Ҭемыр Ҷкотуа: Аҟәа хышә лифт рҟынӡа ԥсахтәуп

Анапаҵаҩра
Аҟәа ақалақь аҿы 250 рҟынӡа аус зымуа алифтқәа ыҟоуп иҳәеит Sputnik аинтервиу азҭаз "Аԥснылифт" адиректор Ҭемыр Ҷкотуа.

АҞӘА, жәабран 14 – Sputnik. Аибашьра ашьҭахь алифтқәа рҭагылазаашьа бааԥсӡан уҳәар алшоит. Абар жәашықәса ирықәуп урҭ реиҭашьақәыргылара ҳаҿуижьҭеи. 2015 шықәса раахыс иԥсахуп 113 лифт, иҳәеит Ҭемыр Ҷкотуа.

120 лифт ԥсахын Аԥсны асоциал-економикатә ҿиаразы Урыстәыла иҟанаҵо ацхыраарала.

"Уажәы апрограмма ҿыц аусура алагара ҳазыԥшуп. Ҳара алифтқәа рмаҵзура иааиԥмырҟьаӡакәа имҩаԥаҳгоит", - иҳәоит Ҷкотуа.

Ҭемыр Ҷкотуа  - Sputnik Аҧсны
Арадио
Ҷкотуа еиҭеиҳәеит алифтқәа русура аангылара еиҳарак изыхҟьо

Алифт аусура ҿҳәарас иамоуп 25 шықәса. Абри ашьҭахь иара ма зынӡа аусура иаҟәыхтәуп, ма аус еиҭадулатәуп.

2010-2013 шықәсқәа рыҩныҵҟа иԥсахуп 42 лифт.

Алифтқәа рымаҵ аура уадаҩуп: ауааԥсыра иԥхасҭартәуеит ма аремонт ҟазҵо ргәамсам, рыҩнымаҭәа ауаа рымҩангара иазку алифт ала иқәыргарц иалагоит. Уи алифт ԥнаҽуеит.

"Иажәхьоу алифтқәа ахьырацәоу иахырҟьаны ауааԥсыра лассы-лассы ҳусзуҩцәа ирыԥхьоит. Мышкы ахы-аҵыхәа ҩынтә-хынтә ианрыԥхьо ыҟоуп. Иахьатәи аамҭазы аус зуаны иҟоу 250 лифт роуп", - ҳәа азгәеиҭоит Ҷкотуа.

 

Ажәабжьқәа зегьы
0