Ажурнал "Алашара" ашықәсазтәи апремиақәа ранашьара мҩаԥысит

140
(ирҿыцуп 15:54 09.02.2019)
Шықәсык аҩныҵҟа ажурнал аҟны икьыԥхьыз аҩымҭақәа иреиӷьхо премиала иалыркаауеит.  Аредколлегиаҿы хшыҩзышьҭра зырҭо алитературатә жанрқәа иреиуоуп: апоезиа, апроза, алитератураҭҵаара, акритика. Убри аангьы аиҳабыратә абиԥареи аиҵбыратәи хаз-хазы апремиақәа ранаршьоит.

Аинар Ҷыҭанаа, Sputnik
Апремиақәа ранашьаразы ажурнал аредколлегиа иалнахит акомиссиа. Уи иалахәхеит: академик Шоҭа Салаҟаиа; апоетесса Гәында Сақаниаԥҳа; апоет-адраматург Валери Касланӡиа, апоет-апрозаик қәыԥш Саида Ҳаџьымԥҳа; апоет, алитературатә критик Валентин Кәаӷәаниа.

Имҩаԥгаз маӡалатәи абжьыҭира алҵшәақәа рыла, аиҳабыратә абиԥараҟны апоезиа ахкала апремиа ланашьан Гәында Кәыҵниаԥҳа; апроза ахкаҿы - Алықьса Гогәуа, иажәабжь "Ӡаҳкәажә" азы; акритикаҿы – Анатоли Лагәлаа, истатиа "Шәааи ҳхәышҭаарахьы" азыҳәа.

Аҿар рыбжьара апремиақәа еихшахеит абас: апоезиаҿы – Абзагә Аҟалӷьба, иажәеинраала ҿыцқәа рзы; апрозаҟны – Хаҭуна Кәасиаԥҳа, лажәабжь "Исыхәҭамыз аконфеҭ" азы; алитератураҭҵаара ахырхарҭаҟны – Дифа Габниаԥҳа. Уи лыкритикатә статиа иахьӡуп "Алықьса Џьениа ироман "Анымираҳ – ҩыџьа рынцәахәы" аҟны аԥҳәыс лхаҿсахьа шаарԥшу".

Алитература-сахьаркыратә ауаажәларра-политикатә журнал "Алашара" аредактор хада ихаҭыԥуаҩ, акомиссиа алахәыла Валентин Кәаӷәаниа еиҭеиҳәеит аҩымҭақәа ралхра шымҩаԥысуаз. Иара иажәақәа рыла, алшықәса аҩныҵҟа ажурнал аҟны аиҭакьыԥхьрақәагьы ҟалалоит, аха апремиа занаршьо раԥхьаӡакәны акьыԥхь збаз, "зыԥсы ҭоу" аҩымҭақәа роуп.

Ажурнал "Алашара" аредактор хада Анатоли Лагәлаа еиҭеиҳәеит быжьба-ааба шықәса раахыс ашәҟәыҩҩцәа иранаршьо апремиа шаԥшьгахаз, насгьы азныказы уадаҩрақәас ицәырҵуаз. Иара иажәақәа рыла актәи ашықәсқәа рзы аҟәрышь рацәамызт. Аха аамҭа цацыԥхьаӡа уи ахыԥхьаӡарагьы ашьҭыхра алыршахеит, аҿаргьы хазы иранаршьо иалагеит.

Иара убас, аредактор хада дрылацәажәеит апремиа анашьараан хымԥада изықәныҟәо аԥҟарақәа. Ашықәс аҩныҵҟа зҩымҭақәа ажурнал ианымлаз аредколлегиа алахәылацәа роуп аҩымҭақәа маӡалатәи абжьыҭирала иалзхуа. Анаҩс, зегь рыла ииашаны абжьыҭира мҩаԥгахарц азы аурнақәа рхы иадырхәоит.

