуа журналистика шьақәгылеит ауп. Ари ҳзеиԥш еихьӡароуп", - ҳәа иҳәоит Руслан Ҳашыг.

Аԥсны Ажурналистцәа реидгылазы ари аилазаара алалара цхыраароуп, дгылароуп, аҳәаанырцәтәи ҳколлегацәеи ҳареи аимадарақәа ҳабжьаҵароуп, азанааҭ аҿы иԥхьаҟацароуп.

"Жәларбжьаратәи афедерациа алахәылак аҳасаб ала аҟазаара алшара ҿыцқәа рымҩа аанартуеит. Жәларбжьаратәи афедерациаҿ иналкаау принципиалтә позицианы иҟоуп азинхьчаратә усура, аҵараҵаратә хырхарҭа, ажурналистцәа рсоциал-политикатәи рекономикатәи статус. Иарбоу атезисқәа ируакуп – адунеи аҿы еидгыла заҵәык аусура ааннакылар, адунеитә журналисттә еилазаара зегьы рзы ақәҿыҭра зырҭаша ҭагылазаашьахоит. Ҳара есыҽнытәи ҳапроблемақәа реиԥш зеиԥшу змоугьы рацәаҩуп", ҳәа азгәеиҭеит Ҳашыг.

Аԥсны Ажурналистцәа реидгыла ахантәаҩы иҳәеит аԥсуа журналистцәа ирус хаданы иҟоу ауаажәларра рымаҵ ауроуп, иобиективтәуи иоперативтәуи информациала реиқәыршәароуп ҳәа.

Руслан Ҳашыг иҳәеит асоциалтә ҳақәа, ателеграмм-каналқәа рцәырҵра апроблемақәа цәырыргоит ажурналист изы ҳәа.

"Заҟа ҭакԥхықәра аҵоузеи анонимцәа рындаҭлара, ажәабжь ԥаршеи аиааира. Уажәы Жәларбжьаратәи афедерациа аҟазауаа абри аганахьала абжьгарақәа аус рыдырулоит", - иҳәоит Ҳашыг.

Ԥхьаҟатәи апланқәа

Руслан Ҳашыг иколлегацәа ирзеиҭеиҳәеит Ажурналистцәа Жәларбжьаратәи рфедерациа анагӡаратә еилак аҿы ишрыдкылаз аӡбамҭа 2020 шықәса рзы Монголиа апрофессионалтә еилазаара аконгресс мҩаԥгазарц.

"Шәачатәи афорум аҳәаақәа ирҭагӡаны ҳареи Монголиеи Болгариеи рзанааҭтә еилазаарақәеи аусеицуразы аиқәшаҳаҭрақәа ҳнапы рыҵаҳҩит. Усҟан ирацәыҩын алаф ҳалызхуаз, "Монголиа ажурналисттә еилазаареи ҳареи ҳаиқәшаҳаҭра иалаҳхуазеи" ҳәа. Абар, уажәы ари афорум ахь адунеи зегь аҟынтәи 400-ҩык рҟынӡа ажурналистцәа наԥхьахоит, имҩаԥгахоит афедерациа аконгресс", - иҳәоит Ҳашыг.

Аԥсны Ажурналистцәа Реидгыла шьаҭаркын 1968 шықәса рзы. 2019 шықәса рзы ирыӡбеит Ажурналистцәа Жәларбжьаратәи рфедерациа Ажурналисттә етика ахартиа адларазы.

Иара убас шәаԥхьар ҟалоит:

3