Аԥсуа қәԥаҩцәа Калининградтәи атурнир аҿы аԥыжәарақәа роуит

Аԥсуа қәԥаҩцәа Калининградтәи атурнир аҿы аԥхьахәқәа ргеит

56
(ирҿыцуп 15:37 04.02.2019)
Зых иақәиҭу ақәԥаразы Жәларбжьаратәи атурнир мҩаԥысит Калининградтәи аобласт аҿы жәабран 1 - 3 рзы.

АҞӘА, жәабран 4 – Sputnik, Сариа Кәарацхьелиаԥҳа. Асовет Еидгыла ҩынтәны Афырхаҵа, ар реинрал Черниаховски игәалашәара иазку зых иақәиҭу ақәԥаразы Жәларбжьаратәи атурнир аҿы аԥснытәи аспортсменцәа аԥхьахәқәа ргеит ҳәа Sputnik иазеиҭеиҳәеит аспортсменцәа руаӡәк иазыҟаҵаҩ Игор Бераиа.

Жәларбжьаратәи атурнир мҩаԥысит Калининградтәи аобласт аҿы жәабран 1 - 3 рзы. Атурнир иалахәын 200-ҩык рҟынӡа аспортсменцәа Урыстәыла, Прибалтика, Аԥсны, Белоруссиа, Швециа, Германиа рҟынтәи.

"Едуард Урчуков актәи аҭыԥ никылеит, Астан Адлеиба – аҩбатәи, Дауҭ Џьопуеи Олег Урчукови – ахԥатәи аҭыԥқәа", – ҳәа иҳәеит азыҟаҵаҩ.

Атурнир иалахәын Калининград ахьӡала иқәгылоз аԥснытәи аспортсменцәа Даниил Харчилааи Ричи Сыҷинааи.

"Дара Калиниград аҵара рҵоит, уа рҽазыҟарҵоит аспорттә школ аҿы. Виктор Ходжаев иазыҟаиҵоит. Аолимпиатә резерв иалахәуп. Аспортсменцәа рҩыџьагьы еиуеиԥшым акапанқәа рҿы актәи аҭыԥқәа ныркылеит", - иҳәоит Бераиа.

Асовет Еидгыла ҩынтәны Афырхаҵа, ар реинрал Черниаховски игәалашәара иазку зых иақәиҭу ақәԥаразы Жәларбжьаратәи атурнир мҩаԥысит Калининградтәи аобласт аҿы жәабран 1 - 3 рзы.

© Foto / предоставлено Игорем Берая
Турнир посвященный памяти И. Д. Черняховского

 

56