"Хышықәса раԥхьанӡа апремиа 20 нызқь мааҭ рҟынӡа инаӡон. Аха ашьҭахь уи аҟәрышь маҷк ихырҵәеит, уажәы досу 15 нызқь мааҭ раҳҭоит. Ҳәарада, ари ашәҟәыҩҩцәа рзы уеизгьы-уеизгьы ихәарҭа дуӡӡоуп ҳазҳәом, аха ҳара ҳаизшәарақәа рыла имаҷзаргьы, ицхыраагӡоуп. Еиҳа еиҳахар, хымԥада агәацԥыҳәарагьы иацлоит", - иҳәеит ашәҟәыҩҩы.

Анатоли Ианкәа-иԥа иазгәеиҭеит ажурнал аредакциа ҷыдала аҿар шыгәцаранакуа, аҩра знапы алаку ахылаԥшра шрынаҭо. Иара иажәақәа рыла, амилаҭтә литература иаҵагылаша аҿар аԥеиԥш бзиа рзыԥшуп.

"Аԥсуа милаҭтә литература иаланагало арҿиаҩ қәыԥшцәа шамахамзар ажурнал "Алашара" ашәхымс ихыҵқәаз роуп. Иҟан ашықәсқәа номерк шеибгаз аҿар ианырзаҳкуаз. Хымԥада, кырӡа ихәарҭахон дырҩегь уи аԥышәа ҳаиҭазыхынҳәыр. Аха иахьагьы аҿари ҳареи ҳаимадара хьысҳауп ҳәа ҳҳәар ауам. Лассы-лассы дареи ҳареи ҳаиԥылоит, ажурнал аредакциаҿ адагьы, ашәҟәыҩҩцәа Реидгылаҿгьы ирзыҭҳажьуеит ашәҟәқәа, ирзеиҿаҳкаауеит асеминарқәа. Ҿыӷәӷәала исҳәар сылшоит аҵыхәтәантәи 20 шықәса рыҩныҵҟа аҿари ҳареи аимадара бзиа ҳабжьоуп ҳәа", - азгәеиҭеит аредактор хада.

Апоет, ажурнал "Алашара" апоезиа аҟәша аредактор Дырмит Габалиа ицәажәараҿы, есышықәса иааиԥмырҟьаӡакәа апремиақәа ранашьара ахьымҩаԥысуа арҿиаҩцәа рзы кыр шаҵанакуа иҳәеит. Насгьы иазгәеиҭеит апремиа иартәо аҟәрышьгьы ҟәнушьартә ишыҟам.

"Ажурнал ҟәаз ҳәа изышьҭоу аилкаара иашьашәало, аԥсышәа мацарала еиқәыршәоу аҭыжьымҭа Аԥсны ажурнал "Алашара" заҵәык ауп иҟоу. Иара раԥхьаӡа инаргыланы илитература-сахьаркыратәуп, анаҩс иуаажәларра-политикатәуп. Уи инаваргыланы, анаука аус азызуа рматериалқәагьы ажурнал адаҟьақәа рҟны иаҳкьыԥхьуеит. Убри аҟнытә "Алашара" хәышҭаарахеит алитература иазааԥсо рзы адагьы, арҿиара егьырҭ ахырхарҭақәа рҿы аус зуа ауаа рзгьы. Абарҭқәа зегьы ҳасаб рзуны ауп апремиақәагьы шаԥҵаз. Абраҟа иазгәаҭатәуп Аԥсны зхатәы премиа змоу, инеиԥмырҟьаӡакәа, есышықәса иреиӷьхаз ашәҟәыҩҩцәа алызкаауа даҽа журналк шыҟамгьы. Убри аҟнытә ари аҭагылазаашьа даараӡа пату ақәҵалатәуп", - иҳәеит иара.

Алитература-сахьаркыратә ауаажәларра-политикатә журнал "Алашара" апремиақәа ранаршьеит аиҳабыратәи аиҵбыратәи абиԥарақәа хаз-хазы, ахырхарҭақәа хԥа рыла: апоезиа, апроза, алитератураҭҵаара. Абасала, ажурнал апремиақәа зынӡа фба ыҟоуп.

140

Аҟәа ахәышәтәырҭаҟынтәи ибналаз ахаҿы иҽриҭеит

2
Гурген Кракосиан уаанӡагьы аусӡбара даҵанакхьан. Уажәы ибналара адагьы абџьари аџьаԥҳани закәаншьаҭада рымазаара ихарарҵоит.

АҞӘА, рашәара 5 - Sputnik. Рашәара 1 азы Ареспубликатә хәышәтәырҭа хадаҟынтәи ибналаз, зус рыӡбараны иҟаз Гурген Киракосиан азинхьчаратә усбарҭақәа иҽриҭеит ҳәа аанацҳауеит Аҩнуҵҟатәи аусқәа рминистрра апресс-маҵзура.

"Киракосиан азинхьчаратә усбарҭақәа рахь дцәырҵны ихы риҭеит рашәара 4 рзы иара иганахьала аоператив-ԥшааратә уснагӡатәқәа рымҩаԥгараан", - ҳәа арбоуп адырраҭараҿы.

Уаанӡатәи адыррақәа рыла, Иашҭхәа ақыҭан инхо Гурген Киракосиан, абџьари аџьаԥҳани закәаншьаҭада рымазаара зхараҵаны зус рыӡбараны иҟаз, Ареспубликатә хәышәтәырҭа ахирургиа аҟәшаҿы дышьҭан.

Рашәара 1 ашьыжь асааҭ фба рзы иара инапқәа злаҿаҳәаз ԥыртны, ашьаршьафқәа еидҿаҳәаланы ахԥатәи аихагыла аԥенџьыр аҟынтәи дылбааны дыбналеит.

Абри ахҭыс ала Киракосиан иганахь ихацыркын "дахьҭакыз аҟынтәи абналара" иаҵанакуа ацәгьоуразы ахәҭаҷ инақәыршәаны.

Уажәы Киракосиан Аԥсны ААР аамҭалатәи аанкыларҭаҿы дҭакуп ҳәа аҳәоит апресс-маҵзура адырраҭараҿы.

Иара убас шәаԥхьар ҟалоит:

2

Барганџьиа аԥхасҭа узҭо амаҵақәа рҿагылара иазкны: ахәшәқәа рзы уадаҩра ҟалом

11
(ирҿыцуп 12:16 05.06.2020)
Ақыҭанхамҩа аминистрра агрономиа аҟәша аиҳабы Едуард Барганџьиа арадио Sputnik Аԥсны аефир аҟны еиҭеиҳәеит ахәаҷамаҷқәа рҿагыларазы аԥхьатәи ахәшәтәра зламҩаԥыргаша араионқәа рқыҭанхамҩатә ҟәшақәа ирызшоуп ҳәа.
Барганџьиа ахәаҷамаҷакәа рҿагылара иазкны: ахәшәқәа рзы уадаҩра ҟалом

"Ақыҭанхамҩа аминистрраҟынтәи ахәшәқәа араионқәа зегьы ираҳҭеит. Уажәааны амармалташьтә пты ацәырҵра иалагоит. Иаагозар, араионқәа абас ирзеихаҳшеит: Гагра - 100 литрак, Гәдоуҭа - 700, Аҟәа - 160, Гәылрыԥшь - 1200, Очамчыра - 140, Тҟәарчал - 900, Гал - 1600 литра. Апальмақәа рыхәшәтәразы ақыҭанхамҩатә институт 100 литрак раҳҭеит, аекологиазы аҳәынҭқарратә еилакы - 500 литра уҳәа. Иааизакны иуԥхьаӡозар еихаҳшаз ахәшәқәа 6 нызқьи 400 литра рҟынӡа инаӡоит. Ари уажәы аԥхьатәи аҿагыларазы ирызхоит. Иҵегьы ҳара ҳазыԥшуп Урыстәыла ақыҭанхамҩа аминистрраҟынтәи ацхыраара, иҳауроуп ахәшәқәа. Урҭ ақыҭақәа еихшаны ирырҭароуп араионқәа рыҟны иҟоу ақыҭанхамҩатә ҟәшақәа. Аҭыԥ аҟны иазҿлымҳаны ианаамҭоу анхацәа ирзыршароуп. Аминистрраҟынтәи убӷа икыдуҵо ахәшә ақәҭәагақәа сынтәа араионқәа ираҳҭеит 106 цыра. Ахәшәқәа ршараан иара (аԥхасҭа ҟазҵо амаҵа - аред.) иаҳа иахьҿио ҳәа ҳасаб азун. Ҵыԥх акәзар, араионқәа рҟынтәи иҳадаҳкылаз амармалташьтә пты 5 тоннаки 400 кьыла рҟынӡа ыҟан", - ҳәа азгәеиҭеит Барганџьиа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

11

Бырзентәыла Атәылахьчара аминистрра Ҭырқәтәылеи иареи реибашьра ишазыхиоу аҳәеит

1
Мышқәак раԥхьа Ҭырқәтәыла аиҳабыра ргазеҭ аҿы аҳәамҭа ҟаҵан абырзен дгьылбжьахақәа рааигәара арацәаӡри аҟазаара аҭҵаареи аҵхреи рзы азин ҷыда аиуразы азыҳәа ҟаҵоуп ҳәа.

АҞӘА, рашәара 5 - Sputnik. Бырзентәыла Атәылахьчара аминистр Никос Панаиотопулос аҳәамҭа ҟаиҵеит атәыла асуверентә зинқәа рыхьчаразы бџьаршьҭыхла аҿагылара ишазыхиоу.

"Аҵыхәтәантәи аамаҭқәа рзы Ҭырқәтәыла ахымҩаԥгашьа агрессиа аҵоуп. Сара исыԥхьаӡоит Ҭырқәтәыла ахымҩаԥгашьа арҭынчразы ганкахьала иҟоу адипломатиатә лшарақәа зегьы ахархәара рыҭатәуп, даҽа ганкахьала арратә мчра ахы иархәатәуп", - иҳәеит иара, ателеканал Star аинтервиу аҭо. Абри атәы аанацҳауеит РИА Новости.

Ателеканал ажурналист изҵаара "Иазыхиоума Бырзентәыла бџьаршьҭыхла аимак аҭыԥ ақәҵара?" Панаиотопулос аҭак аиҭеит "Иазыхиоуп" ҳәа.

"Ҳара аҭагылазаашьа аиҭакра ҳазыхиоуп. Арбџьармчқәа рхархәарагьы абрахь иналаҵаны. Усеиԥш ҳҭахым, аха ҳзинқәа рыхьчаразы уаҳа аҽак аанымхозар, ҳахиоуп", - иҳәеит аминистр.

Мышқәак раԥхьа Ҭырқәтәыла аиҳабыра ргазеҭ аҿы иҟаҵан аҳәамҭа абырзен дгьылбжьахақәа рааигәара арацәаӡри аҟазаара аҭҵаареи аҵхреи рзы азин ҷыда аиуразы азыҳәа ҟаҵоуп ҳәа.

Бырзентәыла Адәныҟатәи аусқәа рминистр Никос Дендиас ашәахьаҽны аҳәамҭа ҟаиҵеит Ҭырқәтәыла Бырзентәыла асуверентә зинқәа амнахырц агәы иҭоуп ҳәа. Ари провокациоуп ҳәагьы ахиҳәааит.

Аганқәа рыбжьара аибарххара ҟалеит жәабранмза анҵәамҭазы. Усҟан Ҭырқәтәыла аҳәамҭа ҟаанҵеит Идлибтәи амигрантцәа шазаанымкыло азы, Евроеидгылеи иареи рҳәаа аанартит. Зықьҩыла ахҵәацәа Бырзентәылаҟа идәықәлеит.

Афины аҭакс аҳәаақәа анаркит. Ҭырқәтәылеи Бырзентәылеи рҳәаа 190 километра иреиҳауп.

Бырзентәыла Османтәи аимпериаҟынтә ахьыԥшымра аиуит 1821 шықәса рзы. Уи аахыс бџьаршьҭыхлатәи аиҿагыларақәа ԥшьынтә аҭыԥ рыман: 1897 шықәса рзы, Актәи Балкантәи аибашьраан, Актәи адунеизегьтәи еибашьраан, 1919—1922 шықәсазы аҭырқә-абырзен еибашьраан.

1